Za a aurar da marayu 200 a Zamfara
Published: 20th, November 2025 GMT
Hukumar Zakka ta Jihar Zamfara ta sanar da shirye-shiryen aurar da marayu 200 ’yan asalin jihar a wani yunƙuri na tallafa wa marasa galihu.
Sakataren hukumar, Malam Habibu Balarabe ne ya bayyana hakan, inda ya ce an kammala dukkan shirye-shirye domin gudanar da bikin auren a ranar Litinin, 23 ga Nuwamba, 2025, a harabar hukumar da ke Gusau.
Ya ce an gudanar da cikakken bincike da tantancewa kafin zaɓar waɗanda za su ci gajiyar shirin, domin tabbatar da cewa auren ya kai ga mutanen da suka fi buƙatar taimako na haƙiƙa.
Sakataren ya ƙara da cewa, hukumar za ta ba wa amaren kayayyakin tallafi da kayan amfani na gida domin taimaka musu su fara sabuwar rayuwarsu cikin sauƙi da kwanciyar hankali.
উৎস: Aminiya
কীওয়ার্ড: Hukumar Zakkah Jihar Zamfara Marayu
এছাড়াও পড়ুন:
Ribadu ya jagoranci tawaga zuwa Amurka don ƙaryata zargin yi wa Kiristoci kisan ƙare dangi
Mai Bai Wa Shugaban Ƙasa Shawara kan Harkokin Tsaro, Nuhu Ribadu, ya jagoranci wata tawagar gwamnati zuwa Amurka domin mayar da martani kan zargin yi wa Kiristoci kisan ƙare dangi a Najeriya.
Wannan zargi ya samo asali ne bayan mataimakin shugaban ƙasa Kashim Shettima, ya nuna goyon bayansa wajen kafa ƙasashe biyu tsakanin Isra’ila da Gaza.
Wardley ya zama zakaran damben boksin na duniya Hakimi ya lashe kyautar gwarzon ɗan ƙwallon Afirka na banaA farkon wannan watan ne Shugaban Amurka, Donald Trump, ya ayyana Najeriya cikin jerin ƙasashen matsala ta musamman.
Sannan Trump ya umarci wasu ’yan majalisar Amurka, ciki har da Ɗan Majalisa Riley Moore da su binciki lamarin.
Duk da ƙoƙarin da Najeriya ta yi na bayyana haƙiƙanin abin da ke faruwa bai sa wasu jami’an Amurka sun sauya ra’ayi ba.
Daga cikin tawagar akwai: Bianca Ojukwu, Ƙaramar Ministar Harkokin Waje; Kayode Egbetokun, Sufeto Janar na ’Yan Sanda; Lateef Olasunkami Fagbemi, Antoni-Janar na Ƙasa; Janar Olufemi Olatunbosun Oluyede, Shugaban Ma’aikatan Tsaro; da Laftanar Janar E.A.P. Undiendeye, Shugaban Leƙen Asirin Tsaro na Ƙasa.
Sauran sun haɗa da Idayat Hassan, Jakada Ibrahim Babani, Daraktan Hulɗar Ƙasashen Waje a ONSA; Jakada Nuru Biu, Mai Riƙe da Muƙamin CDA na Ƙasashen Waje a Ma’aikatun Jakadancin Najeriya; da Paul Alabi, daga Sashen Siyasa da Tattalin Arziƙi a Ofishin Jakadancin Najeriya.
A ranar Talata, an gayyaci fitacciyar mawakiyar Amurka, Nicki Minaj zuwa zauren Majalisar Ɗinkin Duniya domin gabatatar da jawabi, inda ita ma ta nemi a kai wa Kiristocin Najeriya ɗauki.
Sai dai ba a bai wa Najeriya damar halartar taron ba wanda ya gudana a Birnin New York, lamarin da ya ƙara tayar da ƙura.
Wakilin Najeriya a Majalisar Ɗinkin Duniya, Syndoph Endoni, ya ce hakan tamkar “aske mana kai ba tare da mu ba.”
A ranar Laraba, tawagar Najeriya ta gana da Ɗan Majalisar Amurka Moore domin tattaunawa kan matsalolin tsaro a ƙasar da ƙoƙarin gwamnati ke yi na shawo kan tashe-tashen hankula.
Bayan ganawa da wakilan gwamnatin Najeriya, Moore ya ce ya fahimci yadda abubuwan suke.
Moore ya ce: “Yau na yi magana ta gaskiya, a buɗe kuma mai amfani da manyan jami’an gwamnatin Najeriya game da mummunan tashin hankali da bazaranar da Kiristoci ke fuskanta a faɗin Najeriya.
“Na bayyana a fili cewa dole Amurka ta ga an ɗauki ƙwararan matakai da za su tabbatar da cewa Kiristoci ba su fuskanci tashin hankali, zalunci, ko kisa saboda ba saboda sun gaskata Yesu Almasihu.”
Ya kara da cewa: “Mun shirya mu yi aiki tare da ’yan Najeriya domin taimaka musu su yaƙi ta’addancin da Boko Haram, ISWAP, da makiyaya Fulani ke aikatawa musamman a kan Kiristoci a yankin Arewa maso Gabas da Kudancin Kaduna da sauran yankunan Najeriya.”
Haka kuma Moore ya ce: “Gwamnatin Najeriya na da damar ƙarfafa dangantakarta da Amurka.
“Shugaba Trump da Majalisa sun haɗa kai kuma suna da niyyar kawo ƙarshen tashin hankalin da Kiristoci ke fuskanta da kuma karya ƙungiyoyin ta’addanci a Najeriya.
“Ina kira ga ’yan Najeriya su yi aiki tare da mu cikin haɗin kai domin magance wannan babban lamari.”
Har zuwa lokacin haɗa wannan rahoto, tawagar Najeriya ba ta fitar da sanarwarta kan wannan ziyara ba.
Kwamitin Sulhu na MDD ya yi zaman gaggawa kan batun Gaza