Cirar kudin kwastoma: Majalisa ta gayyaci CBN da bankuna
Published: 14th, October 2025 GMT
Majalisar Wakilai ta gayyaci Babban Bankin Najeriya (CBN) da bankunan kasuwanci domin amsa tambayoyi kan yadda suke cirar cajin kudade barkatai daga asusun masu ajiya.
Majalisar ta gayyace su ne bayan kudurin da Honorabul Tolani Shagaya ya gabatar kan abin da ta kira ‘cirar cajin kudade barkatai babu bayani ba,’ da bankuna suke yi daga asusun masu ajiya, sabanin dokokin CBN.
Honorabul Shagaya ya ce kodayake bankuna da gudanar da hidima ne da ake biya, amma yawancin ’yan Najeriya suna kuka kan yadda suke yawan ciyar kudade — kamar na tura sakon tses, kula da katin ajiya, kula da asusun ajiya, tura kudi, hrajin kan sarki da wasu da ba su san da ake fiye da sau daya.
Ya ce bankuna na ci gaba da cirar irin wadannan kudade daga asusun jama’a duk kuwa da dokar CBN da ke kula da haraji, amma bankunan ba su bi.
Dan Majalisar ya ce, “Wannan mummunar dabi’a tana shafar kasuwanci da masu karamin karfi da dalibai da sauran masu rauni da suke cikin halin kakanika yi.
“Idan ba a gaggaunta yin bincike da kuma magance wannan matsalar za ta ci gaba da kawo rashin yardar jama’a da tsarin banki tare da tafiya ba tare da wasu rukuni na al’ummar kasa ba, gami da zagon kasa ga muradun bankin CBN,” a cawersa.
Bayan sauraron kudurin ne Majisar ta umarci CBN ya wallafa cikakken jerin cajin kudaden da ya amince da su cikin kalamai masu saukin ganewa, kuma ta hukunta bankuna masu kunnen kashi.
Daga nan Majalisar ta bukaci CBN ya samar da kafar tuntuba mai saukin samu domin gabatar da korafin kwastomomi kan irin wadannan caji.
Mambobin Majalisar sun kuma bukaci hukumar kare hakkin kwastomomi (FCCPC) da dangoginsa da wayar da kan al’umma kan hakkokin da suka danganci cajin da bankuna ke cira daga asusun masu ajiya.
Daga nan zauren Majalisar ya umarci Kwamitin Majalisar kan Harkokin Cibiyoyin Hadahadar Kudade su bayyana a gabansa domin amsa tambayoyi kan wadannan korafe-korafe sannan ya mika rahotonsa cikin makonni hudu domin daukar matakin da ya dace.
উৎস: Aminiya
এছাড়াও পড়ুন:
Karamar Hukumar Birnin Kudu Ta Kashe Sama da Naira Miliyan 5 Don Tallafawa Shirin AGILE
Daga Usman Muhammad Zaria
Shugaban ƙaramar hukumar Birnin Kudu a Jihar Jigawa, Dr. Builder Muhammad Uba, ya aiwatar da wani aiki na da naira miliyan biyar domin tallafa wa aiwatar da Shirin Tallafawa Yara Mata (AGILE) a yankin.
Aikin ya hada da gyaran ajujuwa biyu da samar da muhimman kayan aiki, ciki har da injunan dinki, injin yin surfani wato (monogram) da shirin AGILE ya bayar kyauta wanda Dr. Uba ya shirya, ya taimaka wajen ganin an fara amfani da shi, tare da samar da janareta da tabarmi domin inganta koyarwa da horo.
Wannan ci gaban ya biyo bayan wani bincike da tawagar AGILE ta jihar Jigawa ta gudanar a baya, inda ta bayyana cewa wuraren koyon sana’o’in na bukatar gyara.
Shirin AGILE, wani shiri ne na Gwamnatin Tarayya tare da hadin gwiwar Gwamnatin Jihar Jigawa, wanda aka ƙirƙira domin bai wa matasa mata ƙwarewar da za su dogara da kansu, inda ake sa ran mutum 50 za su amfana a horon da ke tafe.
A lokacin ƙaddamar da aikin, Mai kula da shirin AGILE a Birnin Kudu, Hajiya Maryam Hassan Jibrin, ta yaba da jajircewar Dr. Builder Uba ga ci gaban al’umma, tana jinjinawa kokarinsa tare da yi masa addu’ar ci gaba da jagoranci mai tasiri.
Da yake tabbatar da jajircewar gwamnatinsa wajen ci gaban matasa, Muhammad Uba ya yi alƙawarin bayar da gagarumin tallafi ga mahalarta bayan kammala shirin cikin nasara.
Inganta Harkokin Gwamnati: Oyebanji Ya Sauke Kwamishinoni 19