Mutum 3 Sun Rasu, Wasu Sun Jikkata Yayin Da Bama-bamai Suka Tashi A Hanyar Borno
Published: 17th, May 2025 GMT
A makon da ya gabata, wasu ma’aikatan hukumar ilimi ta ƙaramar hukumar Damboa guda biyu sun mutu a irin wannan hari a hanyar Damboa zuwa Maiduguri.
’Yan ta’addan Boko Haram sun dawo da amfani da bama-bamai da suke birnewa a hanya domin kai hari kan matafiya da motocin da ke amfani da manyan hanyoyin Jihar Borno, abin da ya janyo asarar rayuka da dama a baya-bayan nan.
A halin yanzu kuma, dakarun sojin Nijeriya na ci gaba da kai farmaki a dazukan Sambisa da sauran maɓoyar ’yan ta’adda a faɗin jihar domin murƙushe su da kawar da su gaba ɗaya.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: Boko Haram Hanya Hari
এছাড়াও পড়ুন:
Motar tifa ta murƙushe ɗalibai biyu har lahira a Bayelsa
Wasu mutum biyu da ake zargin ɗaliban jami’a ne a Jihar Bayelsa sun mutu bayan wata mota ƙirar tifa ta murƙushe su lokacin da suke kan babur mai ƙafa uku a kan hanyar Tombia zuwa Ammassoma.
Daily Trust ta samu rahoton cewa haɗarin wanda ya afku a ranar Talata, ya kuma sa wasu fasinjojin da ke cikin babur ɗin sun samu munanan raunuka.
Akwai buƙatar samar da sauyin zaman lafiya mai ɗorewa — Maryam Bukar An kama mai babur ɗauke da ƙoƙunan kan mutane a OgunA cewar wasu mazauna yankin, haɗarin ya afku ne a kusa da wani lanƙwasa mai haɗarin gaske a kan babbar hanyar, sakamakon rashin kyan hanyar da kuma gudun wuce ƙima.
Sun ce babbar motar tifa na gangarowa kan tudu cikin sauri lokacin da ta ƙwacewa direban ta kuma afka kan babur ɗin.
Wani ɗan kasuwa mai suna Godspower Okolo, ya shaida wa manema labarai cewa direban tifa ɗin yana tafiya da sauri, kuma a lokacin da ya yi yunƙurin karkatar da motar abin ya citura.
Ya ce, “Keke (Babur mai ƙafa uku) ba ta da damar kaucewa hatsarin, domin kuwa tifa ɗin ta riga ta yi kusa da shi, mun yi ta ƙorafin yadda direbobin manyan motocin dakon kaya suke yi a wannan hanyar tsawon shekaru, amma babu abin da ya canza.
“Haɗarin ya sa babur ɗin ya lalace ba tare da an gane fasinjojin cikin ba, wasu masu jinƙai ne suka garzaya wurin da lamarin ya faru, inda suka kwashe waɗanda suka tsira daga haɗarin tare da kai waɗanda suka jikkata zuwa cibiyar lafiya ta tarayya da ke Yenagoa, daga baya aka kwashe gawarwakin waɗanda suka mutu zuwa ɗakin ajiye gawa na kusa.
“Wannan lamarin ya sake sabunta kiraye-kirayen a tsaurara matakan tsaro, ya kamata hukumar kiyaye haɗurra ta ƙasa (FRSC) da rundunar ’yan sanda ta jihar su ƙara yin sintiri, da ɓullo da na’urorin hana gudu, da kuma gudanar da binciken ababan hawa kan manyan motoci,” in ji shi.
Kakakin rundunar ‘yan sandan Jihar Bayelsa, DSP Musa Muhammad, ya tabbatar da faruwar haɗarin, inda ya ƙara da cewa ana ci gaba da gudanar da bincike domin gano musabbabin haɗarin motar.
Gwamna ya dakatar da basarake kan satar mutane da yankinsa