Hanyoyi 6 da mutum zai kare kansa daga tsananin zafi
Published: 12th, March 2025 GMT
Hukumar Hasashen Yanayi ta Najeriya (NiMet), ta yi gargaɗin cewa za a fuskanci zafin rana mai tsanani a kwanaki masu zuwa, a wasu yankuna na Najeriya.
A cewar NiMet, jihohin da za su fi fuskantar wannan yanayi sun haɗa da Kebbi, Neja, Kwara, Oyo, Kogi, Nasarawa, Benuwai, Enugu, Anambra, Abiya, Ebonyi, Kuros Riba da Babban Birnin Tarayya.
Sauran yankunan da ake tsammanin za su fuskanci zafi mai tsanani sun haɗa da Kudu Maso Yamma, Taraba, Adamawa, Filato, Kaduna, Zamfara, da Sakkwato.
Zafi mai tsanani na iya zama hatsari ga lafiyar jikin mutum, yana iya haifar da matsaloli kamar bugun zuciya da zafin jiki mai yawa.
Hukumar Lafiya ta Duniya (WHO), ta yi gargaɗin cewa bugun zuciya na faruwa ne a lokacin da jikin mutum ba zai iya daidaita zafin jikinsa ba, wanda ka iya haifar da lalacewar gaɓoɓin jiki ko ma rasa rai baki ɗaya.
Ga hanyoyi guda shida da mutum zai bi don kare kansa daga zafi mai tsanani:
1. Tufafi Marasa NauyiZaɓar tufafin da ba su da nauyi kuma masu launin haske, waɗanda aka yi da auduga su ne suka fi dacewa da wannan yanayi. Tufafin da ba su matse jiki ba suna bai wa iska damar shiga ko ina, hakan yana taimakawa wajen rage zafi.
2. Kula da ƘibaMutanen da suke da ƙiba suna da hatsarin kamuwa da cututtukan da suka shafi zafi saboda kitsen jikinsu yana hana zafi fita cikin sauƙi. Kula da nauyin jiki zai taimaka wajen daidaita zafin jiki.
3. Cin Abinci Mara NauyiZaɓar abinci masu ɗauke da ruwa kamar kayan lambu da ‘ya’yan itatuwa na da matuƙar amfani a wannan yanayi. Cin abinci mai nauyi yana ƙara zafin jiki saboda yana buƙatar kuzari mai yawa wajen narkewa.
4. Gujewa Aiki A Cikin RanaYana da kyau ake zama a gida idan ana rana mai zafi sosai. Idan dole sai mutum ya fita, to yana da kyau ya fita da safe ko bayan faɗuwar rana. Sannan yana da kyau mutum ya huta idan jikinsa ya fara nuna gajiya.
5. Shan Ruwa da YawaMutum ya tabbata yana shan ruwa sosai da rana, sannan ya ci abinci masu ruwa kamar kankana, gurji, da lemu. Yin wanka da ruwan sanyi ko saka rigar da aka jiƙa da ruwa na taimakawa wajen rage zafi.
6. Rage Shan BarasaShan barasa yana sa jiki ya rasa ruwa, wanda zai iya ƙara hatsarin kamuwa da matsalolin da suka shafi zafi. WHO ta bayar da shawarar a rage shan giya ko barasa a lokacin zafi mai tsanani.
Idan aka bi waɗannan shawarwari, za a iya rage hatsarin da zafi mai tsanani ke haifarwa, tare da kare lafiya.
উৎস: Aminiya
এছাড়াও পড়ুন:
An Dakatar Da Shugaban APC Na Jihar Nasarawa
Shugabannin jam’iyyar APC a matakin gunduma na Gayam, cikin ƙaramar hukumar Lafia, sun dakatar da shugaban jam’iyyar a matakin jiha, Hon. Aliyu Bello. Sun zarge shi da aikata abubuwan da suka saɓa da kundin tsarin mulki na jam’iyyar, musamman sashe na 21 (D)(i–iii), wanda ya haɗa da cin amanar jam’iyya da goyon bayan ɗan takarar wata jam’iyya daban.
Shugaban gundumar, Ibrahim Ilyasu, ya bayyana cewa matakin dakatarwar ya fara aiki nan take, kuma Hon. Bello ba zai iya wakiltar kansa ko amfani da matsayin sa a matsayinsa na mamba na APC daga Gayam ba, har sai an warware batutuwan da aka gabatar. Sun kuma zarge shi da jawo wa jam’iyyar tozarci da keta mutuncinta a idon jama’a.
Haɗakar Jam’iyyun Adawa Ba Ya Ɗaga Mana Hankali – Sabon Shugaban APC Sanusi II Ya Gudanar Da Hawan Nassarawa Duk Da Umarnin ‘Yansanda A KanoSai dai wasu daga cikin jiga-jigan jam’iyyar a jihar sun ce wannan matakin wani yunkuri ne daga wani ɓangare na ƙungiyar siyasa da ke ƙoƙarin kifar da Bello daga kujerarsa, musamman bisa alaƙa da wani ɗan takarar gwamna a jihar. Sun ce wannan rikici ya ƙara bayyana rabuwar kai da rikicin cikin gida a jam’iyyar.
A wata ganawa da wasu shugabannin jam’iyyar a Lafia, an kaɗa ƙuri’ar nuna goyon baya da amincewa da shugabancin Hon. Bello, wanda hakan ke nuna cewa har yanzu akwai sassa a jam’iyyar da ke goyon bayansa, duk da dakatarwar da aka sanar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Rasha na goyon bayan sake farfado da yarjejeniyar nukiliyar Iran