Tinubu ya ƙirƙiri sabon harajin da zai iya ƙara N100 a kan kowacce litar man fetur
Published: 30th, October 2025 GMT
Shugaban ƙasa Bola Ahmed Tinubu ya amince da ƙaddamar da sabon harajin shigo da kaya na kashi 15 cikin 100 kan dukkan man fetur da dizil din da aka shigo da shi zuwa Najeriya.
An tsara wannan mataki ne domin kare matatun man cikin gida da kuma daidaita kasuwar man fetur a ƙasa, sai dai ana sa ran hakan zai iya haifar da ƙarin farashin man a gidajen mai.
A cikin wata wasiƙa da aka rubuta a ranar 21 ga Oktoba, 2025, kuma aka bayyana a hukumance a ranar 30 ga Oktoba, 2025, zuwa Hukumar Tara Haraji ta Ƙasa (FIRS) da Hukumar Kula da Man Fetur ta Ƙasa (NMDPRA), inda Shugaba Tinubu ya bayar da umarnin aiwatar da harajin nan take a matsayin wani ɓangare na tsarin harajin shigo da kaya da gwamnati ta bayyana a matsayin “tsarin da ke daidaita da kasuwa.”
Wasiƙar, wacce Sakataren Shugaban Ƙasa, Damilotun Aderemi, ya sanya wa hannu, ta nuna amincewar Shugaban bayan da Shugaban Hukumar FIRS, Zacch Adedeji, ya gabatar da shawararsa.
Shawarar ta nemi a fara amfani da harajin kashi 15 cikin 100 kan kuɗin kaya, inshora da jigilar man fetur da dizal da ake shigo da su, domin daidaita farashin shigo da kaya da yanayin kasuwar cikin gida.
A cikin takardar da ya aike wa Shugaban Ƙasa, Adedeji ya ce wannan mataki na daga cikin gyare-gyaren da ake ci gaba da aiwatarwa domin ƙarfafa matatun cikin gida, tabbatar da daidaiton farashi, da kuma ƙarfafa tattalin arzikin man fetur da ke dogaro da naira.
“Babban burin wannan tsari shi ne aiwatar da cinikayyar danyen mai da naira, ƙarfafa matatun cikin gida, da kuma tabbatar da wadataccen man fetur mai arha a fadin Najeriya,” in ji Adedeji.
Shugaban FIRS ya kuma yi gargaɗin cewa rashin daidaito tsakanin farashin kayayyakin da ake tacewa a cikin gida da farashin da ake amfani da shi wajen ƙayyade farashin gidajen mai na shigo da kaya ya janyo rashin tabbas a kasuwa.
A cewar hasashen da ke cikin wasiƙar, harajin kashi 15 cikin 100 zai iya ƙara farashin saukar man fetur da kimanin Naira 99.72 a kowace lita.
Wannan sabon mataki na zuwa ne a daidai lokacin da Najeriya ke ƙara ƙoƙari don rage dogaro da shigo da man fetur da dangoginsa daga ƙasashen waje, tare da ƙarfafa tacewa a cikin gida.
উৎস: Aminiya
কীওয়ার্ড: Haraji shigo da kaya
এছাড়াও পড়ুন:
Bankin Ajiya na Jihar Jigawa Ya Karamar Shugaban Karamar Hukumar Birnin Kudu
Daga Usman Muhammad Zaria
Majalisar Karamar Hukumar Birnin Kudu ta bada tabbacin hada hannu da bankin ajiya na Savings and Loan na Jihar Jigawa domin habaka tattalin arziki.
Shugaban Karamar hukumar, Dr. Builder Muhammad Uba ya bada wannan tabbaci a lokacin da Manajan bankin, Babandi Isah Gumel ya kai masa ziyara.
Builder Muhammad Uba ya ce karamar hukumar za ta ci gaba da mu’amulla da bankin wajen ganin ma’aikatan wucin gadi na bude asusun ajiya a bankin.
Ya kuma bayyana farin cikinsa kan wannan ziyara da kuma karrama shi da aka yi.
A jawabinsa, Manajan bankin Savings and Loan na Jihar Jigawa, Babandi Isa Gumel, ya ce sun karrama shugaban Karamar hukumar ne bisa daukar ma’aikatan wucin gadi a karamar hukumar ta birnin kudu.
Yace Dr Muhammad Uba ya dauki ma’aikatan da dama a fannin kiwon lafiya da ilimi wato B-health da B-teach da kuma amincewa da yin mu’amulla da bankin.
Gwamnatin Imo Ta Amince Da N104,000 A Matsayin Sabon Mafi Ƙarancin Albashin Ma’aikata