Kungiyar Ta’addanci Ta ISIS Ta Zargi Shugaban Gwamnatin Siriya Da Kauce Hanya Madaidaiciya
Published: 23rd, May 2025 GMT
Kungiyar ta’addanci ta Da’ish ko ISIS ta zargi shugaban gwamantin kasar Siriya al-Julani da yin sujjada a kofar shiga wajen kafirai
Kungiyar ta’addanci ta Da’ish ko ISIS ta bayyana shugaban sabuwar gwamnatin Siriya Abu Muhammad al-Julani a matsayin azzalumi wanda ya sayar da addininsa tare da yin sujjada a kofar shiga wajen kafirai.
A cikin wani sako na addini, a kokarinta na jan hankali masu saurarenta wadanda ta kira su “masu hijira saboda Allah,” kungiyar ta’addanci ta ISIS ta fitar da wani kira na farfaganda ga wasu ‘yan kasashen waje da kuma sabbin hukumomin tsaro na gwamnatin Siriya, kungiyar ISIS ta yi kira ga ‘yan kasashen waje da ke kasar Siriya da su tuba su daina yi wa sabon shugaban gwamnatin Siriya Abu Muhammad al-Julani biyayya da hidima, wanda ta bayyana shi a matsayin azzalumin da ya sayar da addininsa tare da yin sujada a kofar mashigar kafirai.
Sakon kungiyar ta ISIS na kunshe da gargadi mai tsanani ga wadanda ke ci gaba da aiki a cikin sabuwar gwamnatin Siriya. Har ila yau, sakon ya hada da barazanar kai hare-haren soji, da nuna kasancewar mambobinta da ta tura su zuwa yankunan karkara, tare da yin barazanar mayar da martani ga duk wani mataki da aka dauka kanta.
উৎস: HausaTv
কীওয়ার্ড: gwamnatin Siriya
এছাড়াও পড়ুন:
Cututtukan Da Aka Fi Fama Da Su lokacin Damina Da Yadda Za A Kauce Musu
“A kowane mako, muna karbar yara fiye da 100 da ke fama da cutar maleriya. Sannan kuma, mafi yawancin lokaci; ba a kawo su asibiti, sai cutar ta tsananta”, in ji likitan.
– Ciwon ciki da amai da gudawa (kwalera): Lokacin damina na kawo yawan samun gurbataccen ruwa, wanda ke haddasa cututtuka kamar ciwon ciki, amai da gudawa da kuma zazzabin taifod.
Wannan na yawan shafar yara, musamman ‘yan kasa da shekara biyar.
Dakta Ahmad ya kara da cewa, “Yara na da rauni a garkuwar jikinsu, sannan kuma idan suka kamu da gudawa, jikin nasu na rasa ruwa cikin sauri, har ta kai ga samun mace-mace.”
-Kaikayi da kurajen fata: Likitan ya ce, lokacin damina na matukar kawo danshi, wanda ke haddasa kaikayi da tabo-tabo a fata da gashi da kuraje, wanda ke yaduwa cikin yara da kuma matasa.
“Mafi yawan yara da manya da ke zuwa asibiti a lokacin damina, suna fama da kaikayin fata da kuraje ne a jiki”, a cewar Dakta Ahmad.
– Mura da tari da ciwon makogwaro: Sanyin damina da iska mai danshi, na haddasa mura da tari, musamman ga yara da kuma tsofaffi.
Yana iya haifar da matsanancin ciwon makogwaro da kamuwa da cututtukan numfashi kamar ‘pneumonia’.
“Yara da manyan da ba su da rigar sanyi ko suna yawan shan ruwan sanyi a lokacin damina, na iya fara tari da hanci mai yoyon majina”, in ji likitan.
– Ciwon Ido (Apollo – Conjunctibitis): Ciwon ido na ‘Apollo’ na yaduwa sosai a lokacin damina. Idanu sukan yi ja, su kumbura, su rika zubar da ruwa, suna kuma yin zafi.
“Ciwon ‘Apollo’, na yaduwa ne ta hanyar hannu da kuma amfani da kayayyaki irin su tawul ko gado tare da mai cutar”, likitan ya kara bayyanawa.
Ga Alamomin Wadannan Cututtuka Kamar Haka:
Alamomin zazzabin cizon sauro:
Zazzabi mai tsanani
zafin jiki
Jin sanyi da zufa
Ciwon kai da kaikayin jiki
Yawan gajiya
Alamomin Ciwon Ciki Da Amai Da Gudawa (Kwalera):
Yawan zuwa bayan gida
Ciwon ciki
Aman da ya ki tsayawa
Rashin karfi da gajiya
Bushewar baki da fata
Alamomin kurajen fata da kaikayi
Kaikayi da kalar ja a fata
Kuraje na yin tsiro a kan fata har wasu suna ruwa da fashewa
Saurin fushi ko kukan yara saboda jin zafi
Alamomin mura da tari da ciwon makogwaro
Tari da mura
Zafi a makogwaro
Toshewar hanci
Yawan nishi da jin nauyi a kirji
Alamomin Ciwon Ido (Apollo – Conjunctibitis):
Jan ido da kumburi
Zubar da ruwa ko kwantsa daga ido
Jin kaikayi a ido
Matakan Kariya:
Matakan Kariya Daga Zazzabin Cizon Sauro:
– Amfani da gidan sauro da aka shafa wa magani
– Kawar da ruwa da shara a kusa da gida
– Feshe wurin barci da maganin sauro
– Guje wa fita da dare ba tare da tufafin da ke rufe jiki ba
Matakan Kariya Daga Ciwon Ciki Da Amai Da Gudawa (Kwalera):
-Tafasa ko tace ruwan sha
-Guje wa shan ruwa daga rafi ko rijiya mara rufi
-Wanke hannu da sabulu kafin cin abinci da bayan-gida
-Rage cin abinci daga titi ko inda ba a san yanayin tsaftarsu ba
Matakan Kariya Daga Kurajen Fata Da Kaiƙayi:
– Wanka da ruwa mai tsafta sau biyu a rana
– Busar da jiki sosai bayan wanka
– Gujewa saka kaya masu nauyi ko wadanda ke dame fata
Kar a rika amfani da tawul, soso ko man jiki tare da wani.
Matakan Kariya Daga Mura Da Tari Da Ciwon Makogwaro:
-Sanya rigar sanyi, musamman da dare
-Shan ruwa mai dumi da shayi
-Guje wa zama cikin iska
-Kula da tsaftar hanci da baki
Matakan Kariya Daga Ciwon Ido (Apollo-Conjunctibitis):
– Wanke hannu akai-akai
– Gujewa taba ido da hannu mara tsafta
-Kar a rika amfani da mayukan ido ko tawul na wani
– A nisanci wanda ke dauke da ciwon ido, har sai ya warke
– Lokacin damina lokaci ne da ke dauke da albarka, amma a lokacin guda kuma cike da hadari ga lafiyar Dan’adam.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Amurka ce Kadai Ta Ki Yin Allawadai Da Killace Gaza A Tsakanin Mambobin Kwamitin Tsaro na MDD