IRGC : Iran ta kai hare hare wurare a kalla 150 a Isra’ila
Published: 14th, June 2025 GMT
Wani babban jami’in sojan Iran ya ce an kai hare-hare a kalla wurare 150 a farmakin ramuwar gayya kan gwamnatin Isra’ila, ciki har da wasu sansanonin soji masu matukar muhimmanci.
Da yake zantawa da gidan talabijin na kasar da sanyin safiyar Asabar, Birgediya Janar Ahmad Vahidi, babban mai ba da shawara ga babban kwamandan dakarun kare juyin juya halin Musulunci na Iran ya ce, rundunar ta IRGC ta yi nasarar aiwatar da shirinta na Operation True Promise III.
A cewar kwamandan na IRGC, an kuma kai hari kan ma’aikatar harkokin soji da cibiyoyin soji da masana’antu a lokacin da Jamhuriyar Musulunci ta Iran ke daukar fansa.
Daga cikin wadanda harin ya rutsa da su sun hada da Manjo Janar Mohammad Bagheri, babban hafsan hafsoshin sojojin Iran, Birgediya Janar Amir Ali Hajizadeh, shugaban sashin kula da sararin samaniyar IRGC, da Manjo Janar Gholam-Ali Rashid, kwamandan babban shalkwatar Khatam al-Anbiya ta kasar.
Har ila yau, hare-haren sun yi sanadin mutuwar tsoffin masana kimiyyar nukiliya Mohammad-Mehdi Tehranchi, Fereydoun Abbasi, da Dr. Abdol-Hamid Minoucher, tare da fararen hula fiye da 70 da suka hada da yara da mata.
Duk da haka, ya sake nanata cewa wannan babban “kuskure” ne daga bangaren Isra’ila, yana mai gargadin cewa, “Dole ne su jira sakamakon.
উৎস: HausaTv
এছাড়াও পড়ুন:
Kwamadan Sararin Samaniyar Iran Na Dakarun Kare Juyi Haji Zadeh Yana Cikin Wadanda Su Ka Yi Shahada
Kwamandan sararin samaniya na dakarun kare juyin juya halin musulunci na Iran Janar Amir Ali Haji Zadeh yana cikin wadanda su ka yi shahada sanadiyyar harin da sojojin HKI su ka kawo wa da asubahin yau Juma’a.
Kamfanin dillancin labarun “Mehr” ya nakalto majiyar juyin juya halin musulunci ta Iran tana tabbatar da shahadar Janar Amir Ali Haji Zadeh.
Ka Cire Sarkin Kano Bayero Daga Fadar Nasarawa – Gwamnatin Kano Ga Tinubu