DSS ta cafke tsoffin jami’anta 2 kan aikata zamba
Published: 16th, October 2025 GMT
Hukumar Tsaro ta Farin Kaya (DSS), ta kama wasu tsoffin jami’anta biyu da ta kora daga aiki bisa zargin yin amfani da sunan hukumar wajen aikata zamba.
A cikin wata sanarwa da hukumar ta fitar a ranar Laraba, ta bayyana sunayen mutanen da aka kama da Barry Donald da Victor Onyedikachi Godwin.
Ka da a ɗora wa Tinubu laifin rikicin da ke faruwa a PDP — Fayose Kotu ta daure kocin kwallon kafa a Kano shekara 8 saboda aikata luwadiDSS ta ce mutanen na amfani da sunanta suna yaudarar jama’a.
Sanarwar ta ƙara da cewa an kama su, kuma za a gurfanar da su a gaban kotu domin girbar abin da suka aikata.
A baya, DSS ta gargaɗi jama’a cewa waɗannan mutane ba su da alaƙa da hukumar, domin an kore su daga aiki, kuma duk wani abu da suke yi ba ya da nasaba da DSS.
উৎস: Aminiya
এছাড়াও পড়ুন:
Ya kamata ’yan majalisar Najeriya su koma zaman wucin gadi – Ndume
Sanatan Borno ta Kudu, Ali Ndume, ya ce Najeriya na iya ajiye biliyoyin naira a duk shekara idan aka rungumi tsarin majalisa ta wucin gadi.
Yayin da yake magana a gidan talabijin na Channels ranar Alhamis, Ndume ya ce kuɗin da ake kashewa wajen kula da Majalisar Dokoki a tsarin zama kodayaushe ba zai dore ba, musamman a wannan lokaci da ƙasar ke fama da matsalolin kuɗi da tsaro.
An janye ’yan sanda 11,566 daga yi wa manyan mutane rakiya – Egbetokun An gano gawawwakin mata uku ’yan Kamaru da aka sace a Anambra“Kudin gudanar da gwamnati ya yi yawa sosai. Idan ’yan majalisa suka zauna na wucin gadi, gwamnati za ta ajiye biliyoyi,” in ji shi.
Ya ce za a iya sauya akalar kuɗin zuwa bangaren tsaro da sauran muhimman abubuwan ƙasa.
Ndume ya danganta tsadar gudanar da gwamnati da manyan ƙalubale da ke hana ƙasar yin nasara wajen yaki da rashin tsaro.
Ya ce Najeriya ba za ta iya jure ɓarnar kashe kuɗi ba a yayin da ake fuskantar ta’addanci a Arewa maso Gabas, ’yan bindiga a Arewa maso Yamma da Arewa ta Tsakiya, garkuwa da mutane, da kuma ƙaruwar laifuka.
A wani bangare na fafutukar rage kashe kuɗi, sanatan ya soki ci gaba da kasancewar ’yan sanda da ke tare da sanataci da sauran manyan mutane duk da umarnin Shugaba Bola Ahmed Tinubu na janye jami’an tsaro daga irin wannan aiki.
Aminiya ta rawaito cewa Shugaban Ƙasa ya umarci Sufeto Janar na ’Yan Sanda, Kayode Egbetokun, da ya janye jami’an daga aikin kare manyan mutane ya kuma tura su zuwa fagen yaki da ta’addanci da samar da tsaro.
“Amma har yanzu, ’yan siyasa na tare da ’yan sanda,” in ji Ndume, yana kira ga Babban Sufeton da ya tabbatar da cikakken bin umarnin na shugaban ƙasa.
Ya bayyana cewa tura ’yan sanda daga aikin kare manyan mutane zuwa aikin al’umma da na fagen yaki zai ƙara inganta tsaron ƙasa fiye da ɗaure su ga mutum ɗaya.
Ndume ya ce tsarin tsaron ƙasa ya yi ƙunci kuma yana bukatar “haɗa hannaye wajen yin aiki,” yana mai jaddada cewa dubban jami’an suna makale wajen rakiyar ’yan siyasa da masu tasiri waɗanda za su iya rayuwa ba tare da irin wannan rakiyar ba.
’Yan Bindiga Sun Sace Fasinjoji 6 A Taraba