‘Yan Hamayyar Tanzaniya Sun Ki Amincewa Da Hana Su Shiga Zabe
Published: 16th, April 2025 GMT
Jam’iyyar Hamayyar siyasa ta “Chadema” a kasar Tanzania ta ki amincewa da matakin gwamnatin kasar na haramta mata shiga manyan zabukan da za a yi a watan Oktoba.
Hukumar zaben kasar ta Tanzania ta zargi jam’iyyar Chameda’ da cewa ta ki amincewa ta rattaba hannu akan dokokin zabe, tana mai yin kira gare ta da ta girmama hukumar zaben kasar.
A ranar Asabar din da ta gabata ne dai babbar jam’iyyar adawa ta kasar Tanzania ta kauracewa halartar taron da aka yi wanda ya kunshi dukkanin jam’iyyun siyasa da su ka rattaba hannu akan dokokin zabe. Rattaba hannu akan dokokin dai yana a matsayin daya daga cikin sharuddan shiga cikin zabe da jam’iyyu za su yi,kamar yadda Ramadhani Kalima, daraktan hukumar zaben kasar ya fada wa manema labaru.
Sai dai kuma sakataren jam’iyyar Chadema Regemeleza Nshala ya bayyana matakin na hukumar zaben da cewa ya saba wa doka. Haka nan kuma ya kara da cewa,abinda doka ta ce, duk jam’iyyar da ba ta rattaba hannu akan dokoki za a ci tararshi, ba hana shi shiga zabe ba.
An kama shugaban jam’iyyar ta Chameda,Tundu Lissu a yayin da ya shiga cikin zanga-zangar da take yin kira da a sauya dokokin zabe kafin lokacin zaben ya zo.
Jami’an ‘yan sanda sun yi awon gaba da shugaban jam’iyyar ta adawa, an kuma zarge shi da cin amanar kasa.
Kungiyoyin kare hakkin bil’adama sun zargi gwamnatin kasar ta Tanzania da amfani da dabaru mabanbanta na cutar da jam’iyyar ta jam’iyyar adawa. Gwamnatin kasar ta Tanzania ta yi watsi da zargin.
উৎস: HausaTv
এছাড়াও পড়ুন:
Gwamnatin Kasar Masar Tana Shirye-Shiryen Sanya Kafar Wando Daya Da Gwamnatin ‘Yan Sahayoniyya
Gwamnatin kasar Masar na shirin yin arangama ta soji da haramtacciyar kasar Isra’ila
Kafofin yada labaran Isra’ila, musamman tashar talabijin ta 14, sun watsa wani rahoto cewa: Gwamnatin kasar Masar na kokarin karfafa karfinta na soji a tsibirin Sinai, tana mai gargadin abin da ta bayyana a matsayin “yiwuwar rugujewar yarjejeniyar zaman lafiya” da aka rattaba hannu tsakanin kasashen biyu a shekara ta 1979.
Tashar talabijin ta NAN ta nakalto Eliyahu Dekel, tsohon shugaban hukumar leken asirin sojin haramtacciyar kasar Isra’ila kuma masani kan al’amuran Masar na cewa: Masar na cikin gaggawar shirin tunkarar rikicin soji, yana mai cewa “yarjejeniyar zaman lafiyar da aka kulla tsakanin kasashen biyu a shekarar 1979 ta kasance cikin yanayi na rugujewa tun lokacin da aka rattaba hannu kan yarjejeniyar, kuma babu wata magana daya da ba a karya ba,” in ji shi.
A wata hira da aka yi da shi kan shirin na Oded Menashe, Dekel ya kara da cewa, nazarin hotunan tauraron dan adam ya nuna yadda ake gina filayen tashi da saukar jiragen sama na soja guda uku a yankin Sinai, baya ga gada da mashigar ruwa kusan 60 da ke kan mashigin Suez, yana mai bayyana hakan a matsayin wani yanayi na soji mai cike da damuwa.
Ya yi nuni da cewa, tun a shekara ta 2007, Masar ta kara kaimi kan ayyukan soji a yankin, wanda ya yi la’akari da shi a matsayin “shirin da take yi na yiyuwar arangama da sojojin mamayar Isra’ila.”
Rikicin Uba Sani Da El-Rufa’i Ya Dauki Sabon Salo