Ni na nema wa Maryam Sanda yafiya —Mahaifin mijinta
Published: 14th, October 2025 GMT
Mahaifin margayi Bilyaminu wanda matarsa Maryam Sanda ta kashe, ya ce shi ne ya roki Shugaba Tinubu ya yafe mata duk da hukuncin kisa da kotu ta yanke mata kan laifin.
Malam Ahmed Bello Isa ya bayyana haka ne yayin ganawa da ’yan jarida, tare da mahaifin Maryam, Alhaji Garba Sanda.
Sun gudanar da taron ’yan jaridar ne bayan ce-ce-ku-cen da ya biyo bayan yafiyar da Shugaban Kasa ya yi mata tare da wasu mutane 174 da ke tsare a gidajen yari bayan an yanke musu hukunci kan manyan laifuka daban-daban.
Aminiya ta ruwaito dangin Bilyaminu ta hannun Dakta Halliru Bello Muhammad, wanda kawu marigayin ne kuma a hannunsa ya taso yana bayyana yafiyar da aka yi wa Maryam Sanda a matsayin kololuwar rashin adalaci da za a yi wa iyalan.
Amma a taron manema labaran, mahaifin na Bilyaminu ya ce dalilin da ya sanya shi roka wa Maryam Afuwa, shi ne don ta rungumi ’ya’yansu biyu da margayin ya bari.
Ya ce a ganinsa, hukuncin kisan da aka yanke mata ba zai dawo masa da dansa ba.
Ya kuma gabatar wa kwafin wata takarda da ke nuna cewa an rubuta ta tun lokacin da ake binciken shari’ar a 2019, yana sanar da Kwamishinan ’Yan Sanda na Babban Birnin Tarayya cewa a janye batun, saboda ya yafe a matsayinsa na mahaifin mamacin.
Sai dai kuma laifin kisa abu ne da ya shafi hakkin hukuma, don haka hukuma ke da hakkin gurfanarwa.
A shekarar 2023 Kotun Koli ta Tabbatar da hukuncin kisa kan Maryam Sanda kamar yadda Kotun Daukaka Kara ta Abuja da Babbar Kotun Daukaka Kara suka yanke mata da farko.
Tun lokacin aka tura ta zuwa Gidan Yarin da ke Suleja tana zaman jiran a yanke mata hukunci.
উৎস: Aminiya
কীওয়ার্ড: Bilyaminu Maryam Sanda Yafiya Maryam Sanda a yanke mata
এছাড়াও পড়ুন:
An janye ’yan sanda 11,566 daga gadin manyan mutane a faɗin Nijeriya
Sufeto Janar na ’Yan sandan Nijeriya, Olukayode Egbetokun, ya sanar da cewa sun aiwatar da umarnin Shugaban Ƙasa Bola Tinubu na janye dakarunsu daga gadin ɗaiɗaikun mutane da ake kira VIP.
IG Egbetokun ya bayyana hakan ne yayin wani taron manema labarai a yau Alhamis, yana mai cewa zuwa yanzu sun janye dakaru 11,566 daga gadin manyan mutane a faɗin Nijeriya.
Mbappe ya ci ƙwallaye 4 rigis a wasan Madrid da Olympiacos An rantsar da sabon shugaban kasa a Guinea-Bissau bayan juyin mulkin sojoji“Wannan karon za mu aiwatar da umarnin da kyau saboda umarnin shugaban ƙasa ne,” in ji shi.
“Babu wani gwamna, ko minista, ko abokaina da za su kira su takura min saboda sun san cewa umarnin shugaban ƙasa ne. Ina kuma da tabbacin cewa ba za su uzzura wa kwamashinonin ’yan sanda ba ma.”
Ya ƙara da cewa za su tura jami’an da aka janye zuwa “wuraren da aka fi buƙatarsu, musamman a wannan lokaci mai muhimmanci.”
Aminiya ta ruwaito cewa, a bayan nan ne Shugaba Bola Tinubu ya dakatar da aika ’yan sanda ga manyan mutane domin ba su tsaro na musamman, yana mai mayar da su zuwa aikin tsaro da ya shafi al’umma baki ɗaya.
Kazalila, a ranar Laraba, 26 ga watan Nuwamba ne Tinubun ya ayyana dokar ta-ɓaci kan matsalar tsaro a faɗin ƙasar, inda ya bayar da umarnin a ɗauki matakan gaggawa domin magance matsalolin tsaro da ƙasar ke fuskanta.
Shugaban ya ce a ɗauki sababbin ’yan sanda 20,000, ƙari a kan guda 30,000 da ya fara amincewa a ɗauk, wanda za a yi amfani da sansanonin horar da masu yi wa ƙasa hidima wajen horar da sababbin ’yan sandan da za a ɗauka.
Inganta Harkokin Gwamnati: Oyebanji Ya Sauke Kwamishinoni 19