Za Ayi Aiki Hadin Gwiwar Tsakanin Efcc Nuj Domin Yaki Da Hako Ma’adanai A Neja
Published: 10th, April 2025 GMT
Hukumar Yaki da yi wa Tattalin Arzikin Kasa Ta’annati (EFCC) za ta hada gwiwa da kungiyar ‘yan jarida ta Najeriya (NUJ) a yaki da hako ma’adinai da kuma ayyukan ta’addanci a kasar nan.
Mukaddashin Daraktan shiyyar Kaduna mai kula da shiyyar Kaduna, Mista Bawa Usman Kaltungo ne ya bayyana hakan a lokacin da ya jagoranci tawagar ofishin shiyya ta Kaduna na EFCC zuwa NUJ a jihar Neja a Minna.
Mista Bawa Usman wanda ya shaida wa manema labarai cewa an kama masu hakar ma’adanai ba bisa ka’ida ba amma ya ci gaba da cewa “yaki da wadannan laifuffuka ba na EFCC kadai ba ne domin yana da girma da yawa a gare mu don haka yana bukatar hadin kan kowa da kowa.
Ya yabawa ’yan jarida kan kasancewarsu abokan huldar dabarun yaki da cin hanci da rashawa, inda ya jaddada cewa, ayyukan da ake yi a baya-bayan nan kan ayyukan ta’addanci a jihar, shi ne na dakile ayyukan ta’addanci, kuma suna fuskantar shi sosai kuma za mu yi nasara a kan aikin da ke gabanmu.
Mista Musa Bawa Kaltingo ya ce “su (masu aikata laifuka) a yanzu suna kallon jihar Neja a matsayin mafaka kuma suna garzayawa nan don gudanar da ayyukansu.
Da yake mayar da jawabi shugaban majalisar NUJ na jihar Neja, Kwamared Abu Nmodu ya bayyana damuwarsa kan karuwar aikata laifuka ta yanar gizo a jihar Neja, yana mai cewa “abin damuwa ne kuma dole ne mu kawar da duk wani abu mara kyau da ake gani barazana”.
Yayin da yake tabbatar wa EFCC goyon bayan kungiyar, Kwamared Abu Nmodu ya jaddada bukatar hadin gwiwa don tabbatar da cewa an horar da ‘yan jarida kan mafi kyawu a cikin rahoton ayyukan EFCC don samun sakamako mafi kyau.
COV ALIYU LAWAL.
উৎস: Radio Nigeria Kaduna Hausa
এছাড়াও পড়ুন:
An Gudanar Da Taron Tattaunawa Na Duniya Kan Kirkire-Kirkire Da Bude Kofa Da Ci Gaba Na Bai Daya A Nijeriya
An gudanar da taron tattaunawa na duniya kan kirkire-kirkire da bude kofa da ci gaba na bai daya, jiya Juma’a a birnin Lagos na Nijeriya. Yayin taron wanda babban rukunin gidajen rediyo da talabijin na Sin CMG da karamin ofishin jakadancin Sin dake Lagos suka shirya, ministan kula da harkokin matasa na Nijeriya Ayodele Olawande da shugaban CMG Shen Haixiong, sun gabatar da jawabai ta kafar bidiyo.
A cewar ministan na Nijeriya, cikin shekaru 5 da suka gabata, dubban matasan kasar sun ci gajiyar tallafin karatu da shirye-shiryen horo da na musaya da Sin ta samar, kuma wannan hadin gwiwa da ake yi a aikace ya kara fahimta da aminci tsakanin kasashen biyu. Ya kara da cewa, a shirye ma’aikatarsa take ta karfafa hadin gwiwa da sassa masu ruwa da tsaki na kasar Sin wajen ci gaba da fadada shirye-shiryen musaya da na hadin gwiwa da suka shafi matasa.
A nasa bangare, Shen Haixiong ya ce a matsayinta na babbar kafar yada labarai dake watsa shirye shiryenta ga sassa daban daban na duniya, tashar talabijin ta CCTV dake karkashin CMG da abokan huldarta, za su yayata shawarar Sin ta jagorantar harkokin duniya da gabatar da tafarkin Sin na zamanantar da kanta da karfinta na kirkire kirkire a sabon zamani ga al’ummar duniya. (Mai fassara: FMM)
ShareTweetSendShare MASU ALAKA
HKI Ta Roki Amurka Ta Taimake Ta A Fada Da Kasar Yemen