Shanghai Ya Gabatar Da Shirin Gina Yankin Motoci Masu Tuka Kansu
Published: 27th, July 2025 GMT
An fitar da wani sabon tsarin aiki na Shanghai na gina wani yanki da zai zamo kan gaba a fagen tafiyar da motoci masu tuka kansu jiya Asabar, yayin da ake ci gaba da gudanar da taron fasahar kirkirarriyar basira na duniya a birnin dake kudancin kasar Sin.
An tsara shirin ne da nufin ganin motoci masu tuka kansu a mataki na 4 sun yi jigilar fasinjoji fiye da miliyan shida nan da shekarar 2027, tare da bude hanyoyi sama da kilomita 5,000 domin motocin masu tuka kansu, tare da tabbatar da cewa an sanya wa fiye da kashi 90 cikin dari na sabbin motocin birnin na’urorin tuka kai na mataki na 2 da kuma mataki na 3.
An rarraba matakan tuka kai daga mataki na 0 zuwa mataki na 5. Yanayin girman kowane mataki ne yake nuna yanayin fasaharsa. Motoci masu tuka kansu na mataki na 4 na iya tuka kansu a mafi yawan yanayoyi ba tare da an tanadi wani direban ko-ta-kwana ba.
Darektan sashen ba da bayanai na hukumar kula da tattalin arziki da masana’antar kera motoci ta birnin Shanghai Han Dadong, ya bayyana cewa, Shanghai zai hanzarta gina wani yanki da zai zamo kan gaba a duniya wajen tukin motoci masu sarrafa kansu, ta hanyar hadin gwiwar bangarori daban-daban da suka hada da dandalolin tattara bayanai, da sansanonin horaswa, da na manyan tsare-tsaren fasahohin zamani da manufofi. (Mai fassara: Abdulrazaq Yahuza Jere)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
Babban Burina Zama Fitacciyar Jaruma A Duniya —Aisha Umar
Ko za ki fadawa masu karatu dan takaitaccen tarihinki?
An haife ni a a ‘Delta state’, na yi makarantar firamare da sakandare a Delta, sannan nayi aure a can. Yara na uku, Allah ya kawo rabuwa tsakani na da mijina. Babana dan ‘Nasarawa State’ ne, Mama ta kuma ‘yar Jihar Kano ce. Shekaruna Talatin da hudu, na tsinci kaina a masana’antar Kannywood ne shekara shida da suka wuce baya.
Me ya ja hankalinki har ki ka tsunduma cikin masana’antar Kannywood?
Saboda fim yana daya daga cikin abin da ya fara burge ni bayan aure na ya mutu, shi fim abu ne wanda yake kamar wa’azantarwa da kuma tunatarwa.
Ya gwagwarmayar farawar ta kasance?
Yadda gwagwarmayar ya kasace shi ne; na zo fim ne ba tare da tunanin yadda za ta kasance da ni ba, amma yanzu kam Alhamdulillah.
Ya batun iyaye lokacin da za ki sanar musu kina sha’awar fara fim, shin kin samu wani kalubale daga gare su?
Eh, a gaskiya na samu. Saboda mahaifiya ta da ‘yan’uwana sun ki yarda, sai da na samu na zaunar da su na fahimtar da su sannan.
Da wane fim ki ka fara?
‘Motsin Rai’ wanda Yahaya Sa’id ne yayi daraktin, da kuma Dadin Kowa.
Ya farkon farawar ta kasance?
Gaskiya na sha wahala kasancewar shi ne farkon dasa min ‘camera’.
Da su wa ki ka fara cin karo a farkon shigarki kannywood?
Bosho, su Dan’Auta da sauransu.
Kin yi finafinai sun kai kamar guda nawa?
Gaskiya ba zan iya kirgawa ba.
Cikin finafinan da ki ka fito wanne ne ya zamo bakandamiyyarki?
Kishiyar uwa, saboda na fito a mahaukaciya abun dai abun armashi.
Wane irin nasarori ki ka samu game da fim?
Dalilin fim na je gurare wanda ban da ta wannan hanya, ban yi tunanin zuwa ba.
Ko akwai wani kalubale da ki ka taba fuskanta cikin masana’antar?
Eh, kam ba za a rasa ba, to, amma Alhamdulillah.
Wane abu ne ya taba faruwa da ke na farinciki ko akasin haka, wanda ba za ki taba iya mantawa da shi ba a rayuwa?
Kamar mutuwar mahaifi na, ba zan taba iya mantawa ba har abada.
Ko kina da ubangida a masana’anyar Kannywood?
Eh, ina da shi.
Kafin shigarki masana’antar Kannywood wadanne jarumai ne suke burge ki, kuma me ya sa?
Ali nuhu, saboda yadda yake aikinsa kamar a gaske.
Mene ne burinki na gaba game da fim?
In zama babbar jaruma.
Bayan fim kina wata sana’ar ne?
Eh, ina ‘business’.
Misali wani daga cikin abokan aikinki ya ce yana sonki zai aure ki, shin za ki amince ki aure shi ko kuwa ba ki da ra’ayin auren dan fim?
Idan da so da kauna me zai hana.
Wasu na kokawa game da masana’antar kannywood, a takaice ya za ki yi wa masu karatu bayanin yadda masana’antar take, shin wace ce Kannywood ya cikinta yake?
Kannywood wata masana’anta ce wacce take kamar makaranta, kafin ka fara ta, dole sai ka mayar da hankali.
Wane kira za ki yi ga masu kokarin shiga kannywood?
Duk wacce za ta shigo ta dauka kamar koyan sana’a ce ya kawo ta, dole sai ta mayar da hankali tare da jajircewa.
Ko akwai wata shawara ko wani sako da ki ke da shi ga sauran abokan aikinki?
Sako na a gare su shi ne, su dinga rike gaskiya da amana, su sani mu kamar amana muke a hannunsu, su taya mu rike ta kima da mutuncin mu.
Me za ki ce da masoyanki masu kallon finafinanki?
Ina yi wa kowa fatan alkairi.
Muna godiya
Ni ma na gode.
ShareTweetSendShare MASU ALAKA
Akwai Bukatar Manyan Jaruman Da Suka Yi Kudi Su Taimaki Na Baya -Barau Dadin Kowa