Kotu ta aike da mutumin da ake zargi da satar yaran Kano yana kaiwa Delta zuwa gidan gyaran hali
Published: 15th, October 2025 GMT
Babbar Kotun Jihar Kano a ranar Talata ta bayar da umarnin aikewa da Ogugua Christopher zuwa gidan gayarn hali bisa zarginsa da hannu a sata da kuma safarar yara daga jihar Kano zuwa kudancin Najeriya.
Ana dai zargin mutumin ne da mallakar wani gidan marayu a jihar Delta ba bisa ka’ida ba, sannan yana amfani da shi wajen ajiye yaran da ake zargin na sata ne a ciki.
Hukumar Hana Fatucin Mutane ta Kasa (NAPTIP) ce dai da gurfanar da Christopher tare da wasu abokar harkallarsa su biyu, Hauwa Abubakar da Nkechi Odlyne, wadanda su ba su je kotun ba a ranar.
Alkalin kotun, Mai Shari’a Amina Adamu ce ta bayar da umarnin kullewar yayin fara sauraron shari’ar, bayan sauraron bukatar lauyan masu kara, Salisu Muhammad Tahir da na wanda ake karar, Gideon Uzo.
Daga nan ne kuma kotun ta dage ci gaba da sauraron karar zuwa ranar 27 ga watan Oktoba inda ake sa ran za a gurfanar da Christpher tare da sauran wadanda ake zargin.
An dai kama Chrispoher ne bayan wani samame da jami’an hukumar ta NAPTIP suka kai gidan nasa da ke jihar Delta sannan suka ceto yara takwas da ake zargin ya sace su daga Kano sannan ya kai su gidan marayun nasa da ke Asaba, babban birnin jihar ta Delta.
উৎস: Aminiya
কীওয়ার্ড: satar yara
এছাড়াও পড়ুন:
An gano gawawwakin mata uku ’yan Kamaru da aka sace a Anambra
Rundunar ’yan sandan Jihar Anambra ta gano gawar wasu mata uku ’yan ƙasar Kamaru da ake zargin waɗanda suka yi garkuwa da su domin neman kuɗin fansa sun kashe su.
Haka kuma, rundunar ta ce ta kama wasu mutum biyu da ake zargi da hannu a lamarin, Nonso Augustine Akpeh da Kingsley Akpeh, waɗanda ake zargin suna cikin gungun masu garkuwar da suka sace matan.
Wata mata ta kashe ’yar shekara 7 a Ribas El-Rufai ya koma jami’yyar haɗaka ta ADCTun dai a ranar Litinin, 10 ga watan Nuwamban nan ne aka sace matan a garin Anam da ke Jihar Anambra, inda suka saba zuwa sayen kayayyakin kasuwanci.
Jami’an rundunar na sashen yaki da masu garkuwa da mutane da ke Awkuzu ne suka kai wani farmaki, inda aka yi musayar wuta tsakaninsu da masu garkuwar.
A yayin bincike, an gano makamai iri-iri, ciki har da bindiga mai sarrafa kanta da bindigogi ƙirar hannu da kuma harsasai.
Kakakin rundunar, SP Tochukwu Ikenga, ya shaida wa Aminiya cewa dangin matan ne suka kai rahoton bacewar su tun a ranar 13 ga Nuwamba, bayan sun gaza komawa gida daga kasuwar Anam, inda suka saba zuwa.
SP Ikenga ya ce masu garkuwa sun fara neman kuɗin fansa har Naira miliyan 50, amma bayan an yi ciniki suka amince a biya Naira miliyan 2.9.
Sai dai a cewar SP Ikenga, masu garkuwar sun kashe matan duk da ’yan uwan waɗanda abin ya shafa sun biya kuɗin fansar.
A cewar SP Ikenga, wani cikin waɗanda ake zargin ne ya jagoranci jami’an ’yan sanda zuwa dajin da ake ɓoye waɗanda aka sace, inda a can ne aka gano wurin da ake jefar da gawawwakin nasu.
A yayin binciken ne ɗaya daga cikin ababen zargin ya yi yunƙurin tserewa, amma jami’an suka sake cafke shi.
Mazauna yankin da ke kusa da dajin sun tabbatar wa ’yan sanda cewa wurin ya shahara wajen jefar da gawar mutanen da masu garkuwa da mutane ke kashewa.
Rundunar ’yan sandan ta ce bincike zai ci gaba da gudana, kuma za a gurfanar da waɗanda ake zargin a gaban kotu da zarar an kammala.
Ya ba wa alaramma kyautar motarsa saboda daɗin karatun Alkur’ani