Cin ganda na sa Najeriya tafka asarar $5bn — Gwamnatin Tarayya
Published: 14th, November 2025 GMT
Gwamnatin Tarayya ta yi gargaɗin cewa ci gaba da cin ganda da ake samu daga fatar shanu na barazana ga masana’antar fata ta Najeriya wadda darajarta ta kai kusan Dala biliyan biyar.
Yayin jawabi a taron ƙaddamar da yaƙi da cin ganda da aka gudanar a ranar Alhamis a Abuja, Darakta-Janar na Hukumar Bincike da Ci gaban Kayan Masana’antu, Farfesa Nnanyelugo Ikemounso, ya ce wannan dabi’a tana hana masana’antu na cikin gida samun muhimman kayayyakin da ake buƙata wajen samar da fata da kuma fitar da ita ƙasashen waje.
Ikemounso ya ce kasuwar kayan fata ta Najeriya ta kai darajar dala biliyan 2.79 a shekarar 2024, kuma ana hasashen za ta haura zuwa dala biliyan 4.96 nan da shekarar 2033.
Sai dai ya yi gargadin cewa ci gaba da karkatar da fata zuwa yin ganda na iya kawo cikas ga wannan ci gaban.
Ya ce, “Daga mahangar tattalin arziki da masana’antu, fatar shanu na ɗaya daga cikin muhimman kayan masarufi a Najeriya. Ƙasarmu na da masana’antar fata mai ƙarfi wadda ke da babbar damar samar da ayyukan yi, samun kuɗaɗen waje, da kuma ƙara gudummawa ga GDP.”
“A shekarar 2024, kasuwar kayan fata ta Najeriya ta kai darajar dala biliyan 2.79, tare da hasashen ta kai dala biliyan 4.96 nan da 2033.”
“Abin takaici, ci gaba da karkatar da fata zuwa cin ganda yana hana masana’antunmu samun ingantattun kayan masarufi, yana raunana sashen yin fata da sarrafa ta, kuma yana rage matsayin Najeriya a kasuwar fata ta duniya.”
A cewarsa, darajar sarkar fata ta duniya ana kiyasta ta tsakanin dala biliyan 420 zuwa dala tiriliyan 1, kuma idan aka yi kyakkyawan tsari sannan aka inganta kayan aiki, Najeriya na iya ƙara samun kaso mai yawa daga wannan kasuwa.
Shugaban ya ce amma wannan gangami ba ya nufin hana ’yan Najeriya cin ganda, sai dai don tabbatar da cewa fatar shanu da ta sauran dabbobi ana karkatar da su zuwa amfani na masana’antu domin amfanin ƙasa baki ɗaya.
Ana ɗaukar masana’antar fata ta Najeriya a matsayin ɗaya daga cikin manyan sassan tattalin arzikin da ba na man fetur ba, wadda ke da damar zama babbar hanyar samun kuɗaɗen fitar da kaya da kuma samar da ayyukan yi.
উৎস: Aminiya
কীওয়ার্ড: fata ta Najeriya dala biliyan
এছাড়াও পড়ুন:
Gwamnatin Tarayya ta dakatar da harajin kashi 15 na shigo da fetur da dizal
Gwamnatin Tarayya ta dakatar da aiwatar da harajin shigo da man fetur da dizal na kashi 15, wanda a baya aka amince da shi domin daidaita farashin shigo da kayayyaki da yanayin kasuwa.
Hukumar Kula da Harkokin Man Fetur (NMDPRA) ce, ta sanar da hakan a wata sanarwa da Daraktan Sashen Hulɗa da Jama’a, George Ene-Ita, ya sanya wa hannu.
Yadda na yi asarar N120m a gobarar Singa — Ɗan Kasuwar Kano MURIC ta buƙaci Tinubu ya sauke Amupitan daga shugabancin INECHarajin ya janyo cece-kuce, inda wasu ke ganin zai kare matatun gida, yayin da wasu ke cewa hakan zai ƙara tsadar kayayyaki sannan ya tsauwala wa talakawa.
“Hukumar na shawartar ’yan kasuwa da su guji ɓoyewa ko sayar da mai da tsada ba bisa ƙa’ida ba.
“Harajin kashi 15 na shigo da fetur da dizal ba zai ci gaba da aiki ba,” in ji sanarwar.
NMDPRA ta tabbatar da cewa akwai wadataccen mai da dizal a faɗin ƙasar nan, kuma babu ƙarancin mai da zai sanya dogayen layuka a gidajen mai.
INEC Ta Gudanar da Taron Masu Ruwa da Tsaki Kafin Zaɓen Cike Gurbi na Babura/Garki