Gwamnatin Zamfara Ta Bukaci A Kiyaye Makarantun Da Aka Gyara.
Published: 15th, May 2025 GMT
Gwamnatin jihar Zamfara ta yi kira ga hukumomin gwamnati da shugabannin makarantu da su ba da fifiko wajen kula da duk wasu gine-ginen makarantu da aka gyara domin kiyaye abubuwan da kuma tabbatar da ci gaban fannin ilimi.
Gwamna Dauda Lawal ya yi wannan kiran ne a lokacin da yake kaddamar da sabuwar makarantar sakandaren Larabci ta mata ta gwamnati da aka gyara tare da inganta ta a garin Gusau.
Ya bayyana cewa, aikin sauran makarantun da ake gudanarwa a fadin jihar, wani bangare ne na kokarin gwamnatinsa na farfado da tsarin makarantun kwana, tare da karfafa tsaro domin kare makarantu da kewayen su.
A cewar Gwamna Lawal, inganta kayan aikin makarantu na da matukar muhimmanci wajen samun cikakken tsarin ilimi wanda zai dauki dalibai daga bangarori daban-daban na ilimi da kuma taimaka musu wajen fahimtar iyawarsu.
Ya kuma jaddada cewa, wannan gyare-gyaren wata shaida ce ta ci gaban da aka samu a karkashin dokar ta baci da aka ayyana a fannin ilimi.
“Wannan makaranta na daya daga cikin tsofaffin cibiyoyi a wannan yanki, wanda aka sani da horar da malamai masu zuwa,” in ji gwamnan. “Yanzu mun sake gyara ta zuwa babbar makarantar sakandare da ke ba da kimiyya, fasaha, ICT, da darussan kasuwanci.”
Gwamna Lawal ya bayyana cewa manufar kafa makarantar ta samu cikas saboda tabarbarewar muhalli da kuma gobarar da ta faru a baya da ta shafi gidajen kwanan dalibai.
Ya ce hakan ya samar da matakin da gwamnati ta dauka na gyara makarantar gaba daya tare da sauya fasalin makarantar domin cika aikinta.
Ya kara da cewa “Bayan sake gina dakunan kwanan dalibai da suka kone, mun yanke shawarar tsawaita kwantiragin don hada da cikakken gyaran dukkan gine-ginen makarantu.”
Gwamnan ya bayyana cewa an kammala aikin gyaran ne a cikin watanni 13 na kwantiragin kuma ya hada da ayyukan injiniyoyi da na lantarki a fadin makarantar.
Abubuwan da aka gyara sun haɗa da: Bangaren Gudanarwa, Zauren jarrabawa, azuzuwa, kicin na ɗalibi, wurin cin abinci, Cibiyar ICT na Laboratories da sauransu.
Gwamna Lawal ya bukaci dukkan masu ruwa da tsaki da su kiyaye kayayyakin da kuma tabbatar da an kula da su yadda ya kamata domin tallafa wa kudirin gwamnati na samar da ingantaccen ilimi a Zamfara.
Tun da farko, jihar Zamfara mai kula da ilimi, kimiya da fasaha, Malam Wadato Madawaki ya jaddada kudirin gwamnati na karfafa mata ta hanyar ilimi.
Ya kara da cewa ” tarbiyyar yaro namiji ilimi ne na mutum, amma tarbiyyar ‘ya mace ita ce tarbiyyar al’umma.”
Madawaki ya bayyana cewa, gwamnatin jihar ba kawai ta dawo ba amma ta mayar da cibiyar mata zuwa abin koyi na ƙwararrun ilimi da ingantaccen yanayin koyo.
Ya kara da cewa, an samar da wutar lantarki mai amfani da hasken rana a duk fadin makarantar, tare da samar da wutar lantarki na tsawon sa’o’i 24 da kuma samar da yanayi mai inganci da dalibai za su iya yin karatu da zagawa cikin walwala, dare ko rana.
Wannan kokari mai cike da tarihi ya zama sabon zamani ga Makarantar Sakandaren Larabci ta mata ta Gwamnati, kuma yana wakiltar babban yunƙurin da gwamnatin Jihar Zamfara ke yi na saka hannun jari a makomar ‘ya’yanta mata, sanin cewa iliminsu shi ne ginshiƙin ci gaban al’umma.
COV/AMINU DALHATU.
উৎস: Radio Nigeria Kaduna Hausa
কীওয়ার্ড: ya bayyana cewa Ya bayyana cewa da aka gyara
এছাড়াও পড়ুন:
An gano gawawwakin mata uku ’yan Kamaru da aka sace a Anambra
Rundunar ’yan sandan Jihar Anambra ta gano gawar wasu mata uku ’yan ƙasar Kamaru da ake zargin waɗanda suka yi garkuwa da su domin neman kuɗin fansa sun kashe su.
Haka kuma, rundunar ta ce ta kama wasu mutum biyu da ake zargi da hannu a lamarin, Nonso Augustine Akpeh da Kingsley Akpeh, waɗanda ake zargin suna cikin gungun masu garkuwar da suka sace matan.
Wata mata ta kashe ’yar shekara 7 a Ribas El-Rufai ya koma jami’yyar haɗaka ta ADCTun dai a ranar Litinin, 10 ga watan Nuwamban nan ne aka sace matan a garin Anam da ke Jihar Anambra, inda suka saba zuwa sayen kayayyakin kasuwanci.
Jami’an rundunar na sashen yaki da masu garkuwa da mutane da ke Awkuzu ne suka kai wani farmaki, inda aka yi musayar wuta tsakaninsu da masu garkuwar.
A yayin bincike, an gano makamai iri-iri, ciki har da bindiga mai sarrafa kanta da bindigogi ƙirar hannu da kuma harsasai.
Kakakin rundunar, SP Tochukwu Ikenga, ya shaida wa Aminiya cewa dangin matan ne suka kai rahoton bacewar su tun a ranar 13 ga Nuwamba, bayan sun gaza komawa gida daga kasuwar Anam, inda suka saba zuwa.
SP Ikenga ya ce masu garkuwa sun fara neman kuɗin fansa har Naira miliyan 50, amma bayan an yi ciniki suka amince a biya Naira miliyan 2.9.
Sai dai a cewar SP Ikenga, masu garkuwar sun kashe matan duk da ’yan uwan waɗanda abin ya shafa sun biya kuɗin fansar.
A cewar SP Ikenga, wani cikin waɗanda ake zargin ne ya jagoranci jami’an ’yan sanda zuwa dajin da ake ɓoye waɗanda aka sace, inda a can ne aka gano wurin da ake jefar da gawawwakin nasu.
A yayin binciken ne ɗaya daga cikin ababen zargin ya yi yunƙurin tserewa, amma jami’an suka sake cafke shi.
Mazauna yankin da ke kusa da dajin sun tabbatar wa ’yan sanda cewa wurin ya shahara wajen jefar da gawar mutanen da masu garkuwa da mutane ke kashewa.
Rundunar ’yan sandan ta ce bincike zai ci gaba da gudana, kuma za a gurfanar da waɗanda ake zargin a gaban kotu da zarar an kammala.
Harin Ƴan Bindiga Ya Yi Sanadin Kashe Ɗansanda Da Wasu Mutane 4 A Kwara