UNICEF na zargin Gwamnatin Nijeriya da cin zarafin ƙananan yara
Published: 22nd, July 2025 GMT
Asusun kula da ƙananan yana na Majalisar Ɗinkin Duniya UNICEF, ya ce ya wani sabon bincike da ya gudanar ya banƙado yadda cin zarafin ƙananan yara da kuma kulle su ba bisa ƙa’ida ba ke ci gaba da bazuwa a Nijeriya.
A cikin rahoton da ya fitar ranar Litinin, UNICEF ya ce har yanzu akwai dubban ƙananan yara da gwamnati ta rufe su ba kuma tare da cikakken bayani ga iyalansu ba, wasu ma a yanzu babu cikakken bayani kan inda suke ko kuma halin da suke ciki.
Asusun ya ce a Nijeriya rufe ƙananan yara tare da yi musu shari’a ta zalunci ba bisa ƙa’ida ba na ƙara zama ruwan dare matakin da ke jefa yara cikin fargaba.
Rahoton ya ce wannan matsala ta nuna ƙarara yadda rayuwar yara ƙanana ke cikin haɗari da kuma yadda ake da ƙarancin kotuna da kuma gidajen tsare ƙananan yara.
UNICEF ɗin ya ƙara da cewa ana gwamutsa yaran a gidajen yari da manyan masu laifi sakamakon ƙananan laifuka da suka aikata abinda ke gurɓata tunaninsu a lokuta da dama kuma suke koyon wasu laifukan masu girma.
Rahoton ya ci gaba da cewa a bayanan da ya tattara a tsakanin shekarar 2018 da 2022 sama da mutane 87 ne ake tsare da su a gidajen yari haka siddan ba tare da sanin makomarsu ba, sai kuma ƙananan yara 1,279 da ake tsare da su wasu ma ba’a san inda suke ba.
Asusun ya gano cewa mafi yawan waɗannan mutane sun shafe sama da shekaru 5 a gidajen yarin, ba tare da an yanke musu hukunci ba.
উৎস: Aminiya
কীওয়ার্ড: Nijeriya yara ƙananan yara
এছাড়াও পড়ুন:
Gwamnatin Jigawa Ta Bada Motocin Aiki Goma Ga Rundunar ‘Yan Sanda
Daga Usman Muhammad Zaria
Rundunar ‘Yan Sandan Najeriya ta yi kira ga mazauna jihar Jigawa da su kasance masu bin doka da oda, tare da yin aiki kafada da kafada da rundunar ‘yan sanda domin tabbatar da tsaro da kwanciyar hankali a fadin jihar.
Kwamishinan ‘Yan Sanda na jihar Jigawa, CP Dahiru Muhammad, ne ya bayyana haka lokacin da ya karɓi sabbin motoci 10 kirar Toyota Hilux da Gwamna Umar Namadi ya bai wa rundunar a Dutse, babban birnin jihar.
A cikin wata sanarwa da mai magana da yawun rundunar, SP Lawan Shiisu Adam, ya fitar, CP Dahiru Muhammad ya yaba da jajircewar Gwamna Umar Namadi wajen tallafa wa hukumomin tsaro domin sauke nauyin da ke kansu a jihar.
Ya bayyana cewa, wannan gudummawa ta nuna cikakken kudirin gwamnatin Gwamna Namadi na ƙara inganta harkokin tsaro da kuma tallafawa Rundunar ‘Yan Sanda ta Najeriya wajen aiwatar da aikinta na kare rayuka da dukiyoyin jama’a a fadin jihar.
Kwamishinan ya nuna cewa, waɗannan sabbin motoci 10 za su taimaka matuƙa wajen rage lokacin da ake ɗauka kafin amsa kiran gaggawa, tare da ƙara inganta aikin rundunar a fadin jihar.
Ya ƙara da cewa, za a yi amfani da motocin yadda ya kamata, tare da kula da su don tabbatar da ingantaccen tsaro.
CP Dahiru Muhammad ya kuma sake jaddada aniyar rundunar wajen ci gaba da tabbatar da zaman lafiya, doka da oda, tare da ƙarfafa haɗin gwiwa da sauran hukumomin tsaro da masu ruwa da tsaki.
Ministan Harkokin Wajen Iran Ya Ce; An Mika Batun Hakin Gwiwa Tsakanin Iran Da Hukumar IAEA Ga Kwamitin Kolin Tsaron Kasa