Sojoji sun kashe ’yan fashin daji masu yawan gaske a Zamfara
Published: 11th, July 2025 GMT
Rahotanni na cewa ’yan fashin daji masu yawan gaske ne aka tabbatar da kashewa a wani kwanton ɓauna da sojoji suka yi musu a ranar Laraba a jihohin Zamfara da Kebbi.
Sojojin ƙasa da na sama sun yi amfanin da bayanan sirri wajen buɗe wuta kan ayarin ’yan fashin da ke kan ɗaruruwan babura suna zirga-zirga a yankin Yarbuga da ke Karamar Hukumar Maru a Jihar Zamfara.
Kakakin Rundunar Sojojin Sama ta Najeriya, Ehimen Ejodame, ne ya bayyana hakan a cikin wata sanarwa da maraicen Alhamis, inda ya ce wasu daga cikin ’yan ta’addan sun rika kokarin guduwa a kafa da kuma kan baburan, amma sojojin suka ci gaba da yi musu ruwan wuta ta ko ina.
Muna so a kafa doka ta bincikar yadda ’yan Nijeriya ke tara dukiya — EFCC Sojoji sun kashe ’yan ta’adda 24 a Arewa maso Gabashin NijeriyaYa ce, “A wani mummunan hari da dakarun rundunar Fansan Yamma na rundunar sojojin sama ta Najeriya suka kai, sun hallaka ’yan ta’adda masu yawan gaske a ranar tara ga watan Yulin 2025, kan wani ayarinsu da ke tafiya a tsakanin jihohin Zamfara da Kebbi.
“An kai harin ne bisa wasu bayanan sirri da aka tattara da suka nuna ’yan ta’addan da ke kan Babura sama da 150, kowannensu na dauke da akalla mutum biyu da ke dauke da makamai a kusa da kauyen Yarbuga na karamar hukumar Maru a jihar Zamfara.
“Bayan samun gagarumar nasarar a harin ta sama, kashegari dakarun sojojin kasa sun sake kai wani harin, inda suka gano gawarwaki ’yan ta’addan masu tarin yawa da kuma konannun baburansu. Hare-haren sun y mummunan ta’adi ga gungun ’yan ta’addan da ke yankin,” in ji Kakakin sojojin saman.
Kazalika, wata majiya da ke yankin da aka kai harin ta shaida wa wakilinmu cewan ’yan ta’addan na kan hanyarsu ce ta zuwa kauyen Maga a karamar hukumar Zurun jihar Kebbi, lokacin da suka kwashi kashin nasu a hannu.
Ana dai zargin sun fito ne daga wani daji da ke karamar hukumar Anka, daya daga cikin kananan hukumomi hudu na Zamfara da yanzu haka sojojin rundunar Fansan Yamma ke ruwan wuta a kan ’yan ta’addan na tsawon kwanaki.
“Da alama ’yan ta’addan na cikinn mawuyacin hali a yankin, saboda sojoji na ragargazarsu, kuma gas hi an yanke sabis din waya saboda sojoji su ji dadin aikinsu, sannan su kuma ’yan ta’addan bas u da hanyoyin yin waya da ’yan uwansu domin samun dauki,” in ji majiya tamu.
উৎস: Aminiya
কীওয়ার্ড: Yan Bindiga Zamfara yan ta addan
এছাড়াও পড়ুন:
Gwamnati Za Ta Biya Wasu Kudaden Ariyas Ga Masu Fensho Wannan Wata
An sake tabbatar wa ma’aikatan Gwamnatin Tarayya FG da suka yi ritaya cewa za a biya su wani bangare na kudaden ariyas a cikin wannan watan, kamar yadda hukumomin da abin ya shafa suka yi alkawari.
Mataimakin Sakataren ƙungiyar masu karɓar fansho ta ƙasa, Alhaji Ahmed Gazali, ya bayar da wannan tabbaci yayin da ake tattaunawa da shi ta wayar tarho daga Abuja.
Alh. Ahmed Gazali, ya yi bayanin cewas daraktan dake kula da kudade na ofishin akanta janar na tarayya ya tabbatar da daukan matakin hakan na biyan kudaden.
Ya bayyana fatan ganin kudirin FG na gaggauta biyan kudade, domin dakatar da duk wata zanga zanga wanda hakan bai dace ba ga ma’aikatan da suka yi ritaya domin bata martaban kasan nan.
Hakan kuma masu karban fensho a Radion Tarayya na kasa FRCN da Gidan talabijin na kasa NTA dake Kaduna sun nuna damuwarsu game da zargin da ake yi cewa ana kokarin wulakanta shugabannin kungiyar ma’aikatan da suka yi ritaya karkashin jagorancin kwamaret Munkaila Ogunbote.
DAGA SULEIMAN KAURA
Shettima Ya Jagoranci Tawagar Gwamnatin Tarayya Don Yi Wa Iyalan Ogbeh Ta’aziyya