Gwamnati Ta Tabbatarda Kungiyoyin Hadaka A Matsayin Ginshikin Ci gaban Al’umma
Published: 26th, February 2025 GMT
Gwamnatin Tarayya ta ce ta gano irin muhimmiyar gudunmuwar da kungiyoyin hadaka ke takawa wajen bunkasa tattalin arziki da ci gaban al’umma, da kuma karfafa jama’a a kasar.
Karamin Ministan Noma da Tsaron Abinci, Dakta Aliyu Sabi Abdullahi, ya bayyana hakan yayin kaddamar da shirin horo na musamman ga shugabanni, kwamitocin gudanarwa, da manajoji na kungiyoyin hadaka a Najeriya, wanda aka shirya a Kaduna.
A cewar Kungiyar Hadaka ta Duniya (International Cooperative Alliance), sama da kashi 12% na al’ummar duniya suna cikin daya daga cikin kungiyoyin hadaka miliyan 3 a duniya.
Kungiyoyin hadaka suna nada muhimmiyar gudunmuwa wajen bunkasa tattalin arziki mai dorewa, inda suke samar da ayyukan yi da damammaki ga mutane miliyan 280, wanda ya kai kimanin kashi 10% na ma’aikatan duniya.
Kungiyoyin hadaka 300 mafi girma da kamfanonin taimakon juna suna samar da kudaden shiga har dala tiriliyan 2.4, kamar yadda rahoton World Cooperative Monitor na 2023 ya nuna.
A cewar Karamin Ministan Noma da Tsaron Abinci, Dakta Aliyu Sabi Abdullahi, domin cika burin farfado da wannan bangare, Gwamnatin Tarayya ta kuduri aniyar samar da horo da damammakin ci gaban shugabanni da manajoji na kungiyoyin hadaka a jihohi 36 na Tarayya ciki har da Babban Birnin Tarayya (FCT).
Ya ce yayin da gwamnati ke aiwatar da Shirin Sabon Fata don bangaren kungiyoyin hadaka, tana daukar matakan gyara da farfado da tsarin domin mayar da martabar kungiyoyin hadaka a matsayin mai karfi wajen ci gaban zamantakewa da tattalin arziki a Najeriya.
Dakta Aliyu Sabi Abdullahi ya kuma bayyana cewa gyaran zai mayar da hankali kan dubawa da gyaran dokar Nigeria Cooperative Act don daidaita ta da kyawawan dabi’un duniya da yanayin gida.
Samar da tsari mai kyau na lura da gudanarwar kungiyoyin hadaka don tabbatar da gaskiya da rikon amana.
Samar da tsare-tsaren sa ido don kawar da kungiyoyin hadaka na bogi da masu zamba.
Ya kuma yaba wa Shugaban Kwalejin Hadaka ta Tarayya Kaduna, Dakta Ibrahim Auwal, bisa kaddamar da wannan shirin horo na musamman da ya yi daidai da tsarin gyara da farfado da bangaren.
A nasa jawabin, Shugaban Kwalejin, Dakta Ibrahim Auwal, ya ce horon zai baiwa mahalarta damar samun kwarewa da ilimin da ake bukata don ci gaban kungiyoyinsu da karfafa al’ummomin da suke wakilta.
Ya jaddada cewa kungiyoyin hadaka su ne ginshikan karfafa tattalin arziki da hade-haden zamantakewa, da ci gaba mai dorewa.
Cov: Adamu Yusuf
উৎস: Radio Nigeria Kaduna Hausa
কীওয়ার্ড: Gwamnati Gwamnati Ta Tabbatar da Kungiyoyin Hadaka a Matsayin Ginshikin Ci gaban Al umma Matsayin Tabbatarda
এছাড়াও পড়ুন:
Zaben 2027 Zai Kasance Ne Tsakanin Mulkin Tinubu Da Zabin Ƴan Nijeriya —Atiku Abubakar
“Ana kiransa da suna dokar binciken tntanet ta tsoratarwa, wadda kasashen da suka ci gaba da dama suka dade da yin watsi da ita. A karni na 21, ba za a iya tunanin cewa gwamnatin Nijeriya za ta tauye ‘yancin fadin albarkacin baki, wanda shi ne ginshikin mulkin dimokuradiyya.”
Atiku ya ce duk wata doka da ke take ‘yancin ‘yan kasa na yin tsokaci mai muhimmanci game da shugabanninsu ko a hanyoyin sadarwar zamani ko ta hanyar magana ba dimokuradiyya ba ce kuma kai tsaye take hakkokin Dan’adam ne.
“A cikin shekaru biyu da rabi da suka gabata tun bayan da gwamnatin Tinubu ta fara daukan matakan da ke janyo kuncin tattalin arziki da yunwa da bakin ciki ga mutanen Nijeriya, mun shaida zanga-zanga da koke-koke daga ‘yan kasa da ba za su iya daukar mulkin rashin gaskiya ba. Duk da haka, maimakon sauraron ‘yan kasa sai gwamnatin ta zabi hanyar amfani da karfin hukumo da tsoratarwa wadda ta juya lamarin zuwa wani abu daban.
“Lallai abin bakin ciki ne na ganin ana take hakkin ‘yan kasa da kundin tsarin mulki ya tabbatar a lokacin da ya kamata dimokuradiyyarmu ta kasance mai bin tsari. Dole ne mu tunatar da gwamnatin Tinubu cewa babu gwamnati a lokacin da ta kasa kare ‘yancin ‘yan kasarta, komai karfinta kuwa. Yin haka abun ta da hankali ne kuma hakan yana nuna gazawar gwamnati a fili.”
Atiku ya ce tabbas gwamnati na da alhakin kula da doka da oda, babu ingantacciyar gwamnati da za ta harbi masu zanga-zangar lumana da harsashi mai rai ko ta boye a bayan dokoki tana musguna wa ‘yan kasa.
Ya ce rashin kulawar gwamnati Tinubu ga dokar kasa da kuma ci gaba da kin bin umarnin kotu sun zama shahararrun siffofinta mafiya suna a kasar nan a halin yanzu.
Tsohon mataimakin shugaban kasa ya kara da cewa tun farkon wannan gwamnati, kungiyar kare hakkin Dan’ada ta Amnesty ta soke wannan gwamnatin da take hakkin Dan’adam.
Ya ce haka ma wasu kungiyoyi masu muhimmanci kamar irinsu kungiyar ‘yan jaridu ta Nijeriya da kungiyar kare ajandar kafafen yada labarai sun yi korafi kan cin zarafin ‘yan jarida da ‘yan kasa ta hannun jami’an gwamnati.
ShareTweetSendShare MASU ALAKA
Jami’an tsaro sun kama Ɗan Bello a Kano