Cututtukan Da Aka Fi Fama Da Su lokacin Damina Da Yadda Za A Kauce Musu
Published: 5th, July 2025 GMT
“A kowane mako, muna karbar yara fiye da 100 da ke fama da cutar maleriya. Sannan kuma, mafi yawancin lokaci; ba a kawo su asibiti, sai cutar ta tsananta”, in ji likitan.
– Ciwon ciki da amai da gudawa (kwalera): Lokacin damina na kawo yawan samun gurbataccen ruwa, wanda ke haddasa cututtuka kamar ciwon ciki, amai da gudawa da kuma zazzabin taifod.
Wannan na yawan shafar yara, musamman ‘yan kasa da shekara biyar.
Dakta Ahmad ya kara da cewa, “Yara na da rauni a garkuwar jikinsu, sannan kuma idan suka kamu da gudawa, jikin nasu na rasa ruwa cikin sauri, har ta kai ga samun mace-mace.”
-Kaikayi da kurajen fata: Likitan ya ce, lokacin damina na matukar kawo danshi, wanda ke haddasa kaikayi da tabo-tabo a fata da gashi da kuraje, wanda ke yaduwa cikin yara da kuma matasa.
“Mafi yawan yara da manya da ke zuwa asibiti a lokacin damina, suna fama da kaikayin fata da kuraje ne a jiki”, a cewar Dakta Ahmad.
– Mura da tari da ciwon makogwaro: Sanyin damina da iska mai danshi, na haddasa mura da tari, musamman ga yara da kuma tsofaffi.
Yana iya haifar da matsanancin ciwon makogwaro da kamuwa da cututtukan numfashi kamar ‘pneumonia’.
“Yara da manyan da ba su da rigar sanyi ko suna yawan shan ruwan sanyi a lokacin damina, na iya fara tari da hanci mai yoyon majina”, in ji likitan.
– Ciwon Ido (Apollo – Conjunctibitis): Ciwon ido na ‘Apollo’ na yaduwa sosai a lokacin damina. Idanu sukan yi ja, su kumbura, su rika zubar da ruwa, suna kuma yin zafi.
“Ciwon ‘Apollo’, na yaduwa ne ta hanyar hannu da kuma amfani da kayayyaki irin su tawul ko gado tare da mai cutar”, likitan ya kara bayyanawa.
Ga Alamomin Wadannan Cututtuka Kamar Haka:
Alamomin zazzabin cizon sauro:
Zazzabi mai tsanani
zafin jiki
Jin sanyi da zufa
Ciwon kai da kaikayin jiki
Yawan gajiya
Alamomin Ciwon Ciki Da Amai Da Gudawa (Kwalera):
Yawan zuwa bayan gida
Ciwon ciki
Aman da ya ki tsayawa
Rashin karfi da gajiya
Bushewar baki da fata
Alamomin kurajen fata da kaikayi
Kaikayi da kalar ja a fata
Kuraje na yin tsiro a kan fata har wasu suna ruwa da fashewa
Saurin fushi ko kukan yara saboda jin zafi
Alamomin mura da tari da ciwon makogwaro
Tari da mura
Zafi a makogwaro
Toshewar hanci
Yawan nishi da jin nauyi a kirji
Alamomin Ciwon Ido (Apollo – Conjunctibitis):
Jan ido da kumburi
Zubar da ruwa ko kwantsa daga ido
Jin kaikayi a ido
Matakan Kariya:
Matakan Kariya Daga Zazzabin Cizon Sauro:
– Amfani da gidan sauro da aka shafa wa magani
– Kawar da ruwa da shara a kusa da gida
– Feshe wurin barci da maganin sauro
– Guje wa fita da dare ba tare da tufafin da ke rufe jiki ba
Matakan Kariya Daga Ciwon Ciki Da Amai Da Gudawa (Kwalera):
-Tafasa ko tace ruwan sha
-Guje wa shan ruwa daga rafi ko rijiya mara rufi
-Wanke hannu da sabulu kafin cin abinci da bayan-gida
-Rage cin abinci daga titi ko inda ba a san yanayin tsaftarsu ba
Matakan Kariya Daga Kurajen Fata Da Kaiƙayi:
– Wanka da ruwa mai tsafta sau biyu a rana
– Busar da jiki sosai bayan wanka
– Gujewa saka kaya masu nauyi ko wadanda ke dame fata
Kar a rika amfani da tawul, soso ko man jiki tare da wani.
Matakan Kariya Daga Mura Da Tari Da Ciwon Makogwaro:
-Sanya rigar sanyi, musamman da dare
-Shan ruwa mai dumi da shayi
-Guje wa zama cikin iska
-Kula da tsaftar hanci da baki
Matakan Kariya Daga Ciwon Ido (Apollo-Conjunctibitis):
– Wanke hannu akai-akai
– Gujewa taba ido da hannu mara tsafta
-Kar a rika amfani da mayukan ido ko tawul na wani
– A nisanci wanda ke dauke da ciwon ido, har sai ya warke
– Lokacin damina lokaci ne da ke dauke da albarka, amma a lokacin guda kuma cike da hadari ga lafiyar Dan’adam.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: Matakan Kariya Daga ciwon makogwaro
এছাড়াও পড়ুন:
Kiristoci: Najeriya ba ta yadda da cin zarafin addini ba — Tinubu
Shugaba Bola Tinubu ya mayar wa da Shugaban Amurka, Donald Trump martani cewa Najeriya ba ta yadda da duk wani nau’in zarafin addini.
Tinubu, ya yi wannan bayani ne bayan Trump ya sake sanya Najeriya cikin jerin ƙasashen da ake kiran “Ƙasashen da ke da Babbar Matsala wajen ’Yancin Addini.”
PDP ta dakatar da Anyanwu da wasu ’yan tsagin Wike Sharrin son auren Mai Wushirya aka yi min — Mansura IsaTrump ya yi iƙirarin cewa Kiristoci a Najeriya na fuskantar barazana, amma ya sha alwashin cewa Amurka za ta kare su.
A cikin wani saƙo da ya wallafa a kafafen sada zumunta, Trump ya rubuta cewa: “Addinin Kirista yana fuskantar babbar barazana a Najeriya. Ana kashe dubban Kiristoci.”
A ranar Asabar, Tinubu ya mayar da martani ta kafar sada zumunta, inda ya ce Najeriya ƙasa ce mai dimokuraɗiyya wadda kundinta ya tabbatar da ’yancin yin addini.
“Najeriya tana da cikakken tanadi a kundinta da ya tabbatar da ’yancin yin addini,” in ji Tinubu.
“Tun daga shekarar 2023, gwamnatina na aiki tare da shugabannin Kiristoci da Musulmai don magance matsalolin tsaro da ke shafar jama’a daga kowane ɓangare da addini.”
Ya ƙara da cewa, kiran Najeriya ƙasa mai matsala wajen gudanar addini ba gaskiya ba ne.
“Za mu ci gaba da kare ’yancin kowane ɗan ƙasa na yin addininsa cikin walwala. Najeriya ba ta goyon bayan zaluncin addini ko kaɗan,” in ji Tinubu.
Ya kuma ce Najeriya za ta ci gaba da haɗa kai da Amurka da sauran ƙasashe domin inganta zaman lafiya da fahimtar juna tsakanin mabiya addinai daban-daban.
Jami’an tsaro sun kama Ɗan Bello a Kano