Kungiyar Tuntuba Ta Arewa Ta Yi Kira Ga Ƙarin Hakuri Da Tsari Yayinda Take Shirin Cika Shekaru 25
Published: 7th, October 2025 GMT
Shugaban Kwamitin Amintattu na Ƙungiyar Tuntuba ta Arewa, Alhaji Bashir M. Dalhatu, Wazirin Dutse, ya yi kira ga mambobin ƙungiyar da su ƙara haɓaka ɗa’a, bin ƙa’ida da ƙulla zumunci yayin da ƙungiyar ke shirin gudanar da bikin cika shekaru 25 da kafuwa a watan Nuwamba 2025.
Yayin jawabin sa a taron Kwamitin Amintattu da aka gudanar a ofishin ƙungiyar dake Kaduna, Alhaji Dalhatu ya jaddada muhimmancin zama masu daidaito da kulawa a cikin bayanan da jami’an ƙungiyar ke yi wa kafafen yaɗa labarai.
Ya bayyana cewa taron da ya samu halartar shugabanni da sakatarorin jihohi da mambobin ƙungiyar Arewa 100% Focus Group, zai tattauna kan batutuwa biyu — yadda jami’an ƙungiyar Tuntuba ta Arewa za su riƙa sadarwa da shirye-shiryen bikin cika shekaru 25.
A cewar sa, sabbin al’amura na rashin daidaito a cikin bayanan da wasu jami’an ƙungiyar ke fitarwa daga matakin ƙasa da jihohi sun sa dole a samar da cikakken tsari na sadarwa. Ya ce, “Kwamitin Amintattu yana da alhakin da kuma ikon tsara da aiwatar da irin waɗannan ƙa’idoji.” Ya ƙara da cewa an riga an kammala takardar da ta ƙunshi waɗannan ƙa’idojin ta hannun sakatariyar ƙungiyar.
Da yake kwatanta kundin tsarin mulkin ƙungiyar Tuntuba ta Arewa, Alhaji Dalhatu ya tunatar da mambobi cewa Kwamitin Amintattu yana da cikakken iko wajen bayar da shawara, jagoranci da fassarar doka kan dukkar harkokin da suka shafi manufofin ƙungiyar, kuma duk shawarar da kwamitin ya bayar tana da ƙarfi ta doka.
Dangane da bikin cika shekaru 25 da kafuwar ƙungiyar, ya bayyana cewa za a gudanar da bikin daga ranar 20 zuwa 22 ga watan Nuwamba, tare da abubuwa uku da za su zama ginshiƙai — tattara kuɗaɗe domin gina sabuwar cibiyar ƙasa, ƙaddamar da Asusun Tallafi domin taimaka wa ayyukan ci gaban mata da matasa a Arewa, da kuma gabatar da jerin littattafai na musamman.
Ya yaba wa kwamitocin shirya bikin bisa jajircewa, tare da kira ga mambobi da su halarci taron a Kaduna cikin ƙarfi da yawa.
Shugaban Kwamitin Amintattu na Ƙungiyar Tuntuba ta Arewa ya kuma tunatar da mambobi cewa ƙungiyar ba ta da alaƙa da kowace jam’iyyar siyasa, musamman yayin da ake gab da zaɓen 2027. Ya ce, “Ko da yake mambobi na iya kasancewa a jam’iyyun siyasa daban-daban, ƙungiyar Tuntuba ta Arewa a matsayinta na ƙungiya ba za ta goyi bayan jam’iyya guda ba.”
Alhaji Dalhatu ya nuna damuwa kan yawaitar ƙirƙiro ƙungiyoyi masu kama da Ƙungiyar Tuntuba ta Arewa a Arewacin Najeriya, yana mai cewa irin waɗannan ƙungiyoyi suna rage haɗin kai da ƙarfi. Ya tuna cewa Ƙungiyar Tuntuba ta Arewa an kafa ta ne a shekarar 2000 daga manyan shugabannin Arewa ciki har da tsoffin shugabanni, gwamnoni, sarakuna da masana, domin haɗa ƙungiyoyi daban-daban ƙarƙashin inuwa ɗaya. “Wadanda ke ƙirƙirar ƙananan ƙungiyoyi su sake tunani su dawo cikin ƙungiyar Tuntuba ta Arewa — akwai isasshen wuri ga kowa,” in ji shi.
Ya ƙarfafa shugabannin jihohi da su ƙara yawan mambobi tare da kafa rassan ƙananan hukumomi da haɗin gwiwar hedkwatar ƙasa.
Dangane da matsalar tsaro, Wazirin Dutse ya yaba wa jami’an tsaro bisa jajircewarsu wajen yaƙar ta’addanci da ‘yan fashi, tare da addu’ar rahama ga waɗanda suka rasu.
Yayin da yake tsokaci kan rikicin da ya kunno kai a Dangote Refinery, Alhaji Dalhatu ya la’anci abinda ya kira “ƙungiyoyin marasa kishin ƙasa” da ke samun goyon bayan wasu ɓoye-ɓoyen mutane masu son durƙusar da masana’antar. Ya bukaci Gwamnatin Tarayya ta ɗauki matakin gaggawa, yana mai cewa lamarin barazana ce ga tattalin arzikin ƙasa.
Ya kammala da gode wa mambobin ƙungiyar bisa halartar taron, ta zahiri da ta yanar gizo.
COV: Shettima Abdullahi
উৎস: Radio Nigeria Kaduna Hausa
কীওয়ার্ড: Arewa Kungiyar Ƙarin Shekaru Tsari Yayinda
এছাড়াও পড়ুন:
Reuters: Kungiyar Likitoci Ba Da Iyaka Ba Ta Fice Daga Asibitin Darfur Bayan Bude Wa Ma’aikatanta Wuta
Kungiyar ta kasa da kasa mai gudanar da a ayyukan agaji, ta sanar da janye ma’aikatanta daga asibitin Darfur, bayan da aka bude musu wuta, ya kuma kai ga kashe daya daga cikin masu aikin agaji.
Kungiyar ta yi kira ga rundunar kai daukin gaggawa RSF da ta tabbatar da tsaro da kuma kiyaye lafiyar ma’aikatan agaji.
Bugu da kari kungiyar ta ce mutumin da aka kashe a ranar 18 ga watan nan na Nuwamba ma’aikaci ne a ma’aikatar kiwon lafiya ta Sudan.
Asibitin Zalnagi yana a jihar Darfur ta tsakiya ne da a halin yanzu ke karkashin ikon rundunar “RSF.
A nata gefen, jami’a mai kula da tafiyar da ayyukan kungiyar ta “ Likitoci Ba Tare Da Iyaka Ba.” Maryam Li Arusi ta ce, babu yadda za a yi ma’aikatansu su ci gaba da gudanar da ayyukansu na jin kai a halin da ake ciki, har sai idan RSF ta bayar da tabbaci da lamunin bayar da kariya ga ma’aikatan da kuma marasa lafiya.
A daya gefen,rundunar RSF ta kore cewa tana cutar da fararen hula, tana mai jaddada cewa duk wanda aka same shi da aikata laifi to za a hukunta shi.
Tun bayan da yankin Darfur ya shiga karkashin ikon rundunar RSF ne ake fito da bayanai akan yadda mayakanta su ka aikata laifukan yaki da cin zarafin mutanen yankin.
Share
0 0 votes Article Rating Subscribe Login Notify of new follow-up comments new replies to my comments Label {} [+] Name* Email* Website Label {} [+] Name* Email* Website 0 Comments Oldest Newest Most Voted Inline Feedbacks View all comments Masu Alaka Shugaban Iran: Kasuwar jarin cikin gida sirrin nasarorin gwamnati na tattalin arziki November 26, 2025 Larijani: Hadin gwiwar Iran da Pakistan na taimaka wa zaman lafiya a yankin November 26, 2025 Al-Houthi ya yi ta’aziyyar shahadar babban kwamanda na Hizbullah November 26, 2025 UNIFIL: Isra’ila tana sabawa wa kudurorin MDD a cikin Lebanon November 26, 2025 Matsalolin Tsaro A Yankunan Bakin Ruwa A Kasar Siriya Ya Kai Ga Zanga-Zangar Lumana November 26, 2025 Aljeriya Ta Bukaci Kasashen Duniya Su Dauki Mataki Don Kawo Karshen Ta’asan HKI A Yankin Asiya Ta Kudu November 26, 2025 Shugaban Majalisar Koli Ta Taron Kasa Iran Ya Yabawa Pakistan Saboda Goyon Bayanta November 26, 2025 EU da AU na taro kan diyya ga laifukan mulkin mallaka da cinikin bayi November 25, 2025 Hizbullah: Isra’ila na kure idan ta na tunanin kashe-kashe zai kawo karshen kungiyarmu November 25, 2025 Tashar Press TV ta kaddamar da sashen harshen Hebrew November 25, 2025 Categories Afirka Dogayen fina-finai Duniya Gallery IRAN IRAN POLITICS IRAQ Mata MIDDLE EAST Musulunci
Harin Ƴan Bindiga Ya Yi Sanadin Kashe Ɗansanda Da Wasu Mutane 4 A Kwara