Ana samun Karancin Masu Sayen Dabbobi A Kano Duk Karatowar Sallar Layya
Published: 3rd, June 2025 GMT
Dillalan rago a jihar Kano sun nuna damuwarsu kan rashin zuwan masaya da suke fuskanta duk da ‘yan kwanaki da suka rage ayi bukukuwan Sallah.
Ziyarar da aka kai kasuwar dabbobi ta Gandun Albasa ta nuna cewa, da yawa daga cikin masu sayar da kayayyaki sun shafe tsawon yini ba tare da yin cinikin komai ba, inda masu saye kadan ke zuwa sayen dabbobin hadaya.
Da yake zantawa da gidan rediyon Najeriya shugaban kasuwar dabbobi ta Gandun Albasa, Alhaji Yusuf Ahmed Muhammad ya bayyana cewa duk da cewa mutane na zuwa kasuwar domin tambayar farashin, amma a zahiri kadan ne ke saye.
Ya bayyana cewa yayin da wasu kwastomomi ke siyan kananan raguna da farashinsu ya kai tsakanin ₦80,000 zuwa 150,000, da yawa ba sa iya sayen manyan raguna.
A cewar Alhaji Yusuf, farashin raguna ya tashi daga ₦80,000 zuwa miliyan 1, shanu daga ₦250,000 zuwa miliyan 2, rakuma daga ₦500,000 zuwa ₦1 miliyan.
Ya kuma bukaci jama’a da su yi watsi da jita-jitar da ake ta yadawa game da tsadar kayayyaki, inda ya kara musu kwarin gwuiwa maimakon su ziyarci kasuwa su gani da kansu.
“Kamar yadda kuke gani mutane kadan ne ke tsaye kusa da wasu dabbobi suna neman farashi amma a karshe yawancinsu suna barin ba tare da siya ba”
Wani dillalin dabbobi, Alhaji Anas Garba Abubakar, ya bayyana cewa a shekarun baya miliyan 2 na iya sayen raguna sama da ashirin daga kasuwannin cikin gida. “Amma a wannan shekara, za ku iya samun kusan raguna biyar kawai a kan adadin,” in ji shi.
Ya alakanta tashin farashin da dalilai kamar hana shigo da rago daga Nijar da kuma tsadar kayan abinci da ake ci gaba da yi, wanda har yanzu ba a samu canji ba duk da faduwar farashin kayan abinci a fadin kasar.
Masu son siyan kayayyaki Abdullahi Kabir da Bashir Ibrahim Hassan su ma sun bayyana nasu bayan sun ziyarci kasuwar. “Mun zo nan don siyan raguna, amma kamar yadda kuke gani, dole ne mu koma gida mu sake shiryawa. Farashin ya yi tsada sosai.”
Sun bukaci gwamnati da masu ruwa da tsaki da su dauki matakin gaggawa don hana faruwar lamarin.
A al’adance dai, kwanaki masu gabatowa da Sallar Idi, kasuwannin dabbobi sun cika da masu saye da sha’awar sayen dabbobin hadaya.
KHADIJAH ALIYU
উৎস: Radio Nigeria Kaduna Hausa
এছাড়াও পড়ুন:
Gwamnati ta ƙaddamar da jiragen ruwa na zamani 20 a Sakkwato
Gwamnan Sakkwato, Dakta Ahmad Aliyu, ya ƙaddamar da jiragen ruwa na zamani guda 20, tare da riguna ruwa (life jackets) 2,000, domin rage haɗurran da ke aukuwa sakamakon ambaliya da nutsewar jirage a sassan jihar.
An ƙaddamar da jiragen ne a ƙaramar hukumar Wamakko a ranar Laraba, inda gwamnan ya bayyana cewa wannan mataki na daga cikin shirin gaggawa na tallafa wa al’ummar da ke fama da illar ambaliya da haɗurra a ruwa.
Microsoft ya ƙwace shafukan wasu kamfanoni 340 a Najeriya An kama ɗaya daga cikin manyan kwamandojin IPOB“Mun dauki wannan mataki bayan rahotannin da muke samu na yawaitar hatsarurruka da rasa rayuka da dukiya sakamakon jiragen katako da mutane ke amfani da su,” in ji Gwamna Ahmad Aliyu.
Gwamnan ya miƙa godiya ga shugabar hukumar bayar da agajin gaggawa ta ƙasa (NEMA), Hajiya Zubaida Umar, bisa hadin kai da goyon bayan da hukumar ke bayarwa domin tabbatar da tsaron rayuka da dukiya, tare da inganta ayyukan ceto da agaji a jihar.
Aminiya ta ruwaito cewa, an horar da direbobin jiragen ruwan da za su riƙa kula da su, kafin a raba su zuwa ƙananan hukumomi goma (10) da suka fi fuskantar barazanar ambaliya da suka haɗa da: Goronyo, Shagari, Sabon-Birni, Wurno, Rabah, Wamakko, Silame, Kebbe, Tambuwal da Isa.
Gwamnan ya kuma yi gargaɗin cewa za a hukunta duk wani da ya ɗauki lodi fiye da ƙima a cikin jiragen, yana mai cewa “wannan jirage da rigar ruwa na jama’a ne, kuma wajibi ne shugabannin ƙananan hukumomi su tabbatar da kula da su yadda ya kamata.”
Sai dai wasu daga cikin mazauna yankunan da za a rabawa jiragen sun bayyana ra’ayinsu dangane da lamarin, inda wani Tanimu Goronyo, daga karamar hukumar Goronyo, ya ce: “Gwamnatin Sakkwato ta kauce hanya.
“Abin da muke bukata a yanzu shi ne hanyoyin mota da magudanan ruwa. Ambaliya tana mamaye yankunan mu ne saboda babu hanya. Idan gwamnati ta kashe wannan kuɗi wajen gina hanya, sai an fi cin moriya.”
Shi ma wani Muhammad Kabiru, daga Silame, ya bayyana farin cikinsa da sayen jiragen, sai dai ya roƙi gwamnati da ta mai da hankali wajen gina hanyoyin mota saboda abin da suka fi buƙata ke nan.
“Mu a Silame jirgi yana da amfani, amma hanyar mota ita ce babbar buƙatar mu. Idan aka samar da ita, ambaliya ba za ta hana mu zirga-zirga ba.”
Yayin da gwamnatin Sakkwato ke ɗaukar matakan gaggawa don rage hatsarurruka da ambaliya ke haifarwa, al’umma na ci gaba da neman tsarin da zai magance tushen matsalar – musamman samar da ingantattun hanyoyi da magudanan ruwa a karkara.
Sarkin Saudiyya Ya Ɗauki Nauyin Falasɗinawa 1,000 Su Sauke Faralin