Yadda Kwastam ta kama makamai da ƙwayoyin N10bn a Legas
Published: 12th, August 2025 GMT
Hukumar Kwastam Najeriya ta kama kwantainoni 16 ɗauke da makamai da miyagun ƙwayoyi da magungunan da wa’adin aikinsu ya ƙare da wasu haramtattun kaya na kimanin Naira 10 a Tashar Jiragen Ruwa ta Apapa da ke Jihar Legas a ranar Litinin.
Hukumar ta bayyana cewa ta kama mutane shida dangane da wannan haramtattun kaya da aka yi fasa-ƙwaurin su zuwa Najeriya.
Kwanturola Janar na Kwastam, Adewale Adeniyi, ya sanar da cewa an yi ƙarya wajen bayyana kayan da kwantainonin suke ɗauke da su, inda aka ɓoye makamai, harsasai da magungunan da ba su da rajista.
“A yau, muna sanar da kama kwantainoni 16 da shigowarsu ke karya dokokinmu kuma suna barazana ga tsaron ƙasa. Darajar harajin da za a biya kan waɗannan kaya ya haura Naira biliyan 10,” in ji Shugaban Hukumar.
Yadda ɗan shekara 70 ya rasu a gobarar tankokin gas a Zariya EFCC ta tsare tsohon Gwamnan Sakkwato Aminu Tambuwal kan zargin N189bnKayan da aka kama sun haɗa da:
– Bindigogi biyu na pump-action, bindiga ɗaya nau’in Smith & Wesson da harsasai fiye da 80
– Kwalaye 202 na kayan maye (Colorado Loud), nauyinsu ya kai kilo 101
– Kwantainoni 7 na magungunan da suka daina da haramtattu
– Kwantainoni 3 na abinci da ya lalace.
– Kwantainoni 3 na haramtattun tufafi
– Kwantainoni 2 ɗauke da magungunan codeine
– Kwantaina ɗaya da ke ɗauke da kwalaye 305 na man goge baki na ƙarya da aka ɓoye da ɗinki da kayan ado
Adeniyi ya ce an gudanar da binciken tare da haɗin gwiwar Hukumar NDLEA da sauran hukumomin gwamnati.
Ya jaddada cewa har yanzu an dakatar da amfani da tashoshin wajen fitar da magunguna.
An kama mutane biyar, inda uku daga cikinsu aka gurfanar da su kuma suna tsare a gidan yari na Ikoyi har sai an fara shari’ar su.
Hukumar Kwastam ta ce tana aiki da abokan hulɗa na ƙasa da ƙasa don gano tushen waɗannan kaya da hana Najeriya zama wurin zubar da haramtattun kaya.
উৎস: Aminiya
এছাড়াও পড়ুন:
Jihar Jigawa Za Ta Rufe Karbar Kudaden Aikin Hajjin 2026 Ranar 24 Ga Watan Disamba
Daga Usman Muhammad Zaria
Hukumar Jin Dadin Alhazai ta Jihar Jigawa ta bukaci maniyyatan aikin hajjin 2026 da su gaggauta biyan kudin kujerun su kafin ranar 24 ga watan gobe.
Darekta Janar na hukumar, Alhaji Ahmed Umar Labbo ya bayyana haka jim kadan bayan kammala taro da shugabannin sassa na hukumar da shugabannin shiyya da sauran ma’aikatan hukumar a Dutse babban birnin jihar.
Yana mai cewar, hukumar aikin hajji ta kasa wato NAHCON ta bayyana ranar 5 ga watan Disamba da ta kayyade a matsayin ranar rufe biyan kudin kujerun aikin Hajjin 2026 a fadin kasar nan.
Ya bayyana cewar ranar itace ranar karshe da hukumar aikin Hajji da Umrah ta kasar Saudiyya ta kayyade na biyan kudin kujerun domin maniyyatan da za su sauke farali.
Alhaji Ahmed Umar Labbo, yayi nuni da cewar, a duk fadin kasar nan jihar Jigawa ce kadai ta sami ranar 24 ga watan gobe sakamakon karamci da Gwamna Umar Namadi ya yiwa hukumar na bada lamunin sama da naira miliyan dubu 3 domin kebe kujerun jihar a aikin Hajjin 2026.
Kazalika, ya kara da cewar babu wata jihar da ta sami karamci da tagomashi wajen alkinta kujerun maniyyata fiye da jihar Jigawa.
A don haka, Labbo ya bukaci maniyyata da su gaggauta biyan kudin kujerun su ta hannun shugabannin shiyya ko kuma a shelkwatar hukumar dake Dutse nan da makwanni 4.
Ya kuma kara jaddada kudurinsa na rike kambun hukumar wajen tabbatar da kula da jin dadin alhazai da walwalar su tun daga gida Najeriya har zuwa kasa mai tsarki.
Ahmed Umar Labbo ya yabawa Gwamna Umar Namadi bisa karamcin da yake yiwa hukumar na bada lamunin kudi domin tare kujerun alhazan jihar da sauran ayyukan hukumar domin gudanar da aikin Hajji ingantacce.
Harin Ƴan Bindiga Ya Yi Sanadin Kashe Ɗansanda Da Wasu Mutane 4 A Kwara