An shiga ruɗani yayin da Sanusi II da Bayero ke shirin hawan salla a Kano
Published: 23rd, March 2025 GMT
Al’ummar Jihar Kano, sun shiga shida ruɗani yayin da rikicin Masarautar jihar, ya ɗauki wani sabon salo game da shirin gudanar da bikin hawan salla.
Tsagin sarakunan jihar na 15 da na 16, wato Muhammadu Sanusi II da Aminu Ado Bayero, sun shirya gudanar da hawan salla duk da shari’ar da ke gudana kan rikicin masarautar.
Lamarin ya ɗauki sabon salo ne, bayan wata wasiƙa daga Sarkin Kano na 15, Aminu Ado Bayero, ya fitar kan shirinsa na yin hawan salla a bana.
Wasiƙar, wacce sakataren Sarkin, Abdullahi Haruna Kwaru, ya sanya wa hannu, an aike wa Kwamishinan ’Yan Sandan Kano, inda ya bayyana shirinsa na gudanar da hawan salla.
Daga cikin hawan da ya bayyana cewar zai yi akwai Hawan Daushe, da Hawan Nassarawa a ranakun 2 da 3 ga watan Shawwal 1446 bayan hijira.
Wannan na zuwa ne bayan Gwamna Abba Kabir Yusuf, ya umarci Sarkin Kano na 16, Muhammadu Sanusi II, da ya fara shirin gudanar da hawan salla.
A cikin wasiƙarsa, Aminu Ado, ya ce wannan hawan na da muhimmanci a gare shi saboda zai cika shekarj biyar da zama sarki.
An jima ba a gudanar da bikin hawan salla ba a Kano saboda fargabar abin da ka iya faruwa tsakanin mabiyan sarakunan biyu.
Rikicin ya fara ne bayan da tsohon gwamnan jihar, Abdullahi Umar Ganduje ya tuɓe Sanusi II daga sarauta, tare da naɗa Aminu Ado a matsayin Sarkin Kano.
Sai dai a shekarar 2024, Majalisar Dokokin Kano, ta sake sauya dokar masarautar tare da rushe dukkannin masarautu biyar da Ganduje ya ƙirƙira, tare da mayar da Sanusi II a matsayin Sarki.
Wannan ya janyo ce-ce-ku-ce da tashin hankali a jihar, lamarin da ya sanya tsagin Aminu Ado tafiya kotu.
Kotu ta yanke hukuncin cewa komai ya ci gaba da zama a yadda yake har zuwa lokacin da Kotun Ƙoli za ta yanke hukuncin ƙarshe, lamarin da ya sa dukkanin ɓangarorin biyu ke iƙirarin suna da iko a kan sarautar.
Har yanzu, gwamnatin Kano da Sanusi II ba su ce komai ba kan wasiƙar da Aminu Ado, ya aike wa ’yan sanda, kuma har yanzu ba a ji ta bakin rundunar ’yan sandan jihar ba.
Sai dai, jama’a na nuna damuwa kan abin da ka iya faruwa.
Malam Haladu Bello, wani dattijo mai shekaru 78 a duniya, ya bayyana damuwarsa kan cewa lamarin zai iya haifar da rikici.
“Na sha ganin hawan salla mai ƙyatarwa da kuma wanda ke da matsaloli, amma wannan yana da ban tsoro.
“Abin takaici ne yadda shugabanninmu ke watsi da hatsarin da jama’a ke fuskanta.”
Wani matashi mai shekaru 30, Alhaji Usman Shehu, ya bayyana cewa wannan rikicin cikin gida ne, ba wai abu ne da zai sa mutane cikin fargaba ba.
Ya ce: “Kullum cikin fargabar abin da zai biyo baya muke. Wannan ba daidai ba ne. A bar mu, mu more al’adunmu cikin zaman lafiya.”
Yayin da bikin salla ke ƙara ƙaratowa, al’ummar Kano na ci gaba da fargabar abin da ka iya faruwa idan duka sarakunan biyu suka ci gaba da shirinsu na gudanar da hawan salla.
উৎস: Aminiya
কীওয়ার্ড: Yan Sanda Aminu Ado Bayero Fargaba gwamna hawan salla Rikicin Masarauta Ruɗani gudanar da hawan salla a gudanar da
এছাড়াও পড়ুন:
UNIFIL: Isra’ila tana sabawa wa kudurorin MDD a cikin Lebanon
Wani mai magana da yawun rundunar wanzar da zaman lafiya ta Majalisar Dinkin Duniya (UNIFIL) ya tabbatar da cewa Isra’ila ta gina katanga kan iyakar da ta ratsa zuwa cikin yankin kasar Lebanon kusa da garin Yaroun, abin da tawagar ta bayyana a matsayin keta kudurin Kwamitin Tsaron Majalisar Dinkin Duniya mai lamba 1701.
“Isra’ila ta shafe shekaru da dama tana gina katanga a gefen Layin da aka Shata da ya raba yankunan Falastinu da Isra’ila ta mamaye da Lebanon, amma a cikin wannan yanayi katangar Isra’ila ta ratsa layin da ya raba bangarorin biyu,” in ji mai magana da yawun UNIFIL. “Don haka muna nuna rashin amincewa da wannan mataki, Wannan, a bayyane ya keta kuduri mai lamba 1701 da kuma hurumin kasar Lebanon.” Inji shi.
Dakarun Masu Sanya ido kan zaman lafiya a kudancin kasar Lebanon UNIFIL sun yi nazarin wurin kuma kuma tabbatar da cewa katangar ta ketare Layin da aka shata.
A cewar UNIFIL, sun gano cewa katangar tana cikin kasar Lebanon kuma ta kai kimanin mita murabba’i 4,000 a cikin kasar Lebanon”. Mai magana da yawun rundunar ya kara da cewa, tawagar ta sanar da sojojin na Isra’ila a hukumance game da keta dokar da suka yi, inda suka mayar da martanin cewa za su dubi lamarin.
UNIFIL ta jaddada cewa za ta ci gaba da bin diddigin lamarin, da kuma ci gaba da Magana tare da dukkan bangarorin da abin ya shafa don tabbatar da cewa an kiyaye doka da kuma yin aiki da kudiri mai lamba 1701.
Share
0 0 votes Article Rating Subscribe Login Notify of new follow-up comments new replies to my comments Label {} [+] Name* Email* Website Label {} [+] Name* Email* Website 0 Comments Oldest Newest Most Voted Inline Feedbacks View all comments Masu Alaka Matsalolin Tsaro A Yankunan Bakin Ruwa A Kasar Siriya Ya Kai Zanga-Zangar Lumana November 26, 2025 Aljeriya Ta Bukaci Kasashen Duniya Su Dauki Mataki Don Kawo Karshen Ta’asan HKI A Yankin Asiya Ta Kudu November 26, 2025 Shugaban Majalisar Koli Ta Taron Kasa Iran Ya Yawaba Pakistan Saboda Goyon Bayanta November 26, 2025 EU da AU na taro kan diyya ga laifukan mulkin mallaka da cinikin bayi November 25, 2025 Hizbullah: Isra’ila na kure idan ta na tunanin kashe-kashe zai kawo karshen kungiyarmu November 25, 2025 Tashar Press TV ta kaddamar da sashen harshen Hebrew November 25, 2025 Bincike : Isra’ila Ta Kashe Falasdinawa Akalla 100,000 a Gaza November 25, 2025 Kasar Gambia Ta Bai Wa Jagoran ‘Yan Hamayyar Siyasar Kasar Kamaru Mafaka Ta Wucin Gadi November 25, 2025 China Ta Yi Tir Da Yadda Kasar Japan Ta Girke Makamai Masu Linzami A Kusa Da Yankin Taiwan November 25, 2025 Velayati: Alakar Iran da Iraki tana da karfi November 25, 2025 Categories Afirka Dogayen fina-finai Duniya Gallery IRAN IRAN POLITICS IRAQ Mata MIDDLE EAST Musulunci
Ma’aikatan shari’a 97 sun samu ƙarin girma a Borno