Muna tunanin sayar da matatun man Najeriya — NNPCL
Published: 12th, July 2025 GMT
Kamfanin Man Fetur na Ƙasa (NNPCL), ya ce ya fara tunanin yiwuwar sayar da matatun man ƙasar nan.
Shugaban kamfanin, Bayo Ojulari ne, ya bayyana hakan a wata hira da ya yi da Bloomberg.
Dalilin da ya sa muka gayyaci Sheikh Lawal Triumph – ’Yan sanda Ya kamata mulkin Najeriya ya ci gaba da zama a hannun ’yan Kudu — Hannatu MusawaYa ce yanzu haka kamfanin yana sake duba yadda ake gudanar da matatun, kuma ana sa ran kammala wannan nazari kafin ƙarshen shekara.
Da yake magana a taron OPEC karo na tara da aka yi a Birnin Vienna, na ƙasar Austria, Ojulari ya ce gyaran tsofaffin matatun gwamnati ya wuce yadda ake tsammani.
Najeriya na da matatu huɗu; Fatakwal, Warri da Kaduna, amma sun daɗe suna fama da matsaloli kuma ba sa aiki yadda ya kamata.
An daɗe ana kiranye-kiranyen bayar da su ga kamfanonin masu zaman kansu domin kula da su yadda ya kamata.
A watan Nuwamban 2024, NNPCL ta sanar da cewa matatar Fatakwal ta fara tace mai, amma daga bisani aka rufe ta a watan Mayun 2025 saboda matsalolin da suka shafi gyara.
Sauran matatun na Warri da Kaduna har yanzu ana kan gyaran su.
Ojulari ya ce, “Mun kashe kuɗi da yawa kuma mun kawo sabbin dabaru, amma wasu daga cikinsu ba su yi aiki yadda ya kamata.
“Waɗannan matatun tsofaffi ne, kuma suna da wahalar gyaruwa.”
Ya ce yanzu NNPCL na gudanar da cikakken bincike kan tsarin gyaran matatun, kuma sakamakon wannan bincike na iya haifar da sauye-sauye, ciki har da yiwuwar sayar da su.
“Muna fatan kammala binciken nan kafin ƙarshen shekara,” inji shi.
“Sayar da matatun na cikin zaɓin da muke dubawa. Za mu yanke shawara ne bayan mun ga sakamakon wannan bincike.”
উৎস: Aminiya
এছাড়াও পড়ুন:
Gwamna Kefas Ya Bayyana Alhininsa Bisa Rasuwar Sheikh Dahiru Bauchi
Daga Sani Sulaiman
Gwamnan Jihar Taraba, Dr. Agbu Kefas, ya yi jimami kan rasuwar fitaccen malamin addinin Musulunci, Sheikh Dahiru Usman Bauchi, wanda ya rasu a ranar Alhamis 27 ga watan Nuwamban 2025, yana da shekaru 102.
Wannan na kunshe ne a cikin wata sanarwa da mai bai wa gwamnan shawara na musamman kan Yada Labarai da Hulda da Jama’a, Mista Emmanuel Bello, ya sanyawa hannu.
Gwamnan ya ce rasuwar wannan babban malami babban rashi ne ga kasa, yana mai nuna cewa a wannan lokaci ne ake matuƙar bukatar irin gudummawar da yake bayarwa, duba da kalubalen da kasar ke fusfuskanta.
Ya kara da cewa marigayi Sheikh ya koyar da ilimi da zai ci gaba da jagorantar kasa kan batun zaman lafiya tsakanin addinai.
Haka kuma, Dr. Kefas ya yabawa halayen Sheikh Bauchi, wanda ya bayyana shi a matsayin mutum mai tawali’u, jin kai, da haƙuri.
Saboda haka, Gwamna Agbu Kefas ya yi kira ga jama’a da su yi koyi da jagorancin wannan fitaccen malami.
Ya ce al’ummar kasa za su ci gaba da bin tsarin ladabi da tarbiyyar da marigayi Sheikh Dahiru Usman Bauchi ya koyar.
A wani bangaren, Dr. Kefas ya ja hankalin ‘yan Najeriya da su ci gaba da kasancewa cikin zaman lafiya da juna ba tare da la’akari da addininsu ba.
Ya jaddada muhimmancin jurewa da girmama ra’ayin juna maimakon nacewa a kan namu ra’ayin, tare da tabbatar da aniyarsa ta ci gaba da hidima ga dukkan ‘yan Jihar Taraba bisa adalci ba tare da la’akari da addini ko kabilarsu ba.
Araghchi: Mataimakin Shugaban IAEA Zai Ziyarci Tehan َA Gobe Talata