Ƙudan zuma ya tarwatsa ɗaliban da ke jarrabawar NECO
Published: 27th, June 2025 GMT
Wasu gungun ƙudan zuma sun kai hari tare da tarwatsa ɗaliban da ke rubuta jarrabawar Hukumar da ke shirya jarrabawar kammala sakandare ta ƙasa ta Najeriya (NECO) a makarantar sakandaren kimiyya ta Mairi da ke Maiduguri a Jihar Borno.
Wannan hari na ba-zata da gungun ƙudan zumar suka kai ya tilastawa ɗalibai da malaman makarantar tserewa daga harabar makarantar domin neman tsira.
Shaidun gani da ido sun ce, sun ga ɗalibai na barin litattafai da takalma da jakunkuna, har ma da kekunansu yayin da suke gudu daga makarantar.
A cewar wani ɗalibin da ke jarabawar da ya nemi a sakaya sunansa ya ce, ƙudan zuman sun daɗe da tarewa a wannan makarantar, amma ba su kai hari a baya ba sai a yanzu.
“Muna rubuta jarrabawar harshen larabci (Arabic) sai ƙudan zuma suka fito gadan-gadan daga wurin da suke da ke harabar makarantar suka far mana da harbi wanda ban san abin da ya jawo harin ba,” in ji wani dalibin.
Wannan lamari dai na zuwa ne kwanaki kaɗan bayan wani harin ƙudan zuma da suka kai a makarantar Shehu Sanda Kyarimi da ke kan titin Bama a birnin na Maiduguri.
Ma’aikatar ilimi, kimiyya, fasaha da kirkire-kirkire ta jihar Borno ce ke kula da harkokin ilimi a jihar, gami da tabbatar da tsaron makarantu.
Duk da haka, abubuwan da suka faru irin waɗannan suna nuna buƙatar matakan kare ɗalibai daga barazanar da ba zato ba tsammani makamancin abin da ya faru a yanzu.
Harin dai ya kawo cikas ga gudanar da jarabawar NECO cikin kwanciyar hankali, lamarin da ya janyo damuwa a tsakanin ɗalibai da malamai da iyayen wannan makaranta.
Rahoton na nuna cewar, an yi sa’a kawo yanzu ba a samu asarar rayuka ko mummunan jikkata ba.
উৎস: Aminiya
এছাড়াও পড়ুন:
Kotu ta yanke wa mutum 5 hukuncin rataya a Oyo saboda aikata kisan kai
Babbar Kotun Jihar Oyo da ke Ibadan, babban birnin jihar, a ranar Litinin ta yanke hukuncin kisa ta hanyar rataya ga mutum biyar da ta samu da laifin kashe wani direban tasi.
Kotun dai ta sami mutanen ne da laifin kashe direban mai suna Akeem Shittu a lokacin mummunan rikici a shekarar 2024.
DAGA LARABA: Shin Ya Kamata A Biya Kudin Fansa Ga Masu Garkuwa Da Mutane? An sako ɗalibai 25 da ’yan bindiga suka sace a KebbiYayin yanke hukunci, alkalin kotun, Mai Shari’a Oyeyemi Ajayi ya bayyana cewa Segun Taiwo (36), Kehinde Ademola (46), Yahaya Adeniyi (45), Chinonso Samson (41), da Opadotun Michael (32) sun yi tarayya wajen yin hadin baki da kuma kisan Shittu.
“Na yi la’akari da cewa kotu za ta iya tabbatar da hadin baki a cikin ayyukan da suka kai ga mutuwar Shittu,” in ji shi.
Saboda haka, ya yanke wa kowanne daga cikin su hukuncin shekaru 20 a kurkuku saboda makirci, sannan ya yanke hukuncin kisa ta hanyar rataya saboda laifin kisan kai.
“A kan tuhuma ta biyu, kowanne daga cikin waɗanda ake tuhuma an yanke masa hukuncin kisa ta hanyar rataya,” in ji alkalin.
Tun da farko, Lauyar gwamnatin Jihar, K. K. Oloso, ta bayyana yadda ƙaramin hatsarin hanya ya rikide zuwa mummunan hari.
Ta ce a ranar 10 ga Afrilu, 2024, da misalin ƙarfe 8:30 na dare, a kan titin Elepe, Arulogun Road, yankin Ojoo na Ibadan, waɗanda ake tuhuma tare da wasu da har yanzu ba a kama ba sun kai wa Shittu hari bayan ya yi karo da babur mai ɗauke da fasinjoji biyu.
“An ce ɓangarorin sun tafi wata mashaya kusa domin sasanta lamarin. A can, ƙungiyar masu babur ta nemi N50,000 don yin magani, amma Shittu ya iya bayar da N8,000 kawai. An hana shi barin wurin, aka cire masa kaya, kuma duk da cewa ya yi ƙoƙarin tserewa na ɗan lokaci, daga baya aka kewaye shi aka yanka shi da adda har lahira.”
Masu bincike daga baya sun gano motar tasi dinsa da mayafinsa a gaban shagon matar ɗaya daga cikin waɗanda aka yanke wa hukuncin.
Lauyar gwamnatin ta jaddada cewa laifukan sun sabawa sashe na 316 kuma laifuka ne a ƙarƙashin sashe na 319 da na 324 na Dokar Laifuka ta Jihar Oyo ta 2000, wadda ta tanadi hukunci mai tsanani ga makirci da kisan kai.
Ma’aikatan shari’a 97 sun samu ƙarin girma a Borno