Za mu ba da damar shigar da kayan agaji a Gaza — Isra’ila
Published: 27th, July 2025 GMT
Isra’ila ta ce za ta bai wa ayarin Majalisar Dinkin Duniya damar shiga Gaza domin raba kayan agaji da magani, bayan makonni na matsin lamba daga hukumomi da kasashen duniya.
Sanarwar da rundunar sojin Isra’ila ta fitar ranar Asabar, ta ce ta bayar damar komawa jefa kayan agajin ta jiragen sama – abin da aka ce bai wadatar ba, baya ga hadarin da ke tattare da shi.
Rundunar sojin ta ce ta fara aiwatar da wasu jerin matakai na inganta kai agajin a yankunan da ke da tarin jama’a
Hakan dai na zuwa ne a yayin da Isra’ilar ke sci gaba da fuskantar matsin lamba daga hukumomi da kasashen duniya da ke bayyana damuwa kan al’ummar Falasdinawa a Zirin Gaza za su fada cikin mummunan bala’in yunwa.
A bayan nan dai Isra’ila ta takaita shigar da kayan agajin da magunguna tsawon watanni ga al’ummar yankin su miliyan biyu, a yayin da take ci gaba da musanta abin da ta kira ikirarin haddasa yunwa ga al’ummar ta Gaza da gangan.
Kamfanin dillancin labarai na Reuters ya ruwaito kafofin Falasdinawa suna tabbatar da ci gaba da aikin jefa kayan agajin ta sama, a yankin arewacin Gaza.
Tun daga farkon watan Maris ne Isra’ila ta dakatar da bayar da dukkanin kayan agajin, amma ta bayar da damar bayarwa amma da sababbin sharuda a watan Mayu.
Isra’ila na ci gaba da luguden wuta a GazaAƙalla mutane 25 ne suka mutu a wasu hare-hare ta sama da kuma ta ƙasa da sojojin Isra’ila suka kai cikin dare a yankin Gaza.
Jami’an kiwon lafiya a asibitin Shifa da aka kai gawarwakin mutanen, sun ce mafi yawancinsu an kashe sune ta hanyar harbi da bindiga, a lokacin da suke dakon isowar motocin kayan agaji ta mashigar Zikim.
Wannan dai na zuwa ne dai-dai lokacin da tattaunawar da ake yi don cimma yarjejeniyar tsagaita wuta tsakanin Isra’ila da Hamas ta fuskanci koma baya, sakamakon yadda Amurka da Isra’ila suka janye wakilansu a ranar Alhamis.
A ranar Juma’a ce firaministan Isra’ila Benjamin Netanyahu, ya ce gwamnatinsa na duba yuwuwar cimma yarjejeniyar tsagaita wuta tsakaninsu da Hamas, kalaman da ke zuwa dai-dai lokacin da jami’in Hamas ke cewa ana saran a mako mai zuwa ne za su ci gaba da tattaunawa kan batun.
Ƙasashen Masar da Qatar waɗanda ke shiga tsakani a tattaunawar tare da Amurka, sun ce an dakatar da tattaunawar ce na ɗan ƙaramin lokaci, kuma za a ci gaba da ita duk da yake ba su bayyana zuwa wane lokaci ba.
উৎস: Aminiya
কীওয়ার্ড: Benjamin Netanyahu Isra ila yunwa kayan agajin Isra ila ta
এছাড়াও পড়ুন:
Ana zargin ɗa da kashe mahaifinsa a Kano saboda hana shi ƙara aure
Babbar Kotun Kano mai lamba 7 da ke zama a cikin birni ta bayar da umarnin tsare Aminu Ismail, mazaunin Unguwar Bai a Karamar Hukumar Ajingi ta jihar, bisa zarginsa da kashe mahaifinsa, Malam Dahiru Ahmad, ta hanyar caka masa wuƙa har lahira.
Lamarin ya faru ne bayan samun sabani tsakaninsu kan aniyar Aminu ta ƙara aure, wadda mahaifinsa ya ƙi goyon baya saboda abin da ya kira halin tattalin arzikin da ake fama da shi a kasa.
Babu wani uzuri da za a yi wa sabbin hafsoshi kan matsalar tsaron Nijeriya — Tinubu Borno ta fara fitar da kayan robobi zuwa ƙasashen waje – ZulumA cewar lauyan masu ƙara, Barrista Lamido Abba Sorondinki, wanda ake tuhuma ya shaida wa mahaifinsa niyyarsa ta kara mata ta biyu, amma mahaifinsa ya ba shi shawarar kada ya yi hakan, yana mai danganta matsalar da halin tattalin arzikin ƙasa ke ciki.
Wannan sabani ya rikide zuwa faɗa, inda ake zargin Aminu da caccaka wa mahaifin nasa wuƙa a ƙirji, lamarin da ya jawo masa rauni mai tsanani har ya rasa ransa.
An gurfanar da Aminu da laifin kisan kai, wanda ya saba da Sashe na 221 na kundin penal code.
Ana ci gaba da shari’ar, kuma kotu ta bayar da umarnin tsare shi har zuwa lokacin da za a ci gaba da sauraron ƙarar.
Hare-Haren Sojojin Mamayar Israila Sun Janyo Shahadan Falasdinawa Masu Yawa A Zirin Gaza