Jigawa Za Ta Kashe Sama Da Naira Biliyan 6 Don Bunkasa Noma, Ilimi Da Kasuwanci
Published: 17th, October 2025 GMT
Majalisar Zartarwar Jihar Jigawa ta amince da wasu manyan kwangiloli da kudinsu ya haura Naira Biliyan 6, domin karfafa bangarorin noma, ilimi da ci gaban tattalin arziki a fadin jihar.
A cikin wata sanarwa da aka rabawa manema labarai bayan zaman majalisar da aka gudanar a fadar gwamnatin Dutse, kwamishinan yada labarai, matasa, wasanni da al’adu na jihar, Alhaji Sagir Musa Ahmed, ya bayyana cewa wannan mataki na nuna kudirin gwamnatin jihar wajen inganta muhimman bangarori da ke da tasiri kai tsaye ga rayuwar al’umma.
A cewarsa, majalisar ta amince da kashe sama da Naira biliyan 2 domin sayen babura nau’in Hunter guda 1,180 ga malaman gona a fadin jihar.
Ya ce wannan mataki ya yi daidai da kokarin Gwamna Umar Namadi na bunkasa harkar noma da raya karkara. Baburan za su taimaka wajen saukaka zirga-zirgar malaman gonan domin su rika koyar da manoma sabbin hanyoyin noma da za su taimaka wajen samun karin amfanin gona.
Haka kuma, majalisar ta amince da kashe sama da Naira biliyan 2 da miliyan 300 domin gina sabbin kasuwanni na zamani a Maigatari, Shuwarin da Hadejia.
Kwamishinan ya bayyana cewa, wannan shiri na da nufin karfafa hanyoyin samun kudaden shiga na cikin gida da samar da yanayi mai kyau don kasuwanci da ciniki.
Alhaji Sagir ya kara da cewa, majalisar ta kuma amince da fitar da sama da Naira Biliyan 1 domin gina katanga a makarantun gwamnati 15 a fadin jihar, domin kare rayuka da dukiyoyin dalibai da malamai tare da inganta yanayin karatu.
Bugu da kari, majalisar ta amince da kwangilar sama da Naira Biliyan 1 da miliyan 300 domin sayen injinan nika shinkafa na zamani guda 200, da kayan aikin walda, da na kera kayayyaki da kayan yin fenti, don cibiyar koyon sana’o’i ta zamani da aka kammala ginawa a Limawa, karamar hukumar Dutse.
Ya ce wannan mataki zai taimaka wajen hanzarta kokarin gwamnatin jihar na samar da ayyukan yi ga matasa marasa aikin yi da kuma karfafa sana’o’in dogaro da kai.
Usman Muhammad Zaria
উৎস: Radio Nigeria Kaduna Hausa
কীওয়ার্ড: Jigawa KASUWANCI sama da Naira Biliyan majalisar ta
এছাড়াও পড়ুন:
An Kashe Mutum 13 A Wasu Sabbin Hare-Hare A Ƙauyukan Filato
Mai bai wa Gwamnan Filato shawara kan harkar tsaro, Janar Shippi Goshwe (mai ritaya), ya tabbatar da cewa gwamnati tana ɗaukar sabbin ma’aikata ƙarƙashin Operation Rainbow domin inganta tsaron al’umma.
Shugaban Ƙungiyar Matasan Berom (BYM), Barista Solomon Nwantiri, ya yi Allah-wadai da kisan tare da tambayar dalilin da ya sa ake amfani da zargin satar shanu a matsayin hujjar kashe mutanen da ba su ji ba su gani ba.
Waɗannan hare-haren sun ƙara jaddada buƙatar ɗaukar matakin gaggawa da adalci domin kawo ƙarshen kashe-kashe a ƙauyukan Jihar Filato.
ShareTweetSendShare MASU ALAKA
Gwamnatin Zamfara Ta Ƙaryata Rahoton Karɓo Lamuni Da Wata Jarida Ta Yaɗa