Ahmed Musa Ya Angwance Da Matarsa Ta 4 A Kano
Published: 31st, May 2025 GMT
Kyaftin din tawagar Super Eagles ta Nijeriya Ahmed Musa, ya auri matarsa ta 4, Asmau Moriki, a wani biki na sirri da aka gudanar a jihar Kano, Musa da amaryarshi Asmau sun zama mata da miji watanni kadan bayan haduwarsu, Musa ya bar sansanin tawagar Super Eagles dake birnin Landan domin ya halarci bikin wanda aka gudanar a birnin Kano.
Dan wasan dake taka leda a kungiyar kwallon kafa ta Kano Pillars, ya shiga wasan da Nijeriya ta doke Ghana da ci 2-1 a minti 60 na wasan, Musa na daya daga cikin yan wasan da sukafi taka leda a tarihin tawagar kwallon kafa ta Nijeriya inda kuma ya zamo wanda yafi jefawa Nijeriya kwallaye a gasar kofin Duniya a tarihinta.
Kamfanoni Masu Jarin Waje Sun Ci Gajiyar Tsarin Kasar Sin Na Samar Da Rangwamen Gwamnati Ta Musayar Sabbin Kayayyaki Da Tsofaffi Trump Zai Shirya Liyafar Musamman Ga Manyan Ƴan CryptoMusa ya yi aurenshi na farko a shekarar 2013 inda ya auri Jamila, ma’auratan, wadanda suka haifi ‘ya’ya biyu sun rabu a shekarar 2017 bayan wata hatsaniya ta ma’aurata wadda ake alakantawa da burin da Musa kedashi na kara aure ya shiga tsakaninsu a wancan lokacin, jim kadan bayan rabuwar, ya auri Juliet Ejue, matar sa ta biyu, daga Ogoja a jihar Kuros Riba.
Har wayau aurensu da Juliet ya rabu duk da cewa ba a san takamaiman dalili ko lokacinda auren ya rabu ba, a shekarar 2021, ya auri Mariam wadda ita ce ta zama matarsa ta uku, sai yanzu kuma a ranar 30 ga watan Mayun 2025 aka daura auren Musa da Asmau Moriki wanda ya kasance aure na hudu da aka san tauraron dan wasan yayi, rahotanni sun bayyana cewa an gudanar da daurin auren cikin kwanciyar hankali a Kano kuma ya samu halartar ‘yan uwa da abokan arziki.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
Mutane 20 sun rasu a hatsari motar ’yan wasan Jihar Kano
Aƙalla mutum 20 ne aka tabbatar sun mutu sakamakon wani mummunan hatsarin mota da ya rutsa da tawagar Jihar Kano da ke dawowa daga gasar wasannin motsa jiki ta ƙasa (NSF) da aka kammala a Jihar Ogun.
Lamarin na ban tausayi ya faru ne a ranar Asabar a garin Dakatsalle, kimanin kilomita 50 daga Kano, yayin da tawagar ke gab da isa gida.
Rahotannin farko daga masu bada agajin gaggawa da shaidun gani da ido sun nuna cewa waɗanda suka rasa rayukansu a hatsarin sun haɗa da ’yan wasa da ɗan jarida, ma’aikatan lafiya da jami’an gudanar da harkokin wasanni.
Shugaban ƙungiyar marubutan wasanni ta Najeriya (SWAN) reshen Kano, Zahraddeen Saleh, ya tabbatar da wannan mummunan lamari.
Ya kuma ƙara da cewa daga cikin waɗanda suka mutu akwai Jami’in Hulɗa da Jama’a na Hukumar Wasanni ta Kano da wani mai ɗaukar hoto da ke aiki da Express Radio da wata kafar yada labarai ta intanet.
Kwamishinan Wasanni na Jihar Kano, Mustapha Rabi’u Kwankwaso, ya bayyana alhini game da lamarin, yana mai addu’ar rahama ga mamatan
Yayin da ba a kai ga gano ainihin musabbabin haɗarin ba har zuwa lokacin rubuta wannan rahoto, mahukunta sun tabbatar da cewa an hanzarta tura ƙungiyoyin bada agajin gaggawa zuwa wurin.
An kai waɗanda suka ji raunuka zuwa asibitoci mafi kusa don neman kulawar gaggawa.
Gwamnati ta kashe N5bn domin bai wa mata tallafin kiwon awakai a Katsina