Aminiya:

Bakatsine ya ƙera motar yaƙi

Published: 18th, October 2025 GMT

A yayin da Najeriya ke karkata zuwa amfani da kayan tsaro na zamani na cikin gida domin ƙarfafa gwiwar jami’an tsaronta a fagen fama, wani ɗan Jihar Katsina ya fara ƙera motar yaƙi nau’in Track Armored Personnel Carrier (TAPC).

Jihar Katsina na daga cikin jihohin Arewa da suka fi fama da hare-haren ’yan bindiga, inda suka kashe dubban mutane tare da raba wasu da muhallansu gami da rusa harkokin tattalin arziki da na zamantakewa.

Ana cikin haka ne wani ɗan asalin yankin Kaita a jihar mai suna Injiniya Ibrahim Lawal Ɗankaba, ya fara yunƙurin ƙera motar yaƙi, wadda ya sanya wa suna Beguwa, a ƙoƙarinsa na tallafa wa yunƙurin gwamnati na daƙile ayyukan ’yan ta’addanci da suka daɗe suna ci wa al’umma jihar da maƙwabtansu tuwo a ƙwarya.

Ɗankaba ya shaida wa wakilimu cewa ya fara wannan yunƙuri ne tun fa arkon watan Satumba da ya gabata, inda yake amfani da fallayen tama da aka ƙera a cikin gida wajen ƙera sassan kariyar sulke na motar tsaron.

Ma’aurata 136 sun kashe juna a shekara 4 Ta’addanci: An fi kashe Musulmi a kan Kiristoci a Najeriya — Jakadan Amurka

Ya ce, sassan na ƙarafa da aka ƙera a cikin gida, an tsara su da kyau ne, inda ake ta ɗora su a jikin motar sulken, wadda take da cikakkiyar sulke daga harsasai, kuma tana da na’urar sarrafa bindiga daga nesa da kuma lura da motsin abokan gaba.

Motar tana kluma ɗauke da kujeru domin ɗaukar mutane bakwai da a’urori na musamman kamar na’urar bindiga mai sarafa kanta da tsarin gano abubuwa (DPS) da kuma bel na ɗaukar kaya. Tana kuma ba wa jami’an tsaro kariya da kuma damar motsi cikin sauƙi a wurare masu haɗari.

Na’urar bindigarta an tsara ta ne domin bai wa jami’an cikin motar damar harbi ba tare da fuskantar barazanar abokan gaba ba. Haka kuma tana ba su damar tattara bayanan sirri da lura da motsin abokan gaba daga nesa, wanda ke taimakawa wajen yanke shawara ga manyan hafsoshi.

Ya ce, idan hukumomin da suka dace suka sahale amfani da Beguwa, za ta bawa wa jami’an tsaro kariya daga harbin bindiga da ababen fashewa ta yadda za a rage asarar rayuka da kuma ƙara ingancin aiki.

Motar tana amfani ne da taya irin na tankin yaƙi, wanda ke ba ta damar motsi cikin sauƙi a wurare masu wuyar sha’ani kamar dazuka, duwatsu da tabkuna. Haka kuma tana da tsarin da ke ba ta damar shiga kowane irin yanayi cikin sauƙi.

A yayin da injinta ke amfani da man fetur da gas (CNG) da dizel, wanda ke ba jami’an tsaro damar gudanar da aiki a ko’ina, tana da bisa da ya kai 600mm, wanda ke ba ta damar ƙetare yankunan da ke cike da ƙalubale.

Baya ga fagen yaƙi, motar na da matuƙar amfani wajen ɗaukar kaya saboda bel da ke jikinta. Tana iya ɗaukar kayan agaji, makamai da ma’aikatan lafiya zuwa wuraren da ake fama da rikici, wanda ke da matuƙar amfani wajen gudanar da aiki da kuma rage haɗarin kai kayan agaji.

Gwaji da kyakkyawan fata

Ko da yake wannan shi ne irinsa na farko a Jihar Katsina, Darakta kuma Shugaban Kamfanin Techno-Em Global Solutions Limited, Injiniya Ibrahim Lawal Dankaba, na fatan wannan fasaha ta cikin gida za ta yi abin da dakarun ƙasa suka daɗe suna ƙoƙarin cimmawa.

Dankaba ya ce suna gudanar da gwaje-gwaje a cikin gida domin tabbatar da cewa motar ta cika ƙa’idojin tsaro da na ƙera motoci. Ya ce motar na da ƙarfi da kariya daga harbi da abubuwan fashewa.

Yadda tunanin ya faro

Game da dalilinsa na ƙera motar, Dankaba ya ce: “Ra’ayin ya samo asali ne daga yadda muka ga yadda ake fama da ta’addanci da sauran laifuka, muka yanke shawarar taimaka wa kanmu, al’umma da gwamnati wajen kare rayuka.

“Sojoji da ’yan sanda da mazauna yankuna suna bakin ƙoƙarinsu, amma muka ga cewa mu ma za mu iya bayar da gudunmuwa wajen magance matsalar. Don haka muka yanke shawarar ƙera wannan motar. Wannan mota tana da sauƙin motsi, tana iya shiga kowane irin yanayi; mota ce da ba ta damu da ko ƙasa ko yashi ko laka ba.

“Mun ƙera ta ne domin ta iya shiga kowane irin yanayi da ke yankin Sahel domin taimakawa wajen kare jiharmu da ƙasa baki ɗaya. Tana ɗaukar jami’ai har guda bakwai. Tana da bel na ɗaukar kaya wanda zai iya kai kayan agaji ko tallafi zuwa yankunan da ke da wahalar isa.”

Ya ƙara da cewa duk da cewa kamfaninsu ya yi amfani da fallayen tama wajen ƙera wannan samfurin, “Amma idan gwamnati ta amince da ita, za mu fara amfani da kayan kariya na musamman wajen ƙera sassan kariya da tayoyin ƙarfe.

“Ina tabbatar muku cewa motar ta fi sauƙin kuɗi fiye a kan ta ƙasashen waje, kuma idan gwamnati ta tallafa mana wajen samar da wasu, za mu ƙara samar da ayyukan yi ga matasa da kuma bunƙasa fasahar injiniyanci a gida,” in ji shi.

Da aka tambaye shi ko hukumomi sun amince da motar, Shugaban Kamfanin Techno-Em Global Solutions Limited ya ce: “Muna tuntuɓar Ofishin Mai Bai wa Shugaban Ƙasa Shawara kan Tsaro domin samun izinin amfani da motar domin mu ci gaba da ƙerawa domin yaƙi da rashin tsaro a Katsina da ƙasa baki ɗaya.”

Ɗankaba ya ce kamfaninsu na da niyyar ci gaba da ƙera irin motocin domin shawo kan matsalolin da ke tattare da yanayin ƙasa, kuma a nan gaba “Muna fatan ƙera jiragen leƙen asiri da sauran na’urorin tsaro idan buƙatar hakan ta taso.”

Baya ga yadda aka ƙera jikin motar ta hanyar narka ƙarafa domin samun madaidaicin siffa, an ba da kulawa ta musamman ga sassan cikinta, ciki har da kariya ga injin, lagireto da sauran sassan da ke da alaƙa da lafiyar jami’an da ke cikin motar.

Ɗankaba ya ce sun sadaukar da wannan motar ga iyalan waɗanda suka rasa rayukansu a rikicin da ake fama da shi, yana mai cewa za ta taimaka wa gwamnati ta jiha da ta tarayya wajen kawo ƙarshen ta’addanci da dawo da zaman lafiya wanda shi ne ginshiƙin ci gaba mai ɗorewa.

Tallafa wa irin wannan fasaha na cikin gida zai tabbatar da ikon mallakar fasahar da ake amfani da ita wajen kare rayuka da dukiyoyi da muhimman ginegine da bayanan sirri da kuma hana yaɗuwar matsalolin da za su iya zuwa ɗaga kasashen waje.

Idan aka tallafa wa wannan ƙoƙari yadda ya kamata, zai iya haifar da al’adar ƙirƙire-ƙirƙire da samar da sabbin fasahohi da za su iya amfani a ɓangaren gwamnati da na kasuwanci, wanda hakan zai ƙara ƙarfin tsarin tsaro na jihar da kuma hana asarar kuɗaɗe.

 

 

উৎস: Aminiya

কীওয়ার্ড: jami an tsaro ƙera motar

এছাড়াও পড়ুন:

Kissoshin Rayuwa: Sirar Imam Al-Hassan (a) 165

165-Assalamu alaikum masu sauraro barkammu da warhaka, barkammu da sake saduwa a cikin shirimmu na kissoshin rayuwa, shiri wanda yake kawo maku, kissoshi wadanda suka zo cikin Alkur’ani mai girma ko cikin wasu littafan wadanda suka hada da littafin Dastane Rastan na Aya. Shahid Mrtada Muttahari, ko kuma cikin littafan Mathnawa na maulana Jalaluddeen Rumi. Ko kuma cikin wasu littafan da fatan masu sauraro zasu kasance tare da mu a cikin shirimmu na yau.

////… Ma dalla, masu sauraro idan kuna tare da mu a cikin shirimmu da ya gabata, a kuma cikin sirar Imam Al-Haddan dan Aliyu (a) dan Fatimah (s) diyar manzon Allah (s) da muke kawo maku, a cikin shirimmu da ya gabata, mun yi maganar cewa Imam Al-Hassan ya rasa samun amintattun sojojin da zasu goya masu baya don yakar Mu’awiya dan Abusufyan. Saboda yadda suka ga cewa Mu,awiya yaudari kwamandojin sojojinsa da cin hanci da rashawa.

Amma su Ahlulbaiti musamman Amirulmuminina shugabansu, ma’abuta addini ne wadanda basa sabawa Allah ko da na kebtawar ido ne. Amma mutanen Iraki sun rena abinda suke samu a karkashin ikonsu na kudade da dukiyoyi. Da sun yi hakuri suka bisu, da sunci ta sama da kasansu ba tare da ganimar yaki ba.

Saboda Allah yana arzuta muminai ta sama da kasa hanyoyi daban-daban, musamman ta hanyoyin raya kasa. Da sun yi hakuri suka yi biyayya a gareshi da sai sun isa wani lokacinda basa bukatar yaki don samun ganimar dukiya. Zaman lafiya da za’a samar zai bude masu hanyoyin samun kudade da dukiyoti masu yawa.

Amma sun ki biyayya a gareshi, a duk lokacinda ya kirasu zuwa jihadi don tabbatar da zaman lafiya a cikin al-ummar musulmi basa bada hadin kai.

Imam Ali (a) yana sifinta mutanen Kufa a cikin khudubobinsa, inda yake bayyana rashin bada hadin kansu a duk lolacinda ya kirasu zuwa ga jihadi da kuma yakar mutanen sham kamar inda yake cewa.

{Na kirasu a asirce da bayyana, na kirasu na sake kiransu, daga cikinsu akwai wadanda suke amsa kira amma ba da son ransu ba, daga cikinsu akwai wadanda suke kariyar rashin lafiya, daga cikinsi akwai wadanda suka zauna bas u fitoba ba tare da dalili ba. Ina rokon Allah mai girma da daukaka yayi mani mafita daga garesu da gaggawa. Na rantse da Allah, ba don ina kodayin samun shahada a lokacin haduwa da abokan gaba ba, da kuma tanajin kaina don mutuwa da na so ace ban hadu da wadan nan ba ko da na kwana guda, kuma b azan sake haduwa da su ba har abada}.

A wani wuri Imam Ali (a) yana fada dangane da mutanen Kufa yana cewa {Wallah, wanda aka yaudara, shi wanda ya rudu da ku, wanda ya sami nasara da ku, wallahi shi ne ya sami nasara da mafi tabewar rabo. Wanda ya yi jifa da ku kamar wanda yayi jifa da kibiyan da bai da wurin harbawa, Kuma na kasance bana gasgata zancenku, bana kodayin samun taimakonku, ba zan gargadi makiyi da ku ba, me ya sameku ne? menene maganinku ne? menen waraka a gareku ne?}.

Khudubobin Amirul muminina (a) dangane da sojojinsa suna da yawa a cikin littafin Nahjulbalagha. Inda yak e bayyana yadda suka tabar da shi, suka bakanta ransa, kuma sun ci gaba da hakan har zuwa shahadarsa.

A lokacinda al-amura suka koma hannun Imam Al-Hassan (a) sai al-amarinsu ya kara bayyana, da mafi muninsa. Saboda a lokacinda ya bayyana masu abinda Mu’awiya ya kirashi zuwa gareshi na sulhu, sai dukaninsi ko mafi yawansu sun daga murya suna cewa (muna sun rayuka muna son rayuwa). Wannan ya nuna yadda suke kin mutuwa, suke kuma tsoron jihadi. Basa son duk wani abu wanda zai kai ga yaki da Mu’awiya dan Abusufyan.

Sannan sojojin Imam Al-Hassan (a) sun rasa wadanda suka fahinci addinin musulunci kekyawar fahinta, wadanda suka san matsayin iyalan gidan manzon Allah (s) a cikin musulmi. Mafi yawansu daga baya ne suka musulunt suka shiga addinin musulunci.

Malaman tarihi sun bayyana cewa sahabban manzon Allah (S) wadanda suka musulunta tun farkon bayyanar addinin musulunci kuma suka halarci yakin badar basu fi 63 ne a cikin rundunar Imam Hassan Almujaba (a) ba.

Amma a lokacin yakin Jamal da siffin Imam Ali (a) yana tare ragowarsu daga cikin  da manya manyan sahabban manzon Allah (s) wadanda suka san matsayinsa suka san matsayin iyalan gidan manzon Allah (s) basa saba masa kan duk abinda ya umurcesu. Sahabbai kamar, Ammar dan Yasir, Hashimul Murkal,thabit dan qais, da zuzshahadataini, da makamantarsu, duk sun yi shahada a yake-yaken Jamal  da siffin kuma sune suke jagorantar rundunar Imam Ali (a), har zu lokacin shahadarsu.

Da a ce wadan nan sahbban da masu kama da su, suna cikin rundunar Imam Al-Haasan (a) da baya bukatar dogaro da wadanda basu san matsayinsa basu san matsayin iyalan gidan manzon Allah(s) a cikinsu ba.

Abu na gaba wanda ya jawo Rauni ciki  rundunar Imam Al-Hassan sun hada da kiraye-kirayen Mu\awiya dan Abu Sufyan da Sulhu da kuma zaman lafiya. Wannan bayan da kwamandoji da shuwagabanni kabilu da dama daga rundunar Imam Hassan (a) suka koma bangaren Mu’awiya saboda rashawa da ya basu ko kuma alkawulan da yayi masu.

Wadan nan kiraye-kiraye basu da bambanci da daga Mushafi da sojojin mu’awiya suka yi a siffin. Inda Imam Ali (a) ya bayyana masu cewa makirce kada su kula da su, amma suka saba masa suka ki biyayya a gareshi banda haka suka yi masa barazanan zasu kasheshi kamar yadda suka kashe Uthman.

Haka al-amarin yake a rundunar Imam Al-Hassan, sun amince da kiraye-kirayen da Mu’awiya yake yin a sulhuntawa, basu  fahinci sharrin da ke ciki ba, amma kamar yadda zamu gani, daga karshe da aka yi sulhun suka kuma dandani masifa daga sarakunan banu Umayya sai da suka gommace Khalifa Uthman a kansa. Saboda musibar da Mu’awiya dan abu sufyan ya shuka a cikin daular Musulunci, da kuma azbatar da su da yayi, da shi da danginsa na tsawon kimani shekaru 80, musibar ta kai ga ba wanda zai iya sauke su daga kan wuyoyin musulmi sai da musulmi ajamawa daga yankin Khurasan na kasar Iran karkashin jagorancin Abu Muslimul Khurasani ne ya sami nasarar kifar da daularsu a kan musulmi.

Don haka sojojin Imam Hassan (a) sun rasa mutanen kirki wadanda suka san matsayinsa, suka fahinci addinin kamar wadanda suka sansu cikin sahabban manzon Allah (s). Don haka jahilcinsu ne yasa suke maraba da neman sulhun Mu’awiya.

Don haka daga karshe rundunar Imam Al-Hassan (a) ta zami sulhu da Mu’awiya kuma Imam Al-Hassan (a) ba zai iya tursasu yaki da shi ba. Don haka bai da zabi in banda sulhu da Mu,awiya, da kuma kare wadanda suka rage daga cikin iyalan gidan manzon Allah da kuma mabiyansu da gaske da suka rage.

Kha’incin Ubaidullahi dan Abbas, yana daga cikin manya-manyan al-amura da suka jawo kashe guiwar sojojin Imam Al-Hassan (a), da raunanat, saboda ganin yadda ya kasance babban kwamandan sojojin gaba daya, ko kuma runduna mafi girma daga cikin rundunonin Imam Al-Hassan (a) banda haka yana daga cikin Imam Alhassan  wato Banu Hashim. Kowa na ganin idan da kowa zai bar Imam Al-Hassan (a) irinsa bai kamata su kha’inci Imam Al-Hassan ba saboda shi dan amminsa ne. Kuma a wayewarsa da saninsa matsayin iyalan gidan manzon Allah (s), ha rya taba zama gwamnan kasar Yemen a lokacin khalifancin Amirul muminina (a) . To bai kamata a ce ya guda zuwa wajen Banu Umayya makiya Banu Hashin a tarihi, kafin da kuma bayan bayyanar addinin musulunci. Wannan abinda ya aikata ya zama abin kunya kuma babban tabo ne ga yan gidan Abbas ammin manzon Allah (s).

Kamar yadda wani mawaki yake cewa.

Idan na kusa wanda kai dan kungiyarsa ne ya kubuce maka* To kada kayi mamaki idan wadanda suke nesa da kai su mika ga Makiya.

Abinda Ubaidullahi dan Abbas ya yi ya cusa bakin ciki a cikin zuciyar Imam Al-Hassan, bakin ciki mai yawa. Don bai mutunta duk abubuwan mutuntawa tsakaninsa da Imam Hassan, a ko wani bangare. Bai mutunta dankon addinin wanda ya fito daga gidansu Banu Hashim ba, bai mutunta dankon zumncin da ke tsakaninsa da Imam Al-Hassan na cewa shi dan ammin manzon Allah (s). banda haka shi ne babban kwamandan sojojin Imam Alhassan (a), kuma a matsayin wanda y afara kiran a yi masa bai’a sannan wanda ya fara yi masa bai’a ba. Kuma bai ji tsoron yanda wannan abinda yayi zai zama tabo ga zuriyyarsa har duniya ta nade ba.

Idan zaku tuna Kais dan Sa’adu dan Ubada, bayan da Ubaidullahi ya koma bangaren Mu’awiya shi ya bada sallar Asubaha, sannan yayi khuduba, yana cewa: Wannan da dan’uwansa da babansa basu taba aikin alkhairi ba. Yace Abbas ammin manzon Allah (s) ya yake shi a Abadar sai da aka kamashi a matsayin fursinan yaki. Ya kuma karbi kudi a wajensa don ya fanshi kansa.

Sannan Imam Ali ya nada dan’uwansa a matsayin wali a Basra, ya sace kudade ya sayi bayi, yana ganin sun halatta a gareshi. Sannan shi Ubaidullahi, a matsayinsa na gwamnan Imam Ali (a) a Yemen, a lokacinda Busru ya kai hare-hare kan kasar Yemen ya gudu ha ya bar yayansa a hannun makiya suka kashesu, maimakon ya nuna turjiya ko da kuwa zai mutune. Sannan gashi ya kara da abinda yayi na Kha’inci ga Imam Al-Hassan (a).

Abinda Ubaidullahi yayi ya shafi danginsa da suka yi Mulki bayan banu Umayya, har sai da ya kai suna boye abubuwan kunyan da ya faru a cikin danginsu a farko farkon Musulunci.

Share

0 0 votes Article Rating Subscribe Login Notify of new follow-up comments new replies to my comments Label {} [+] Name* Email* Website Label {} [+] Name* Email* Website 0 Comments Oldest Newest Most Voted Inline Feedbacks View all comments Masu Alaka Kissoshin Rayuwa: Sirar Imam Al-Hassan 164 December 1, 2025 Baqaei: Amurka Ce Babbar Barazana Ga Zaman Lafiya Da Tsaro A Duniya December 1, 2025 Paparoma Leo Na 14 Yana Ziyarar Aiki Na Kwanaki 3  A Kasar Lebanon December 1, 2025 Wani Dan Adawa Da Gwamnatin Paul Biya Ya Mutu A Gidan Yari A Kasar Kamaru December 1, 2025 Tawagar ECOWAS Ta Bar Guinea – Bissau bayan da shugaban kasar yayi barazanar korarsu Da Karfi December 1, 2025 Yawan Yahudawan Da Suke Ficewa Daga HKI Sun Nininka Har Sau 100% December 1, 2025 Gaza: Fiye da Falasdinawa 350 ne sukayi shahada a hare-haren Isra’ila tun bayan tsagaita wuta December 1, 2025 Hamas : Isra’ila na jinkirta aiwatar da mataki na biyu na yarjejeniyar tsagaita wuta December 1, 2025 Nijar : zamu sayar da uranium dinmu ga wanda muka ga dama_ Janar Tiani December 1, 2025 Tawagar ECOWAS za ta je Guinea-Bissau, bayan juyin mulkin soji December 1, 2025 Categories Afirka Dogayen fina-finai Duniya Gallery IRAN IRAN POLITICS IRAQ Mata MIDDLE EAST Musulunci About Ka’idojin Amfani Hakkin Mallaka Ku Tuntube Mu Jaridu Sitemap RSS Ka’idojin Amfani Hakkin Mallaka Ku Tuntube Mu Jaridu Sitemap RSS News Ka’idojin Amfani Hakkin Mallaka Ku Tuntube Mu Jaridu Sitemap RSS Ka’idojin Amfani Hakkin Mallaka Ku Tuntube Mu Jaridu Sitemap RSS Explore Ka’idojin Amfani Hakkin Mallaka Ku Tuntube Mu Jaridu Sitemap RSS Ka’idojin Amfani Hakkin Mallaka Ku Tuntube Mu Jaridu Sitemap RSS