Kwankwaso ba zai yi mana takara a 2027 ba — NNPP
Published: 5th, July 2025 GMT
Jam’iyyar NNPP, ta bayyana cewa Sanata Rabiu Musa Kwankwaso, wanda ya yi mata takarar shugaban ƙasa a 2023, ba zai tsaya takara a 2027 ba.
Shugaban jam’iyyar na ƙasa, Dokta Agbo Major, ne ya bayyana haka a wata sanarwa, inda ya mayar da martani kan wata magana da Buba Galadima ya yi.
Tinubu ko ɗansa zai naɗa shugaban INEC, APC sai ta faɗi zaɓen 2027 — Dalung Tsadar rayuwa ta sa ’yan Nijeriya na siyan abincin da ya lalaceGaladima, ya ce har yanzu Kwankwaso yana cikin NNPP kuma zai tsaya takara a 2027.
Galadima ya shaida wa manema labarai cewa: “Babu wani tabbaci da ke nuna cewa Kwankwaso yana shirin komawa APC. Za mu ci gaba da zama a NNPP har lokacin zaɓen 2027 ya zo. Muna kira ga ’yan Najeriya su mara masa baya.”
Amma shugaban NNPP ya musanta hakan, inda ya ce: “Kwankwaso da Galadima tun tuni aka kore su daga jam’iyyar. Ba su da hurumin magana a madadin NNPP ko amfani da ita domin yin takara,” in ji Major.
Ya bayyana cewa tafiyar NNPP da Kwankwasiyya ta ƙare tun bayan zaben shugaban ƙasa na 2023.
“Yarjejeniyarmu da Kwankwasiyya ta ƙare bayan zaɓen 2023. Ba za mu amince Kwankwaso ya dawo ba saboda matsalolin da ya janyo mana ba,” in ji shi.
Dokta Major, ya kuma zargi Kwankwaso da yunƙurin karɓe ragamar jam’iyyar ta ƙarfi da yaji.
“Kwankwaso ya canja tambarin jam’iyya zuwa na Kwankwasiyya ba tare da izini ba, kuma ya jefa mu cikin rikicin shari’u marasa tushe. Sai da aka kai kotu kafin INEC ta dawo da tambarinmu na asali,” in ji shi.
Ya ce Kwankwaso yana fatan sake samun damar tsayawa takara kamar yadda ya yi a 2023, amma hakan ba yiwuwa ba.
“Yana tsammanin zai sake samun tikitin takara kamar yadda ya samu a baya, amma hakan ba zai faru ba,” a cewarsa.
Ya ƙara da cewa: “An kori Kwankwaso da tawagarsa daga jam’iyya, kuma ba za mu karɓe su ba. Sun ci amanar jam’iyya. Ba shi da ƙarfin da zai iya ƙalubalantar Tinubu,“ in ji Major.
Sai dai ya amince cewa Kwankwaso yana da ‘yancin tsayawa takara, amma ya ce bai kamata ya jawo jam’iyyar NNPP rikici ba.
“Muna da masu sha’awar tsayawa takara a 2027, kuma za mu bi doka da tsarin jam’iyya wajen fitar da ɗan takara,” in ji shi.
Ya kuma buƙaci ’yan Najeriya da kada su saurari maganganun ’yan Kwankwasiyya.
“Kwankwaso ya kafa tasa jam’iyyar idan yana da muradin yin takara. NNPP ta wuce wannan matakin, ba za mu mayar da hankali kan rigingimun banza ba,” a cewar Dokta Major.
উৎস: Aminiya
কীওয়ার্ড: Kwankwasiyya Kwankwaso Takara Kwankwaso yana takara a 2027 Kwankwaso ya
এছাড়াও পড়ুন:
’Yan sanda sun gano zinaren N23m bayan shekara 13 da ɓacewarsu a Borno
’Yan sanda sun gano tare da miƙa wa wata mata zinarenta da kuɗinsu ya kai Naira miliyan 23 da suna ɓace a lokacin wani harin Boko Haram shekara 13 da suka gabata a Jihar Borno.
Jami’an tsaro da ke sintiri a kan iyakar Jihar Borno da Nijar ne suka gano kayan zinaren da suka ɓace tuna shakarar 2012, waɗanda suka haɗa da sarƙoƙi da sulallan zinariya a yankin Ƙaramar Hukumar Abadam.
Jami’an Ƙaramar Hukumar ne suka sanar a ranar Asabar a Malam Fatori cewa tsabar zinaren da aka gano, darajarsu ta kai Naira miliyan 23, mallakin wata uwa ce mai ’ya’ya shida.
Matar, wacce ke zaune a gaɓar Tafkin Chadi, ta ce, “A yau ina cike da farin ciki game da gano tsabar zinare na masu daraja da suka ɓace tun 2012, lokacin da ’yan Boko Haram suka ƙona gidaje da shaguna da yawa a cikin al’ummarmu.”
Ta jaddada cewa, “babu daga cikin zinare da aka samu ya ɓace ko ya lalace a lokacin mamayar Malam Fatori da ’yan ta’adda suka yi fiye da nawa.”
Wani babban jami’in Majalisar Ƙaramar Hukumar Abadam da ya sakaya sunansa saboda dalilan tsaro, ya yaba wa ’yan sandan da aka tura don kare rayukan mutane da kadarorinsu a yankin Tafkin Chadi.
Bayan gano tsabar zinare na naira miliyan 23, jami’in ya lura cewa martanin ’yan sanda a ayyukan yaƙi da ta’addanci da ake ci gaba da yi wani abin karfafa gwiwa ne ga sojoji da sauran hukumomin tsaro a yankin Tafkin Chadi, wanda ya ƙunshi qananan hukumomi takwas da ke yankin.
Bankin Duniya zai kashe $300m domin inganta rayuwar ’yan gudun hijira a Arewacin Nijeriya