Yawan Kudin Shiga Da Sin Ta Samu A Fannin Sana’ar Manhaja A Watanni 5 Na Farko Na Bana Ya Wuce Yuan Triliyan 5.5
Published: 2nd, July 2025 GMT
Yau Laraba, Hukumar Kula da Fasaha ta Kasar Sin (MIIT) ta ba da rahoton yanayin tafiyar masana’antar manhajoji ta kasar daga watan Janairu zuwa Mayun shekarar 2025 da muke ciki.
A cewar rahoton, masana’antar manhaja da hidimar fasahar sadarwa ta Sin tana gudana yadda ya kamata. Da farko, yawan kudaden shiga da aka samu kan sana’ar manhaja ya karu karara.
Na biyu, ribar da aka samu a fannin kuma ta habaka da kashi 10% ko fiye. Daga Janairu zuwa Mayu, jimilar ribar da aka samu a bangaren sana’ar manhaja ta kai kudin Sin yuan biliyan 672.1, wadda ta karu da kashi 12.8 cikin dari kan na makamancin lokacin bara.
Na uku, yawan manhajojin da aka fitar ya ci gaba da karuwa cikin inganci. A cikin watanni biyar na farkon bana, darajar kayayyakin manhaja da aka fitar ya kai dalar Amurka biliyan 22.71, adadin da ya karu da 3.3% bisa na makamancin lokacin a bara. (Mai fassara: Bilkisu Xin)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
Tattalin Arzikin Sin Ya Bunkasa Yadda Ya Kamata A Watan Yuli
Da safiyar yau Jumma’a, hukumar kididdiga ta kasar Sin ta gabatar da rahoton tattalin arzikin kasar na watan Yuli, inda ta bayyana cewa, kasar Sin ta gaggauta daidaita manufofin tattalin arziki daga manyan fannoni, tare da inganta dunkulewar manyan kasuwanni cikin sassan kasar, ta yadda aka tabbatar da bunkasuwar tattalin arziki cikin tsari, da kara bukatun al’umma, da tabbatar da dorewar samar da aikin yi da daidaiton farashin kaya, da kuma raya sabon karfin samar da hajoji da hidimomi masu karko, inda aka cimma sabbin nasarori kan neman ci gaba mai inganci.
A fannin masana’antu kuma, yawan kayayyakin da aka samar ya karu da sauri, kana, aikin kera na’urori da aikin samar da kayayyaki da fasahohin zamani suna bunkasuwa kamar yadda ake fatan gani. Har ila yau a watan Yulin, kudin shigar manyan masana’antu ya karu da kaso 5.7 bisa dari, idan aka kwatanta da na makamancin lokacin bara. Haka kuma, kudin shigar masana’antun kera na’urori ya karu da kaso 8.4 bisa dari, kana, karuwar kudin shigar masana’antun sarrafa kayayyaki da fasahohin zamani ya kai kaso 9.3 bisa dari.
Haka zalika, ayyukan ba da hidima suna bunkasuwa da sauri, musamman ma a fannin ba da hidima da fasahohin zamani. Inda yawan kudaden da aka kashe a wannan fanni ke ci gaba da karuwa cikin manyan kasuwanni, kuma harkokin ba da hidima da ba na sari ba, suna bunkasuwa cikin sauri sosai. Kana, yawan jarin da aka zuba kan kadarori ya ci gaba da karuwa, haka ma yawan jarin da aka zuba kan masana’antun kere-kere, wanda yake bunkasuwa cikin sauri. (Mai Fassara: Maryam Yang)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Nuna Sassauci Ba Mataki Ne Da Ya Dace Da Warware Yakin Harajin Kwastam Ba