Shugaban Gidauniyar Malala, ya jaddada kudirin gidauniyar na bunkasa ilimin yara mata a fadin Najeriya.
Published: 3rd, October 2025 GMT
Ya bayyana haka ne a lokacin da ya kai ziyarar ban girma ga mai martaba Sarkin Zazzau Ambasada Ahmed Nuhu Bamalli a fadarsa da ke Zariya.
Da yake jawabi, shugaban gidauniyar Malala, Mista Ziouddin Yousafzai ya yaba da kyakkyawar tarba da aka yi masa tare da tawagarsa, inda ya bayyana Masarautar Zazzau a matsayin babbar abokiyar tarayya wajen ciyar da manufofin Gidauniyar gaba.
Ya yi alkawarin karfafa hadin gwiwa da cibiyoyin gargajiya domin bunkasa samun ilimi da karfafawa ‘ya’ya mata samun damar da suke da ita.
A nasa jawabin, Sarkin Zazzau, Ambasada Ahmed Nuhu Bamalli, ya yabawa gidauniyar Malala bisa ci gaba da tallafawa wajen inganta ilimin yara mata, musamman a Arewacin Najeriya.
Sarkin ya yi nuni da cewa ilimi ya kasance kayan aiki mafi karfi na yaki da talauci da jahilci, inda ya bukaci iyaye da su ba da fifiko ga ilimin ‘ya’yansu mata.
Ya kuma bayyana cewa Masarautar Zazzau a ko da yaushe tana goyon bayan shirye-shiryen bunkasa ilimin mata, inda ya bayar da misali da cibiyar koyar da yara mata da ke Zariya a matsayin misali wajen sauya rayuwar yara mata.
Ita ma da take nata jawabin shugabar cibiyar ilimin ‘ya’ya mata Hajiya Habiba Muhammad ta bayyana nasarorin da aka samu ta hanyar hadin gwiwa da gidauniyar Malala da suka hada da bayar da tallafin karatu, shirye-shiryen jagoranci, da kokarin wayar da kan al’umma.
Wata dalibar Cibiyar, Amina Yusuf, ta bayyana labarinta mai jan hankali, inda ta ce ta kusa daina makaranta saboda kalubale, amma ta hanyar tallafin Cibiyar, yanzu tana fatan cimma burinta.
Ziyarar ta kare ne da wani hoto na rukuni tare da gabatar da kayayyakin tarihi, wanda ke nuna alamar hadin gwiwa mai dorewa wajen inganta ilimi da daidaiton jinsi a Masarautar Zazzau da ma wajenta.
COV/ Ibrahim Suleiman
উৎস: Radio Nigeria Kaduna Hausa
কীওয়ার্ড: Zaria gidauniyar Malala
এছাড়াও পড়ুন:
Gwamnatin Gombe ta bai wa alƙalai da Khadi-Khadi kyautar sabbin motoci 16
Gwamnatin Jihar Gombe ta raba sabbin motoci ƙirar SUV guda 16 ga Alƙalai na Babbar Kotu da Khadi-Khadi na Kotun Shari’a domin taimaka musu wajen gudanar da aikinsu yadda ya kamata a fadin jihar.
Motocin sun haɗa da motoci biyu ƙirar Toyota SUV samfurin 2025 da aka bai wa babban alƙal8 da Grand Khadi.
Na kusa komawa APC – Gwamnan Taraba Tsohon Minista Kabiru Turaki ya zama sabon shugaban PDP na ƙasaMotocin guda 14 ƙirar GAC SUV samfurin 2025 da aka raba wa sauran alƙalai da khadi-khadi.
Da yake miƙa motocin, Mataimakin Gwamna Mannasah Daniel Jatau, ya ce gwamnatin Gwamna Muhammadu Inuwa Yahaya na ƙoƙari wajen samar da kayan aiki na zamani domin inganta ayyukan gwamnati, musamman a ɓangaren shari’a.
Ya ce gwamnati na magance matsalolin da ta gada, ciki har da biyan fansho da biyan albashi a kan lokaci.
Ya kuma yi kira ga waɗanda aka bai wa motocin da su yi amfani da su wajen gudanar da ayyukansu.
A nasa jawabin, Kwamishinan Kuɗi, Muhammad Gambo Magaji, ya bayyana cewa an kashe sama da Naira biliyan biyu wajen sayen motocin.
Ya ce tsawon sama da shekaru 10 ɓangaren shari’a bai samu sabbin motocin aiki ba.
Kwamishinan Shari’a, Barista Zubair Muhammad Umar, ya ce rabon motocin wani ɓangare ne na cika alƙawarin gwamnati na inganta ɓangaren shari’a.
Ya tunatar da cewa aikin gina sabon ginin Babbar Kotu na kimanin Naira biliyan 16 na ci gaba da gudana.
A jawabinsa na godiya, Babban Magatakardar Babbar Kotu, Barista Bello Shariff, ya yaba wa gwamnatin jihar bisa goyon bayan da ta ke bai wa bangaren shari’a.
Ya bayyana cewa za su yi amfani da motocin ta hanya mai kyau domin inganta ayyukansu.
An sace jariri sabuwar haihuwa a asibitin Ekiti