Wani mutum ya buɗe Ofishin Jakadancin Indiya na bogi a ƙasar
Published: 26th, July 2025 GMT
’Yan sanda sun kama wani mutum da ya buɗe Ofishin Jakadancin Ƙasar Indiya na bogi wani gidan haya, kuma yake gabatar da kansa a matsayin ambasadan ƙasar.
Jami’an tsaron sun kama mutumin mai suna Harshvardhan Jain ne a ofishin nasa da ke kusa da Delhi, babban birnin ƙasar, kamar yadda Kamfanin Dillancin Labarai na AP ya ruwaito.
Sushil Ghule, Babban Jami’in Rundunar ’Yan Sanda ta Musamman a yankin Uttar Pradesh, ya ce an ƙwace motocin alfarma masu ɗauke da lambar Ofishin Jakadancin Indiya na bogi a hannun mutumin mai shekara 47.
Ya bayyana cewa ambasadan bogin yana damafarar mutane da alƙawuran samun aiki a ƙasashen waje; musamman inda yake iƙirarin zama Jakada ko Mashawarci ga ka kamfanoni irin su “Seborga” ko “Westarctica” da sauransu.
Matashi ya tono gawar kakarsa don yin tsafin kuɗi ya sare kan gawar kakarsa don yin tsafi Ta’addanci: Alƙawuran sojoji 8 na kamo Bello TurjiGhule ya ce sauran kayan da aka kama Jain da su su haɗa da tambarin Ofishin Jakadancin Indiya da na wasu ƙasashe kimanin 40, duk na bogi.
An kuma kama tsabar kuɗi kimanin Dala dubu 52 (sama da Rupee miliyan 4.5 na Indiya) na kuɗaɗen kasashe daban-daban da aka yi wa ado da tutocin ƙasashen.
Kazalika an kama hotunan Jain da aka yi wa suddabaru aka hada shi da shugabannin duniya.
Ghule ya shaida wa kafar cewa ambasadan bogin yana fuskantar tuhume-tuhume da suka haɗa da zargin safarat kuɗaɗen Haram, yin ungulu da kan zabo, da kuma mallaka da amfani da takardun bogi.
উৎস: Aminiya
কীওয়ার্ড: Yan Sanda Damfara Harshvardhan Jain Indiya Jakadancin Indiya
এছাড়াও পড়ুন:
Jamus ta shiga sahun ƙasashen da ke neman kawo ƙarshen yaƙin Sudan
Jamus ta shiga sahun ƙasashen duniya da ke kiran a gaggauta tsagaita wuta a yaƙin da ke ci gaba da salwantar rayuka a ƙasar Sudan.
Sama da shekaru biyu ke nan Sudan na fama da yaƙin da ya ɗaiɗaita fararen hula baya ga asarar rayuka.
Rikicin PDP: Tsagin Wike ya dakatar da Damagum Kisan Kiristoci: Za mu kai hari Najeriya — TrumpMinistan Harkokin Wajen Jamus, Johann Wadephul, ya bayyana halin da Sudan ke ciki a matsayin “mummunan bala’i,” yana mai cewa babbar matsalar jinkai ta duniya a yanzu ta tattara ne a Sudan ɗin.
A taron da aka gudanar a Bahrain, ƙasashen Birtaniya da Jordan su ma sun yi magana kan rikicin, suna kiran da a kawo ƙarshen tashin hankalin.
A ƙarshen makon da ya gabata, RSF ta kori rundunar soji daga sansanin ta na ƙarshe a yammacin Darfur.
Rahotanni daga garin El-Fasher sun bayyana cewa ana samun kashe-kashe ba tare da shari’a ba, da fyaɗe da fashi har ma da hare-hare kan ma’aikatan agaji.
Wata Kungiyar Likitoci ta MSF a ranar Asabar ta ce ana fargabar dubban fararen hula sun maƙale sannan suna cikin mummunan haɗari a birnin Al Fasher wanda ya koma hannun dakarun RSF.
Rikicin Sudan ya fara ne a watan Afrilun 2023, bayan taƙaddama ta siyasa tsakanin Janar Abdel Fattah al-Burhan, shugaban sojin ƙasar, da Mohamed Hamdan Dagalo (Hemedti), Kwamandan RSF.
Bayanai sun ce rikicin ya samo asali ne daga saɓani kan yadda za a haɗa rundunar RSF da sojojin ƙasar bayan juyin mulkin 2021 da ya hamɓarar da gwamnatin farar hula.
Tun daga lokacin, yaƙin ya zama wani mummunan bala’i na jin kai, inda Majalisar Ɗinkin Duniya (UN) ta ce fiye da mutane miliyan bakwai sun tsere daga gidajensu, yayin da dubbai ke buƙatar taimakon gaggawa.
Gwamnatin Mauritaniya Ta Karyata Rahoton Cewa Shugaban Kasarta Ya Gana Da Netanyahu