He Lifeng Ya Bukaci Amurka Da Ta Warware Takaddamar Cinikayya Da Sin Ta Hanyar Tattaunawa Da Hadin Gwiwa
Published: 11th, June 2025 GMT
Mataimakin firaministan Sin He Lifeng, ya bukaci Amurka da ta warware takaddamar cinikayya da Sin ta hanyar tattaunawa, da hadin gwiwa da zai iya haifar da moriyar bai daya. He, ya ce Sin na jaddada burin ganin Amurka ta yi aiki da bangaren Sin, ta yadda za a martaba alkawura da matakai da aka amince, da nuna sahihanci wajen yin aiki tukuru, da aiwatar da gaskiya da kwazo wajen aiwatar da matsayar da aka cimma, ta yadda za a kai ga kare nasarorin da aka cimma ta hanyar shawarwari.
He, ya yi tsokacin ne yayin taron farko na shawarwari game da harkokin tattalin arziki da cinikayya tsakanin Sin da Amurka, wanda ya gudana a ranakun Litinin da Talata a birnin Landan na Birtaniya, tare da jagoran tawagar Amurka a taron, sakataren baitul-mali Scott Bessent, da sakataren cinikayyar kasar Howard Lutnick da kuma wakilin cinikayyar kasar Jamieson Greer.
Yayin zaman tattaunawar, tsagin Amurka ya ce shawarwarin sun haifar da sakamako mai gamsarwa, kana an daidaita alakar tattalin arziki da cinikayya tsakanin sassan biyu, yayin da bangaren na Amurka ke fatan yin tafiya kafada da kafada da Sin, daidai da bukatun da shugabannin kasashen biyu suka amince, yayin zantawarsu ta wayar tarho, ta yadda za a tabbatar da nasarar aiwatar da matsayar da aka cimma a wannan taro. (Mai fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
An Gudanar Da Taron Ministoci Masu Daidaita Ayyukan Da Aka Amince Yayin Taron FOCAC
A yau ne aka gudanar da taron ministoci masu daidaita ayyukan da aka amince, a gun taron tattauna hadin gwiwar Sin da Afirka wato FOCAC, a birnin Changsha dake lardin Hunan na kasar Sin, inda ministan harkokin wajen kasar Sin Wang Yi ya halarci bikin kaddamar da taron, tare da karanta wasikar murnar bude bikin ta shugaban kasar Sin Xi Jinping, kana ministan harkokin wajen kasar Kongo Brazaville Jean-Claude Gakosso, ya karanta wasikar murnar bude bikin ta shugaban kasarsa Denis Sassou Nguesso. Taron ya samu halartar ministocin kasashe membobin kungiyar FOCAC, da wakilan kwamitin AU, da jakadun kasashen Afirka dake kasar Sin, wadanda adadinsu ya zarce 100.
Wang Yi ya jaddada cewa, ya kamata Sin da Afirka su nuna goyon baya ga juna, da tabbatar da hadin kai a tsakanin kasashe masu tasowa a duniya, da ci gaba da bude kofa ga kasashen waje, da yin kira da rika gudanar da cinikayya cikin ‘yanci a duniya, da ci gaba da samun moriyar juna, da kiyaye hadin gwiwar kasa da kasa, da samun bunkasuwa tare, da kiyaye adalci da tabbatar da odar kasa da kasa, da yin mu’amala da juna, da kuma sa kaimi ga tabbatar da bambance-bambancen wayewar kan duniya.
Minista Gakosso ya wakilci kasashen Afirka, inda ya bayyana cewa, ana maraba da shirye-shirye 10, na raya dangantakar abokantaka da shugaba Xi Jinping ya gabatar, da nuna goyon baya ga fatan hadin gwiwar Sin da Afirka na shekarar 2035, tare da fatan za a aiwatar da ayyukan da aka amince da su, a gun taron kolin FOCAC na birnin Beijing.
A hannu guda kuma, bangaren Afirka ya bayyana adawa da matakan kara buga harajin kwastam, da sanya takunkumi daga bangare daya, yana tsayawa tare da kasar Sin wajen tinkarar kalubale bai daya. (Zainab Zhang)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Iran Da Saudiyya Sun Tattauna Kan Taron OIC Mai Zuwa