Matsalar tsaro na raguwa, tattalin arziƙi na farfaɗowa — Sanata Adaramodu
Published: 13th, July 2025 GMT
Sanata Yemi Adaramodu, mai magana da yawun Majalisar Dattawa, ya ce matsalar tsaro a Najeriya na raguwa, kuma tattalin arziƙi ya fara farfaɗowa.
Ya yaba da ƙoƙarin da sojoji ke yi wajen yaƙi da ’yan bindiga da ’yan ta’adda.
Haɗakar ’yan hamayya alheri ce ga siyasar Nijeriya — Gbajabiamila WFP ya dakatar da tallafin abinci a Yammaci da Tsakiyar Afirka“Sojoji suna ƙoƙari saboda muna ba su isasshen kuɗi don siyan makamai da kula da jin daɗinsu.
Ya ƙara da cewa satar mutane ta ragu: “A da, mutane ba sa iya bacci saboda tsoro. Amma yanzu abubuwa sun ɗan gyaru. Sai dai waɗanda za su sa siyasa ne ba su yadda da hakan ba.”
A ɓangaren tattalin arziƙi kuwa, Adaramodu ya ce ana samun ci gaba kamar ƙarin fita da kayayyaki sama da shigowa da su kamar yadda aka saba a baya.
“A karon farko cikin shekaru, muna fitar da kaya sama da abin da muke shigowa da su. Yanzu muna fitar da gangar ɗanyen mai miliyan biyu a rana.”
Ya kuma bayyana cewa an biya wasu manyan basuka da ake bin Najeriya.
“IMF sun tabbatar min biya bashin da ya kai kimanin Naira tiriliyan huɗu. Yanzu mun kashe kashi 63 kacal don biyan bashi, ba 97 kamar yadda aka saba ba.”
Sai dai ya amince cewa mutane ba su fara ganin sauyin tattalin arziƙi ba tukunna.
“Kamar marar lafiya ne da aka fara yi masa magani sai an ɗan jima kafin ya warke. Haka ma tattalin arziƙinmu ke buƙatar lokaci.”
Ya ce yanzu gwamnatin ba ta ciwo bashi sai don yin ayyuka masu muhimmanci.
“Majalisa ba za ta amince da bashi ba sai an bayyana ainihin abin da za a yi da shi, kamar tituna ko ayyukan jin-kai.”
Adaramodu, ya buƙaci ’yan Najeriya da su ƙara hakuri kafin su fara sharɓar romon tattalin arziƙi.
“Tattalin arziki yana farfaɗowa. Ba da daɗewa ba mutane za su fara ganin sauyi.”
উৎস: Aminiya
কীওয়ার্ড: Mai Magana Da Yawun Majalisar Dattawa Tattalin Arziƙi Tsaro tattalin arziƙi
এছাড়াও পড়ুন:
Trump zai haramta wa ’yan Najeriya da wasu ƙasashe zuwa Amurka
Shugaban Amurka Donald Trump, ya bayyana cewa yana shirin daina karɓar mutane daga “ƙasashe masu tasowa” gaba ɗaya, ciki har da Afirka, Asiya da sauransu.
Ya bayyana haka ne yayin wani taro da ya gudana a fadar shugaban Amurka.
Ƙasar Japan ta fara sayar da i njin da ke yi wa mutane wankaA cewarsa, tsohon tsarin shige da fice na Amurka yana rage ƙarfin tsaron ƙasa kuma yana matsa wa makarantun gwamnati, asibitoci, da sauran hidimomin jama’a.
Trump ya ce yawan baƙin haure a Amurka ya kai mutane miliyan 53, sannan ya yi zargin cewa mutane daga ƙasashen da ke fama da rikice-rikice, laifuka, da miyagun ƙungiyoyi suna ta zuwa ƙasar.
Ya ce shigowar baƙi ya kawo rabuwar kawuna da matsaloli a Amurka.
Haka kuma ya yi zargin cewa masu katin zama ’yan ƙasar da ke da tsarin ƙaramin albashi na rikice-rikice.
Ya batar da misali da Jihar Minnesota, yana inda ’yan gudun hijira daga Somaliya suka cika ta
Ya ce “ci gaban ƙasa ya lalace,” amma ya bayyana matakan da zai ɗauka.
Ya kuma ce zai soke shiga ƙasar ba bisa ƙa’ida ba wanda gwamnatin Biden ta bari ke faruwa.
Trump, ya ce burinsa shi ne rage yawan waɗanda yake ganin ba su da tasiri mai kyau ko kuma suna kawo matsala a ƙasar.
Ya ce “mayar da mutane ƙasashensu” shi ne kawai mafita mai ɗorewa.
Wannan sanarwa na zuwa ne bayan harin da aka kai a Washington, D.C, inda aka yi wa sojoji biyu rauni.
Hukumomi a ƙasar sun ce mutumin da ake zargi da kai harin, ya shiga Amurka a 2021 bayan ya taimaka wa sojojin ƙasar a Afghanistan, kuma an ba shi mafaka.
Sashen Masana’antun Kirar Motoci Na kasar Sin Ya Samu Gi Gaba A Watan Yuli