Gaza: Falasdinawa 150 Ne Su Ka Yi Shahada A Yau Lahadi
Published: 18th, May 2025 GMT
Mai Magana da yawun masu ayyukan ceto a yankin Gaza, ya sanar da cewa; Daga safiyar yau Lahadi zuwa marece adadin Falasdinawan da su ka yi shahada sun kai 150.
Mahmud al-Basal ya fadawa tashar talabijin din ‘almayadin’ cewa; hare-haren na HKI sun fi tsanani ne a arewacin zirin Gaza, kuma kai tsaye suke kai wa sansanonin ‘yan hijira hari.
Da yake Magana akan kayan aikin da suke amfani da su domin ceto, al-Basal ya ce, kaso 75% na kayan aikinsu sun lalace, musamman motoci, kuma rashin makamashi ya sa ba za su iya amfani da su ne.
Haka nan kuma ya yi ishara da amfani da yunwa da HKI take yi akan falasdinawa,sannan ya kara da cewa; Da akwai dubban Falasdinawa da suke yi bacci ba tare sun sami burodin da za su ci ba.
A wurare uku da sojojin mamayar su ka yi wa mutane kisan kiyashi, adadin shahidai ya kai 150,kamar yadda jami’in aikin ceton ya shaidawa tashar almayadin. Daga cikin yankunan da akwai Beit-Lahiya, da Faluja, a arewacin Jabaliya.
Su kuwa Asibitocin yankin na Gaza suna cikin wuraren da sojojin mamayar su ka kai wa hare-hare. Asibiti na karshe da harin sojojin mamayar ya shafa shi ne; Asibitin Indonesia, wanda daga shi, ya zamana babu wani asibiti guda daya da ya saura mai aiki a Arewacin Gaza.
Dama dai sojojin mamayar sun baje asibitin Beit Hanun da kasa, su ka kuma ragargaza asibitin Kamal Adwan.
উৎস: HausaTv
কীওয়ার্ড: sojojin mamayar
এছাড়াও পড়ুন:
Wargajewar HKI Ba Makawa Inji Wani Janar Daga Sojojin JMI
Daya daga cikin manya manyan sojojin kasar Iran ya bayyana cewa wargajewar HKI da kuma halakar Firai ministan kasar tabbas ne babu makawa. Ya kuma gargadi makiyan JMI kan cewa duk wani kuskuren da zasu tabka sai ya sanya dukkan sansanoninsu na soje a yankin cikinbabban barazana na lalatasu.
Tashar talabijan ta Presstv a nan Tehran ta nakalto , Major General Yahya Rahim Safavi yana fadar haka a taron addu’a da kuma girmma marigayi Manji Janar Muhammad Baqiri babban hafsan hafsoshin kasar wanda yayi shahada a ranar Jumma’a 13 ga watan Yunin da ya gabata.
Ya kuma kara da cewa babban shaitan da kuma karamin shaitan duk zasu halaka sun kasa kaiwa ga bukatunsu a yankin kwanaki 12 da suka dorawa JMI. Janar Safawi wanda kuma ya kasance daga cikin masu bawa jagoran juyin juya halin musulunci a nan Iran ya kara da cewa yakin da ya gabata ya gaggauta halaka da kuma bacewar HKI daga yankin gaban ta tsakiya.
Ya ce, tsagaita wutan da aka amince, dan sararawa ce ga makiya JMI amma su tabbatar da cewa da yardar All…yaki mafi muni yana gabansu.
Wata Rana Za A Yi Wa Gwamnatin Tinubu Sambarka – Minista