Kwanan nan gwamnati za ta sake kara kudin lantarki a Najeriya – Minista
Published: 9th, July 2025 GMT
Ministan Lantarki na Najeriya, Adebayo Adelabu, ya ce Gwamnatin Tarayya na shirye-shiryen sake kara kudin wutar lantarki domin rage yawan bashin da bangaren lantarkin ke bi.
Bayanai dai sun nuna yanzu haka, bashin lantarkin da ake bi a Najeriya ya haura Naira tiriliyan hudu.
Amma a cewar ministan a yayin wani taron masu ruwa da tsaki 300 a Abuja, yunkurin wani bangare ne na tabbatar da cewa bangaren lantarki ya tsaya da kafarsa.
Idan dai za a iya tunawa, duk da Karin kudin wutar da aka yi wa kwastomomin da ke tsarin Band A, mutane na ci gaba da korafin cewa ba sa samun isasshiyar wutar da ta kai ta kimar abin da suke biya.
Sai dai ministan ya ce yin karin na da muhimmanci ga ci gaban tattalin arzikin Najeriya da kuma ci gaban kasa.
A cewarsa, “A yanzu haka, akwai tarin bashin da lamfanonin da ke samar da wutar ke bin bashi sakamakon cire tallafin lantarkin da gwamnatin ta yi, wanda yah aura Naira tiriliyan hudu a karshen watan Disambar bara.
“Tuni gwamnatin ta fara tsare-tsaren ganin cewa wannan bashin bai ci gaba da taruwa ba, shi ya sa ma take kokarin kara farashin wutar, sannan ta kirkiro da sabon tallafi ga masu karamin karfi a cikin masu amfani da wutar.
“Abin da hakan ke nufi shi ne gwamnati za ta kawo karshen tallafin da take biya, wanda hakan ke nufin za a sami karuwar farashin a dukkan matakai,” in ji Ministan.
উৎস: Aminiya
কীওয়ার্ড: Karin kudin wuta Lantarki
এছাড়াও পড়ুন:
An janye ’yan sanda 11,566 daga yi wa manyan mutane rakiya – Egbetokun
Babban Sufeton ’yan sandan Najeriya, Kayode Egbetokun, ya ce sun janye ’yan sanda 11,566 da ke rakiyar manyan mutane kamar yadda Shugaban Ƙasa ya ba da umarni a kwanakin baya.
Ya kuma ce an sake tura waɗannan jami’an zuwa muhimman wuraren da aka fi buƙatars su don kare al’ummomi masu rauni a fadin ƙasa.
NAJERIYA A YAU:Waiwaye Kan Irin Gudunmawar Da Sheikh Dahiru Bauci Ya Bayar Ga Cigaban Addini An gano gawawwakin mata uku ’yan Kamaru da aka sace a AnambraAminiya ta rawaito cewa Shugaba Bola Tinubu, a ranar Lahadi, ya bayar da umarnin janye jami’an ‘yan sanda daga aikin tsaron manyan mutane tare da umartar a sake tura su zuwa ayyukan tsaro na asali.
Umarnin ya biyo bayan taron tsaro da aka gudanar a Abuja tare da shugabannin rundunonin tsaro da shugaban hukumar tsaro ta DSS.
Yayin da yake jawabi a hedikwatar ’yan sanda da ke Abuja, ranar Alhamis, lokacin da ya gana da manyan jami’an ‘yan sanda masu mukamin kwamishina, Egbetokun ya ce jami’an da aka janye za a mayar da su ga ayyukan tsaro na asali.
Ya ce shawarar janye jami’an daga aikin tsaron mutanen ba ta samo asali daga son rai ba, sai dai daga bukatar gaggawa ta karkatar da ma’aikata zuwa wuraren da tsaron jama’a ya fi bukata.
A cewarsa, wannan mataki ya yi daidai da babban aikin Hukumar ‘Yan Sanda ta Najeriya, wato kare ‘yan ƙasa, al’ummomi da kuma tabbatar da zaman lafiya, yana mai jaddada cewa dukkan jami’an 11,566 da aka janye an sake tura su wuraren aiki.
“A bisa umarnin Shugaban Ƙasa, mun janye jami’an 11,566 daga aikin tsaron manyan mutane. Waɗannan jami’an za a sake tura su zuwa muhimman ayyukan tsaro nan take,” in ji shi.
Babban Sufeton ya ce janyewar za ta bai wa ‘yan sanda damar ƙara yawan jami’an da za su yi aiki wajen tsaron ƙauyuka da birane, kare jama’a da yawa, ƙarfafa sintiri, ayyukan tsaro bisa bayanan sirri, da kuma daƙile barazanar tsaro cikin gaggawa.
Sashen Masana’antun Kirar Motoci Na kasar Sin Ya Samu Gi Gaba A Watan Yuli