Yadda kotu ta yanke wa wanda ya kona mutane a cikin masallaci hukuncin rataya a Kano
Published: 27th, May 2025 GMT
Babbar Kotun Musulunci a Jihar Kano ta yanke wa Shafiu Abubakar hukuncin kisa ta hanyar rataya saboda cinna wuta a wani masallaci a kauyen Gadan, Karamar Hukumar Gezawa, yayin da jama’a ke tsaka da jam’in sallar asuba a ranar 15 ga Mayu, 2024. Harin ya yi sanadiyar mutuwar mutane 23 tare da raunana wasu.
An samu Shafi’u da laifuka hudu, ciki har da kisan kai da kuma barna ta hanyar gobara. Baya ga hukuncin kisa, alkali ya ba da umarnin a yi masa bulala 150, tare da biya tarar N1,500, sannan kuma a kwace babur dinsa mai kafa uku, inda za a sayar, a yi amfani da kudin da aka samu wajen gyaran masallacin da ya lalace.
Yayin shari’ar, masu gabatar da kara sun gabatar da shaidu bakwai, ciki har da hakimin kauye da kuma wani jami’in ’yan sanda.
Daya daga cikin shaidun, wanda dan uwan Shafi’u ne, ya bayyana cewa wanda ake tuhumar yana da tarihin kokarin cutar da ’yan uwa, kuma an bayyana shi a matsayin mai cikakken hankali bayan binciken tabin hankali.
An yanke wa wanda ya yi wa agolarsa fyaɗe ɗaurin rai-da-rai Jama’ar gari sun kashe DPO, sun ƙona ofishin ’yan sanda a KanoWani shaida kuma ya bayyana yadda ya tsira a lokacin da masallacin da ke ci da wuta tare da munanan raunuka kuma ya ga Shafi’u yana gudu.
Shafiu ya shaida wa kotun cewa ya sayi man fetur a ranar 14 ga Mayu, 2024, don yayyafa wa masallacin sannan ya cinna masa wuta, ya rufe kofofinsa kuma ya samu konewa a lokacin da yake aikata laifin. Furucinsa, tare da konewar da ke bayyane a hannayensa yayin bayyanarsa a kotu, sun tabbatar da shari’ar masu gabatar da kara.
Daraktan gabatar da kara na Jihar Kano ya bayyana gamsuwarsa da hukuncin, inda ya bayyana cewa ya nuna girman laifin.
Sai dai lauyan Shafi’u ya nuna yiwuwar daukaka kara tare da nuna damuwa game da yanayin da yake tsare.
An ruwaito cewa lamarin ya samo asali ne daga rikicin gado, inda Shafi’u ya yi niyyar kai hari ga ’yan uwansa da ya yi imanin sun zalunce shi.
উৎস: Aminiya
এছাড়াও পড়ুন:
Kotu ta dakatar da gudanar da babban taron PDP
Babbar Kotun Tarayya da ke Abuja ta dakatar da jam’iyyar PDP daga gudanar babban taronta na ƙasa da aka shirya yi a Ibadan, Babban Birnin Jihar Oyo, a watan gobe.
Mai shari’a James Omotosho ne, ya bayar da wannan umarni, yayin da yake yanke hukunci kan wata ƙara da aka shigar domin sanin ko jam’iyyar PDP na da ikon ci gaba da shirya taron da aka tsara gudanarwa a ranakun 15 da 16 ga Nuwamba.
Real Madrid zata nemi diyyar Dala bilyan 4 daga UEFA An raba wa iyalan jami’an ’yan sandan da suka rasu a bakin aiki a Borno N63.4mWaɗanda suka shigar da ƙarar sun haɗa da Austine Nwachukwu, shugaban PDP na Jihar Imo; Amah Abraham Nnanna, shugaban PDP na Jihar Abiya da Turnah George, sakataren PDP na yankin Kudu maso Kudu.
Waɗanda ake ƙarar sun haɗa da Hukumar Zaɓe Mai Zaman Kanta ta Ƙasa (INEC), PDP, Sakataren Jam’iyyar na Ƙasa, Samuel Anyanwu, Sakataren shirya taruka na jam’iyyar, Umar Bature, Kwamitin Ayyuka na jam’iyyar na Ƙasa (NWC) da Kwamitin Zartarwa na jam’iyyar na Ƙasa (NEC).
Masu shigar da ƙarar sun kasance ’yan tsahin Nyesom Wike ne.
Sun roƙi kotu da ta hana gudanar da taron, inda suka bayyana cewar jam’iyyar ta saɓa wa dokokinta, Kundin Tsarin Mulkin Najeriya na 1999, da kuma Dokar Zaɓe wajen shirya taron.
Lauyansu ya shaida wa kotu cewa: “Ba a gudanar da taron wakilai a jihohi 14 ba don haka shirin taron ya saɓa wa doka.”
Sai dai PDP ta kare kanta, inda ta ce lamarin na harkokin cikin gidan jam’iyyar ne, don haka bai kamata kotu ta tsoma baki ba.
Jam’iyyar ta zargi masu ƙarar da ƙoƙarin tayar da rikici domin hana ta gudanar da sabon zaɓen shugabanni.
Aminiya ta ruwaito cewa wannan rikici ya ƙara dagula al’amura a jam’iyyar PDP.
Sakataren jam’iyyar na ƙasa, Sanata Samuel Anyanwu, a baya ya yi zargin cewa an yi amfani da hannunsa na bogi a takardun da aka aike wa INEC game da shirya taron.
Amma shugabancin jam’iyyar ya ƙaryata wannan zargi.
A halin yanzu, Kwamitin Shirya Taron na Ƙasa (NCOC) ya ɗage tantance ’yan takara da aka tsara gudanarwa a ranar 28 ga watan Oktoba.
Mutane da dama na ganin ɗage tantance ’yan takarae na da nasaba da jiran sakamakon hukuncin kotu kafin a ci gaba da shirye-shirye.
HKI Ta Roki Amurka Ta Taimake Ta A Fada Da Kasar Yemen