Rasha Ta Kai Wa Ukiraniya Hari Mafi Muni Tun Farkon Yaki
Published: 7th, June 2025 GMT
Sojojin Rasha sun kai hare-hare mafi muni akan cibiyoyin soja da muhimman cibiyoyi a kasar Ukiraniya da su ka hada da birnin Kiev.
Sojojin na Rasha sun yi amfani da kamamai masu linzami da jiragen sama marasa matuki masu kai harin kunar bakin wake da su ka haddasa tashin gobara.
Jami’in tafiyar da sha’anin Mulki a birnin Kharikiev ya bayyana cewa; A kalla mutane 10 su ka jikkata a bisa kididdigar farko.
Ita kuwa rundunar sojan saman kasar ta Ukiraniya ta sanar da cewa; an yi amfani da makamai masu linzami samfurin “Cruise” wajen kai harin.
Su ma sojojin na Rasha sun sanar da cewa, sun kai wa Ukiraniya hare-hare akan sansanonin soja da kuma muhimman cibiyoyin kasar ta hanyar amfani da makamai masu linzami samfurin “Caliver” da kuma jirage marasa matuki.
A nata gefen ma’aikatar tsaron kasar Rasha ta sanar da kakkabo jiragen sama marasa matuki 82 da Ukiraniya ta harba daga cikin har da saman birnin Moscow.
Tun a makon da ya shude ne dai shugaban kasar Rasha, Vladmir Putin ya yi alkawalin mayar wa da Ukiraniya martani saboda hare-haren da ta kai wa wasu filayen saukar jiragen sama na soja da su ka hada wadanda suek dauke da muhimmanci jiragen yakin da Rashan take takama da su.
উৎস: HausaTv
এছাড়াও পড়ুন:
Sin Za Ta Harba Kumbon Shenzhou-21
Hukumar kula da zirga-zirgar kumbuna masu dauke da ‘yan sama jannati ta kasar Sin ko CMSA, ta ce an shirya harba kumbon Shenzhou-21 da karfe 12 saura mintuna 16 na daren gobe Juma’a, daga tashar harba kumbuna ta Jiuquan dake arewa maso yammacin kasar Sin.
Yayin taron manema labarai da ya gudana a yau Alhamis, CMSA ta sanar da cewa, ‘yan sama jannati Zhang Lu, da Wu Fei da Zhang Hongzhang, za su kasance cikin kumbon na Shenzhou-21, kuma Zhang Lu ne zai jagoranci tawagar. Dalilan harba kumbon na wannan lokaci su ne kammala sauyin aiki da tawagar ‘yan sama jannatin kumbon Shenzhou-20, da kasancewarsu a tashar sararin samaniya ta Sin na kimanin watanni shida, da gudanar da ayyukan kimiyyar samaniya, da gwaje-gwaje masu nasaba da sai sauransu.
A cewar kakakin CMSA Zhang Jingbo, Sin na rike da kudurinta na sauka kan duniyar wata kafin shekarar 2030, ta kuma tsara jadawalin samar da ci gaba, da gwajin babban aikinta na sauke ‘yan sama jannatinta kan doron wata.
A wani ci gaban, CMSA ta ce ‘yan sama jannati biyu na kasar Pakistan za su samu horo tare da takwarorinsu na Sin, kuma za a zabi daya daga cikinsu don kasancewa tare da kumbon Sin na dakon ‘yan sama jannati na dan wani lokaci a matsayin kwararren jami’i. (Saminu Alhassan)
ShareTweetSendShare MASU ALAKA
HKI Ta Roki Amurka Ta Taimake Ta A Fada Da Kasar Yemen