Majalisar Dattawa za ta tantance Amupitan a ranar Alhamis
Published: 15th, October 2025 GMT
Majalisar Dattawa za ta tantance Farfesa Joash Ojo Amupitan (SAN) a ranar Alhamis, a matsayin sabon shugaban Hukumar Zaɓe Mai Zaman Kanta ta Ƙasa (INEC).
Daraktan Yaɗa Labarai na Majalisar Tarayya, Bullah Audu Bi-Allah ne, ya tabbatar da hakan cikin wata sanarwa da ya fitar a ranar Laraba.
Ba za mu yi sulhu da ’yan bindiga ba sai sun yi tuba na gaskiya — Radda Gwamna Buni ya ware N5.8bn don biyan haƙƙin tsoffin ma’aikata a Yobe
A makon da ya gabata ne, Shugaba Tinubu, ya aike wa Majalisar Dattawa sunan Amupitam, domin ta tabbatar da naɗinsa.
An karanta wasiƙar Tinubu yayin zaman majalisar, ƙarƙashin jagorancin Shugaban Majalisar, Godswill Akpabio.
A cikin wasiƙar da ya aike, Tinubu, ya ce: “Dangane da sashe na 154 (1) na Kundin Tsarin Mulkin Najeriya na 1999 (da aka yi wa kwaskwarima), ina farin cikin gabatar da Farfesa Joash Amupitan (SAN), domin a tabbatar da shi a matsayin shugaban Hukumar Zaɓe Mai Zaman Kanta ta Ƙasa (INEC).
“Na haɗa da taƙaitaccen tarihin aikinsa, kuma ina fatan Majalisar Dattawa za ta duba kuma ta tabbatar da naɗinsa cikin gaggawa.”
Sanarwar da Ofishin Yaɗa Labarai na Majalisar, ya fitar ta kuma bayyana cewa za a tantance shi a a ranar Alhamis, 16 ga watan Oktoba, 2025.
উৎস: Aminiya
কীওয়ার্ড: Majalisar Dattawa Naɗi Tantancewa Majalisar Dattawa a tabbatar da
এছাড়াও পড়ুন:
Yadda mutane suka yi cikar ƙwari don halartar jana’izar Sheikh Dahiru Bauchi
Dubban mutane sun taru a Jihar Bauchi, don halartar jana’izar fitaccen malamin addinin Musulunci, Sheikh Dahiru Usman Bauchi, wanda ya rasu a ranar Alhamis a Asibitin Koyarwa na Jami’ar Abubakar Tafawa Balewa.
Gwamnatin Jihar Bauchi, ta ayyana ranar Juma’a a matsayin ranar hutu domin ba jama’a damar halartar jana’izar malamin.
Trump zai haramta wa ’yan Najeriya da wasu ƙasashe zuwa Amurka CAF Tayi Watsi Da Alƙalan Wasan Nijeriya a Kofin Afrika Na 2025Ɗalibansa da sauran Musulmi daga Bauchi da maƙwabtan jihohi sun isa da wuri domin halartar jana’izar.
Huumomi sun tsaurara matakai a jihar don tabbatar da tsaro da kwanciyar hankali.
Maulud Dahiru Bauchi, wanda ya yi magana a madadin iyalan marigayin, ya ce za a yi jana’izar malamin da misalin ƙarfe 3 na rana bisa wasiyyar malamin.
Ya ƙara da cewa Sheikh Sharif Saleh ne zai jagoranci jana’izar.
Jama’a da dama sun halarta, ciki har da Mataimakin Shugaban Ƙasa, Kashim Shettima, tsohon Mataimakin Shugaban Ƙasa Atiku Abubakar, gwamnoni, sarakuna, ’yan kasuwa, attajirai da sauransu.
Iyalan mamacin sun ce dandazon mutanen da suka halarci jana’izar, ya nuna tasirin da Sheikh Dahiru ya yi wajen yaɗa addini da tarbiyya tsawon rayuwarsa.
Sashen Masana’antun Kirar Motoci Na kasar Sin Ya Samu Gi Gaba A Watan Yuli