Nijeriya Na Da Karfin Tattalin Arzikin Sarrafa Kayan Dandanon Da Muke Bukata A Cikin Gida – Yahaya Yakubu
Published: 24th, May 2025 GMT
Na yi imanin za mu iya hakan
Kuma muna fasahar da za mu iya aiwatar da hakan?
Idan aka yi la’akari da albarkatun noma da Nijeriya ke da shi, musamman a cikin amfanin gona irin su rogo da rake, da kuma ta hanyar saka hannun jari kan ababen more rayuwa da fasahar kere-kere, akwai gagarumin yuwuwar bunkasa damar samar da MSG na cikin gida ta hanyar amfani da wadannan albarkatun kasa da ake samu.
Muna da injiniyoyi da yawa wadanda za su iya gyara injinan. Muna da dukkan abubuwan da ake bukata a Nijeriya don samar da kayan dandano. Yawanci muna samun abubuwan da duk da muke bukata. Idan kana bukatar ruwa mai yawa, muna da madatsun ruwa a Shiroro, Kaduna da Neja. Muna da filaye da yawa wadanda za su iya zama na noman rake. Idan ka je Adamawa, ana shuka rake.
Yawancin jihohin Arewa suna shuka rake kuma ana samun amfani da ingantacciyar. Tare da dabarun saka hannun jari da ci gaba, Nijeriya na da damar kafa nata wuraren samar da MSG, tare da yin amfani da albarkatu masu yawa na noma. Muna da karfin yin hakan.
An samu sabanin ra’ayi game da MSG a Nijeriya, wane hali ake ciki yanzu?
Tun kafin yanzu, ana samun hasashe marasa dadi. Amma sannu a hankali al’amura sun fara yin kyau. A halin yanzu, hasashe, da alama hasashen yana canzawa sannu a hankali, kuma mun fara ganinsa saboda karuwar sha’awar masu amfanin da abin.
Wace rawa kayanku ke taka wajen tallafa wa kasuwancin gida da ’yan kasuwa?
Cibiyarmu na raba kaya a fadin Nijeriya. Mun samar da tsarin a kamfanin domin raba kayayyaki wanda zai bai wa ‘yan kasuwar Nijeriya damar farawa da bunkasa kasuwancinsu. Ta hanyar ba da dama da rarraba samfuranmu a duk fadin kasar, ta hanyar ba da horo, da tallafin tallan da muke bayarwa, muna karfafa wa dillalai da kananan ‘yan kasuwa masu samar da kudin shiga da daukar wasu a cikin al’ummominsu.
Ta yaya kayayyakinku ke karfafa kanana da matsakaitan masana’antu (SMEs) ta hanyar sadarwa da rarraba ta?
Kamfaninmu yana hadin gwiwa tare da kanana da matsakaitan masana’antu (SMEs), kirkirar dama ga kasuwancin gida don bunkasa. Daga masu ba da kaya zuwa masu ba da ayyuka, ayyukanmu suna habaka kasuwanci, suna tallafa wa kirkirar ayyuka.
Ta wace hanya ce kayanku ke ba da gudunmawa ga abinci masu gina jiki?
Muna taka muhimmiyar rawa wajen habaka ilimantarwa, kwarewa, da ayyuka a cikin sassan kayan abinci masu gina jiki na Nijeriya, ta hanyar shirye-shiryenmu na koyar da abinci mai gina jiki da hadin gwiwar kwararrun masana kiwon lafiya. Ta hanyar yin hulda tare da al’ummomin likitoci da kimiyya, AJINOMOTO yana shirya tarurrukan karawa juna sani da bita don tattauna aminci da fa’idodin kayan abinci.
Ta yaya wannan alama ke tallafa wa samar da abinci da ilimin abinci mai gina jiki a Nijeriya?
AJINOMOTO yana ba da gudummawa sosai ga ingancin abinci da ilimin abinci mai gina jiki a Nijeriya ta hanyar tabbatar da amincin samfura da inganci, wannan shi ne muna ba da tabbacin mafi kyawun masana’antu da ayyukan samarwa. Har ila yau, ta hanyar ba da shawara don rage gishiri, mun gane abubuwan da ke tattare da lafiyar jiki mai yawa na sodium; don haka AJI-NO-MOTO® ya zama madadin mafi koshin lafiya ga gishirin gargajiya.
Za ka iya ba da tarihin wannan kamfani?
AJINOMOTO GROUP shi ne ya samar da AJI-NO-MOTO®, kayan dandano na umami na farko a duniya, wanda ya wanzu tun 1909, wato, sama da shekaru 100.
Mun himmatu wajen ba da gudummawa ga jin dadin dan’Adam, jin dadin rayuwar al’umma da jin dadin duniya tare da “Kimiyyar Amino”. An fara samar da AJI-NO-MOTO® a Nijeriya a shekarar 1991 tare da kafa kamfanin Ajinomoto Foods Nigeria Limited (AFN) wanda ya fara Sayar da Kayayyakin dandano na AJI-NO-MOTO® Umami a kasar tare da masana’antar shiryar kaya a Legas.
A yau, kamfanin ya fadada samfuran samfuransa daga MSG (monosodium glutamate), mashahurin AJI-NO-MOTO® zuwa kayan dandanon MaDish® da DeliDawa™. Kuma yanzu muna ci gaba da wasu samfurori. Don haka, kamfani ne da ke da kayayyaki iri-iri da ake nufi don biyan bukatun ’yan Nijeriya.
Wane irin kaso kasuwarku ke samu a masana’antar abinci ta Nijeriya?
Kasuwar Nijeriya wata kasuwa ce mai karfin gaske, wacce mutane ke da zabi daban-daban dangane da kayan dandano. Duk da rikitarwa,
Zan iya fayyace cewa muna sarrafa babban kaso na kasuwa a rukunin da muke taka rawa. Alamar yana da ginshiki mai karfi, kuma ya girma sosai a cikin kasuwar. Baya ga haka, muna da kayayyaki masu inganci. A halin yanzu, muna rike sama da kashi 70 na kasuwancin MSG a Nijeriya. Mantra na kamfani namu “Ku Ci Lafiya, Ku rayu lafiya” yana karfafa sadaukarwarmu don taimaka wa mutane su gina lafiya. Fiye da kowane lokaci, ko yaushe muna himmantuwa ga jin dadin rayuwar mutane, al’umma da duniya.
Ka yi magana game da bangaren kasuwanci, yaya game da masu amfani da kayan?
A cikin sanin yanayin masu amfani da shi, mun dage kan kirkira, sadaukar da kai ga ingancin samfuran, masu tsafta kuma hakan na ba mu damar yin gasa.
Mun ware samfura da muka mai da hankali kan kirkirar su da suka dace da al’adun dafa abinci na Nijeriya. Misali shi ne ci gaban DeliDawa™, kayan dandanon da aka shirya shi ta hanyar daddawar gargajiya. Wannan samfurin yana ba da dandanon gida. Muna daya daga cikin kananan kamfanoni a cikin nau’ikan kayan aikin da aka ba da cikakken tabbaci daga hukumar kula da tsaftar abinci kamar NAFDAC da SON.
Wadanne matakai ne kamfaninku ya bi don sauke wannan ilimi zuwa ga masu amfani, wajen ƙara ilmantar da su dangane da ayyukan CSR?
Muna da hadin gwiwar kungiyoyi da yawa, ciki har da gwamnati, tallafin kiwon lafiya, kungiyoyi masu zaman kansu da kungiyoyin ilimi da sauransu don fitar da ayyukan mu na CSR. Muna ilmantar da mutane ko dai ta hanyar hadin kai ko daukar nauyin aiki. A cikin ‘yan kwanakin nan, mun samar da ayyuka a fannin kiwon lafiya, ilimi, karfafa wa mata, tabbatar da tsaftar muhalli da dai sauransu.
Ta yaya kuke amfani da fasaha don tabbatar da samun samfurori masu inganci?
Muna mai da hankali kan bambance samfuranmu ta hanyar ba da sabbin abubwa mafi inganci. Wannan ya hada fasahar ci-gaba ko wasu fannoni na musamman wadanda suka tare da mu.
Idan kuna magana game da fasaha, wannan ci gaba ne na yau da kullum. Kowane lokaci muna hadin gwiwa don habaka ingantaccen aiki da ingancin samfuri, don haka muna ba da gudummawa ga daidaiton samfura. Misali, a farko, muna amfani da wasu injina wadanda ke da layika da suka samar da kayayyki nau’u biyu kawai. Mun kuma fadada shi zuwa kusan inji mai layi shida daidai da ka’idojin duniya.
Wane adadi kuke samarwa a duk shekara?
Saboda manufofin kamfani game da sirri, ba zan iya bayyana takamaiman alkaluman samar da kayayyaki ba, amma dai zan iya tabbatar maka cewa karfinmu ya yi daidai da bukatun kasuwa da hasashen ci gaba.”
Da yake ana magana ce game da yuwuwar DeliDawa, shin a zuciyarku kun taba tunanin fitar da wasu samfuran zuwa kasashe makwabta?
Bisa la’akari da yuwuwar ci gaban da ake samu a yankin kudu da hamadar sahara, tabbas muna da wani mutum da ke gudanar da harkokin kasuwanci zuwa kasashen waje. Kuma ta hanyarsa kadai, mun gabatar da DeliDawa™ da aka kai wasu kasashen Afirka kamar Guinea, Cote d’Iboire da Ghana. DeliDawa™ yana habaka bayanan dandano na asali daban-daban. Yanzu, yawancin wadannan kasashe sun zama babbar kasuwar kayan dandano. Ba abu mai sauki ba amma mun sami ci gaba. Kamar yadda ka sani, ba shi da sauki a fara sabon abu kuma ka girma cikin dan gajeren lokaci.
AJINOMOTO zai ci gaba da jajircewa wajen samar da samfura ta hanyar sadarwa mai yawa don karfafa kasancewarsu a kasuwannin Afirka.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: Nijeriya Ta hanyar ba da ta hanyar ba da kayan dandano da kayayyaki
এছাড়াও পড়ুন:
Kano ta sami rahoton cin zarafin yara 351 – NHRC
Hukumar kare hakkin bil’adama ta kasa (NHRC) a jihar Kano ta ce ta samu rahoton laifuka 351 na take hakkin yara daga cikin jimillar kararraki 446 da ta samu daga watan Afrilu zuwa Yuni 2025.
Kodinetan NHRC na jihar Kano Alhaji Shehu Abdullahi ne ya bayyana haka a Kano.
Ya bayyana cewa daga cikin jimillar korafe-korafe 446 da aka samu a cikin watanni uku 351 na da alaka da take hakkin yara.
Ko’odinetan jihar ya yi nuni da cewa, sauran shari’o’in sun hada da tashin hankalin gida 19, 18 da suka shafi ‘yancin tattalin arziki da zamantakewa, da kuma biyar da suka shafi ‘yancin rayuwa.
“cikin zarge zargen har na Maita da sauran shari’o’in da suka shafi take hakkin dan adam”
A cewar Alhaji Shehu, yanayin zamantakewar al’umma a halin yanzu yana nuni da yadda ake tauye hakkin yara, wanda hakan ya nuna yadda ake kara yawaitar yaran da ke yin bara a tituna da kuma rayuwa cikin mawuyacin hali.
“Sakaci na iyali da al’umma shi ne babban abin da ke haifar da cin zarafin yara da kuma karuwar ayyukan aikata laifuka a tsakanin matasa.”
Ko’odinetan hukumar ta NHRC ya jaddada cewa, yayin da bakwai kawai daga cikin wadanda aka bayar da rahoton an aikata su ne ta hannun masu fada aji kuma yana farywa a cikin gidajen aure.
“Iyali su ne tushen al’umma, al’umma kuma ita ce al’umma, saboda haka, duk wani cin zarafi a cikin iyali zai yi naso a kan al’umma baki daya.”
Ya kara da cewa “Lokacin da aka samu babban cin zarafi a cikin iyali, ba za a iya samun ci gaba mai ma’ana a cikin al’umma mafi girma ba.”
Alhaji Shehu ya ci gaba da cewa, daga cikin korafe-korafen da aka samu, an gudanar da cikakken bincike da kuma kammala shari’o’i 341, yayin da 105 ke ci gaba da sauraron karar.
Ya yi kira ga jama’a da su samar da zaman lafiya da juna tare da kai rahoton duk wani da ake zargi da take hakkin dan Adam ga hukumomin da abin ya shafa.
Rediyon Najeriya ya ruwaito cewa, NHRC tana aiki ne a matsayin wata hanya mai zaman kanta don tabbatar da mutuntawa, kariya, da kuma inganta hakin bil’adama a Najeriya.
Khadija Aliyu
MDD Ta Zargi Kasar Rasha Da Aikata Laifukan Yaki A Ukraine