Gwamnatin Neja Ta Bayyana Shirintan Hada Gwiwa Da NSME Domin Bunkasa Hako Ma’adinai
Published: 9th, October 2025 GMT
Gwamnatin jihar Neja ta bayyana shirinta na yin hadin gwiwa da kungiyar injiniyoyin ma’adanai ta Najeriya a matakin jiha da tarayya domin tabbatar da aiwatar da kudurorin da aka cimma a karshen taron kasa da kasa karo na ashirin da hudu.
Gwamnan jihar Mohammed Umar Bago ya bayyana haka a lokacin da yake bayyana bude taron shekara-shekara da taron kasa da kasa na shekara ashirin da hudu da aka gudanar a Minna babban birnin jihar Neja.
Gwamnan wanda ya samu wakilcin shugaban ma’aikata Injiniya Idris Abubakar ya bayyana cewa hakan ya zama dole domin dorewa da aikin hakar ma’adanai na da matukar muhimmanci wajen kare shirin makamashi maras illa a matsayin Jigon gwamnatin sa.
A nasa jawabin shugaban kungiyar injiniyoyin ma’adanai ta kasa ta Najeriya Dakta Umar Hassan ya ce duk da cewa akwai dokoki da ka’idoji amma aiwatar da su na da rauni sosai, wanda hakan ya faru ne saboda rashin isassun kudade na gudanar da ayyuka na ma’aikatun da hukumomin tare da yin kira da a dauki matakin don magance irin wadannan matsalolin.
Dokta Umar Hassan ya bayyana cewa ba za a iya gudanar da aikin hakar ma’adinai ba sai da isasshen tsaro domin ana samun ma’adanai a lunguna da sako na kasa sannan kuma masu hakar ma’adinai su yi aiki yadda ya kamata akwai bukatar Gwamnatin Tarayya ta yi duk abin da ya kamata don inganta a irin wannan yanayin.
Ita ma da take magana shugabar ma’adinan Najeriya ta kasa, Ms Rose Ndong wacce ta yabawa masu shirya taron kan shirya irin wannan taro mai tasiri wanda ta bayyana a matsayin wanda ya dace kuma a kan lokaci, ta ce dole ne Najeriya ta dauki jagoranci ta hanyar sarrafa arzikinta na ma’adinai yadda ya kamata.
Taken taron shi ne “Dorewar Ayyukan Hako Ma’adanai A Matsayin Mahimmancin Tallafawa Don Canjin Nijeriya Zuwa Tushen Makamashi”. a yayin da Gwamna Umar Bago na jihar Neja da wasu ‘yan Najeriya masu kishin kasa suka samu lambar yabo ta ‘yan uwa na Cibiyar, saboda hidimar da suke yi wa bil’adama.
COV Aiyu Lawal.
উৎস: Radio Nigeria Kaduna Hausa
এছাড়াও পড়ুন:
Gwamnan Bauchi ya yi ta’aziyyar rasuwar Sheikh Dahiru Bauchi
Gwamnan Jihar Bauchi, Bala Mohammed, ya bayyana rasuwar fitaccen malamin addinin Musulunci, Sheikh Dahiru Bauchi, a matsayin babban rashi ga al’umma.
Gwamnan ya bayyana malamin a matsayin jagoran haɗin kai, zaman lafiya, da fahimtar juna tsakanin Musulmi da mabiya addinai daban-daban.
’Yan sanda sun gano harsasai 210 a kan titin Zariya-Funtuwa Allah Ya yi wa Sheikh Dahiru Bauchi rasuwaA cikin saƙon ta’aziyya da mai ba shi shawara na musamman kan harkokin yaɗa labarai, Mukhtar Gidado, ya sanya wa hannu, gwamnan ya ce Gwamnatin Jihar Bauchi tana alhinin rasuwar malamin.
Dahiru Bauchi, ya rasu da safiyar ranar Alhamis, 27 ga watan Nuwamba, 2025 a Bauchi, yana da shekara 102.
Gwamnan, ya ce Sheikh Dahiru Bauchi babban malami ne na addinin Musulunci, mai imani, tawali’u da hikima.
A cewarsa ya sadaukar da rayuwarsa wajen yaɗa addinin Musulunci, koyar da Alƙur’ani, da kuma taimaka wa mutane wajen tarbiyya.
Marigayin, ya koyar da dubban ɗalibai da suka haddace Alƙur’ani tare da yaɗa addinin Musulunci a sassan nahiyar Afrika.
Gwamnan, ya ƙara da cewa gudunmawar da marigayin ya bayar a fannin tafsiri, fiqhu da tarihi sun taka muhimmiyar rawa wajen ɗora al’umma kan turbar tsira.
Har ila yau, ya ce Gwamnatin Jihar Bauchi za ta ci gaba da girmama marigayin ta hanyar tallafa wa makarantu da manufofin da ya gina, musamman a fannin ilimin addinin Musulunci, tarbiyya da ci gaban al’umma.
Ya yi addu’a rAllah ya gafarta masa kurakuransa, ya sanya shi aAljannatul Firdausi, ya kuma bai wa iyalansa, mabiyansa da ɗaukacin al’ummar Musulmi haƙurin rashinsa.
Yadda Wasu Jihohi Suka Yi Watsi Da Gine-ginensu Da Ke Legas