Filato: Mahara sun cire hannun matashi a kan hanyar komawa gida daga jana’iza
Published: 4th, July 2025 GMT
Wasu ’yan bindiga sun kai hari kan masu dawowa daga binne gawa a kauyen Rim na jihar Filato, inda suka datse wa daya daga cikin matasan da ke wurin hannu daya.
Bayanai sun nuna cewa mutanen na kan hanyarsu ce ta dawowa daga bikin binne wani mutum ne a kauyen Bachit da ke da makwabtaka da su inda suka yi arba da maharan wadanda suka tare su suka bude musu wuta, sannan suka datse wa daya daga cikin mutanen hannu daya.
Wani Hadimin Gwamnan Filato, Caleb Mutfwang, mai suna Timothy Dantong, wanda yake cikin mutanen da suke dawowa daga binnewar da shi ma ya tsallake rijiya da baya, ya tabbatar wa majiyarmu da kai harin a ranar Alhamis.
Ya ce daga bisani an turo wata tankar yaki da jami’an tsaro wadanda suka isa yankin suka ceto su.
Timothy ya ce, “Jiya na je jana’iza a kauyena na Bachit. A kan hanyarmu ta dawowa sai muka tarar an kai hari kauyen Rim, inda aka shawarce mu da mu dakata, saboda dole sai mun wuce ta nan kafin mu koma gida. Haka muka zauna sai da muka shafe awa biya muna zaman jira.
“Wasu daga cikinmu da suka gaza jira suka tafi, inda aka bude musu wuta sannan aka cire wa daya daga cikinsu hannunsa gaba daya.
“Mu ma dole sai daga baya aka turo mana tankar yaki ta zo ta ceto mu daga zaman jiran tsammani, amma da tuni lamarin ya ritsa da ni. Ban son me wadannan maharan suke so daga gare mu ba, sun matsa wa mutanenmu,” in ji Timothy.
Kakakin Rundunar ’Yan Sandan Jihar Filato, Alabo Alfred bai dauki kiran da aka mas aba don jin ta bakin rundunar kan harin, har zuwa lokacin hada wannan rahoton.
উৎস: Aminiya
কীওয়ার্ড: Yan Bindiga mahara
এছাড়াও পড়ুন:
An kama ɗaya daga cikin manyan kwamandojin IPOB
Rundunar Sojin Kasa ta Najeriya ta sanar da samun nasarar cafke Ifeanyi Eze Okorienta, wanda aka fi sani da “Gentle de Yahoo”, ɗaya daga cikin manyan kwamandojin ƙungiyar IPOB, a wani samame da ta kai a yankin kudu maso gabashin ƙasar.
Kamfanin Dillancin Labarai na Najeriya NAN ya ruwaito wata majiya daga hedikwatar rundunar sojin tana cewa an cafke Gentle de Yahoo ne yayin farmakin da sojojin suka kai a ranar Lahadi kan sansanonin ’yan ƙungiyar a cikin wani dajin da ke ƙaramar hukumar Okigwe a Jihar Imo.
An tattauna yadda za a inganta walwalar malamai a Gombe Tinubu ya janye dokar ta-ɓaci da ya sanya a RibasMajiyar ta ce a yayin cafke jagoran na IPOB, an kuma ƙwato makamai da dama daga hannunsa, ciki har da bindigogi kirar Turai, harsasai, kakin sojoji da na ’yan sanda.
“Cafke wannan kwamanda babban ci gaba ne wajen murƙushe ayyukan ta’addanci da ƙungiyar IPOB ke aikatawa, musamman a yankunan da suke hana zaman lafiya,” in ji majiyar.
Kungiyar IPOB, wacce ke fafutukar ballewa daga Najeriya don kafa ƙasar Biyafara, ta kasance a gaba-gaba wajen aikata hare-hare da ta da tarzoma a jihohin kudu maso gabas, musamman ta hannun sashen rundunar da suka kafa da kansu mai suna Eastern Security Network (ESN).
Ana dai zargin cewa Eze yana ɗaya daga cikin jagororin da ke tsara harin kwantan bauna, da hana zirga-zirga a wasu sassan yankin, wanda hakan ya jefa al’umma cikin fargaba da zaman ɗar-ɗar.
Wannan nasara na zuwa ne bayan makonni kaɗan da wata kotu a ƙasar Finland ta yanke wa Simon Ekpa, wani babban jigo a ƙungiyar IPOB, hukuncin ɗaurin shekaru shida a gidan yari kan laifukan da suka shafi ta’addanci da tayar da zaune tsaye.
Masu sharhi na ganin cewa cafke Gentle de Yahoo wata alama ce da ke nuna cewa ana shirin ragargaza ƙungiyar IPOB gaba ɗaya, duk da cewar har yanzu akwai sauran rina a kaba, musamman ganin cewa wasu sassan yankin na ci gaba da fuskantar matsalolin tsaro.
Sarkin Saudiyya Ya Ɗauki Nauyin Falasɗinawa 1,000 Su Sauke Faralin