An ƙayyade maki da shekarun shiga jami’a a Nijeriya
Published: 8th, July 2025 GMT
Hukumar shirya jarrabawar shiga jami’o’i ta Nijeriya (JAMB) ta amince da maki 150 a matsayin mafi ƙanƙantar makin da za a bai wa ɗalibai guraben karatu a jami’o’in ƙasar.
Hukumar ta ɗauki matakin ne a taronta kan tsarin bayar da guraben karatu na 2025 da ta gudanar a babban ɗakin taro na Bola Ahmed Tinubu da ke Abuja.
Haka kuma, ta ce mafi ƙanƙantar maki ga kwalejojin koyon aikin jinya shi ne 140, yayin da ta ƙayyade makin samun gurbin kwalejojin ilimi da na koyon aikin noma a 100.
Alƙaluma dai sun tabbatar da cewa an samu gagarumar faɗuwa a jarawabar JAMB da aka rubuta a wannan shekara.
A yayin da JAMB ke ƙayyade mafi ƙanƙantar makin samun gurbin karatu, ita ma Ma’aikatar Ilimi ta Tarayya ta ƙayyade shekara 16 a matsayin mafi ƙanƙantar shekaru da ɗalibi zai kai kafin a ba shi gurbin karatu a jami’o’in ƙasar.
Ministan Ilimi, Tunji Alausa ne ya bayyana hakan a wannan Talatar a yayin taron tsara fitar da guraben karatu na 2025 a ƙasar da aka gudanar a babban ɗakin taro na Bola Ahmed Tinubu da ke Abuja.
Za a shigar da ƙa’idar cika shekara 16 a cikin manhajar Hukumar JAMB da ke tantance ƙa’idojin bayar da gurbin karatu.
Haka kuma, Ministan ya ce za a yi la’akari da ɗaliban da za su cika shekara 16 ranar 31 ga watan Agustan 2025.
A bayan nan dai ana ta cece-kuce kan bai wa ƙananan yara guraben karatu a jami’o’in ƙasar, wani abu da masana ke cewa zai shafi fahimtarsu da kuma yadda za su iya jure wa wahalhalun karatun jami’a.
উৎস: Aminiya
কীওয়ার্ড: mafi ƙanƙantar guraben karatu
এছাড়াও পড়ুন:
Trump zai haramta wa ’yan Najeriya da wasu ƙasashe zuwa Amurka
Shugaban Amurka Donald Trump, ya bayyana cewa yana shirin daina karɓar mutane daga “ƙasashe masu tasowa” gaba ɗaya, ciki har da Afirka, Asiya da sauransu.
Ya bayyana haka ne yayin wani taro da ya gudana a fadar shugaban Amurka.
Ƙasar Japan ta fara sayar da i njin da ke yi wa mutane wankaA cewarsa, tsohon tsarin shige da fice na Amurka yana rage ƙarfin tsaron ƙasa kuma yana matsa wa makarantun gwamnati, asibitoci, da sauran hidimomin jama’a.
Trump ya ce yawan baƙin haure a Amurka ya kai mutane miliyan 53, sannan ya yi zargin cewa mutane daga ƙasashen da ke fama da rikice-rikice, laifuka, da miyagun ƙungiyoyi suna ta zuwa ƙasar.
Ya ce shigowar baƙi ya kawo rabuwar kawuna da matsaloli a Amurka.
Haka kuma ya yi zargin cewa masu katin zama ’yan ƙasar da ke da tsarin ƙaramin albashi na rikice-rikice.
Ya batar da misali da Jihar Minnesota, yana inda ’yan gudun hijira daga Somaliya suka cika ta
Ya ce “ci gaban ƙasa ya lalace,” amma ya bayyana matakan da zai ɗauka.
Ya kuma ce zai soke shiga ƙasar ba bisa ƙa’ida ba wanda gwamnatin Biden ta bari ke faruwa.
Trump, ya ce burinsa shi ne rage yawan waɗanda yake ganin ba su da tasiri mai kyau ko kuma suna kawo matsala a ƙasar.
Ya ce “mayar da mutane ƙasashensu” shi ne kawai mafita mai ɗorewa.
Wannan sanarwa na zuwa ne bayan harin da aka kai a Washington, D.C, inda aka yi wa sojoji biyu rauni.
Hukumomi a ƙasar sun ce mutumin da ake zargi da kai harin, ya shiga Amurka a 2021 bayan ya taimaka wa sojojin ƙasar a Afghanistan, kuma an ba shi mafaka.
Sashen Masana’antun Kirar Motoci Na kasar Sin Ya Samu Gi Gaba A Watan Yuli