APC Ta Yi Gangamin Karfafa Hadin Kan Mambobinta Bayan Kaddamar Da Aikin Titin Malam Madori
Published: 10th, November 2025 GMT
Daga Usman Muhammad Zaria
Gwamnan Jihar Jigawa, Malam Umar Namadi, ya kaddamar da aikin gina hanya da kudinta ya kai Naira Biliyan 14 a Karamar Hukumar Malam Madori, wanda ke nuna jajircewar gwamnatinsa wajen bunkasa ababen more rayuwa1 karkashin shirin sabunta kudurori na gwamnatin tarayya wato “Renewed Hope Agenda.
A yayin taron kaddamarwar, an kuma gabatar da sabbin motoci ga shugabannin jam’iyyar APC guda takwas da masu tallata jam’iyyar a mazabar Arewa maso gabashin jihar, wanda Sanata Ahmed Abdulhamid Malam Madori ya dauki nauyi.
Wannan mataki na da nufin karfafa hadin kai a jam’iyyar da kuma tallata hangen nesa na Shugaba Bola Ahmed Tinubu a fadin jihar.
A jawabinsa, Gwamna Namadi ya yaba da jajircewar Sanata Ahmed Malam Madori na nuna biyayya, karamci, da sadaukarwa wajen ci gaban jam’iyyar APC. “Wannan babbar shaida ce ta jajircewar Sanata Malam Madori ga jam’iyyarmu”.
Haka kuma Gwamnan ya karfafa gwiwar sauran mambobi da su tallafa wa shirin ci gaba na Shugaba Tinubu karkashin ‘Renewed Hope Agenda.”
Sanata Ahmed Abdulhamid Malam Madori ya bayyana cewa tallafin motocin na nufin bai wa mambobin jam’iyya damar yin ingantaccen aiki wajen tallata shirin ci gaba na Shugaban kasa da kuma Shirin Ci Gaba na Gwamna Namadi.
“Shugaba Tinubu da Gwamna Namadi sun kawo gagarumin ci gaba ga al’umma da ababen more rayuwa a Jigawa. An amince da kafa muhimman hukumomin tarayya, ciki har da Cibiyar Horar da ‘Yan Sanda a Kafin Hausa, Kwalejin Ilimi ta Tarayya a Malam Madori, da Kwalejin Noma ta Tarayya a Kirikasamma,” in ji shi.
Ya jaddada ayyukan Gwamna Namadi na baya-bayan nan, ciki har da aikin hanyar kilomita 47 da ke hada Hadejia–Garun Gabas, inganta asibitoci, da farfado da cibiyoyin lafiya na farko.
Sanata Malam Madori ya kara da jaddada hadin kan masu ruwa da tsaki na APC a mazabar Arewa maso gabashin Jigawa, wanda ya hada da ‘yan majalisar wakilai guda uku, ‘yan majalisar jihar guda tara, shugabannin kananan hukumomi takwas, da ‘yan majalisar kananan hukumomi 85
উৎস: Radio Nigeria Kaduna Hausa
কীওয়ার্ড: Jigawa Gwamna Namadi
এছাড়াও পড়ুন:
Yadda za ku cike neman aikin dan sandan Najeriya na 2025/2026
Hukumar Kula da Ayyukan ’Yan Sanda ta Najeriya, tare da haɗin gwiwar Rundunar ’Yan Sandan Kasar sun buɗe shafin neman aiki domin ɗaukar sabbin ’yan sanda na constables da kuma ma’aikata masu kwarewa ta musamman.
A kwanan nan Shugaban Ƙasa Bola Ahmed Tinubu ya bayar da umarnin ɗaukar sabbin ’yan sanda 50,000 a fadin ƙasar domin ƙarfafa tsaron cikin gida da kuma ƙara yawan jami’an da za su taimaka wajen yaƙi da laifuka da rashin tsaro.
Za a buɗe shafin neman aiki daga 15 ga watan Disamba, 2025 zuwa 25 ga Janairu, 2026.
Ga yadda yadda za ku cike neman aikin daki-daki:
Mataki na 1: Duba cancantarka Dole ne ka kasance ɗan Najeriya ta hanyar haihuwa. Ka kasance lafiyayye a jiki da hankali. Ba ka da matsalar kuɗi ko bashin da ka gaza biya. Kana da kyakkyawar dabi’a hali, babu tarihin aikata laifi. Iyakar shekaru: 18–25 ga sauran ’yan sanda. Har zuwa 28 ga masu kwarewa ta musamman. Mata kada su kasance masu juna biyu ba a lokacin bayar da horo. Ka cika sharuddan jiki: Maza: tsawo 1.67m, fadin ƙirji 86cm. Mata: tsawo 1.64m. Mataki na 2: Tabbatar da ƙwarewarka Sauran ’yan sanda: Mafi ƙaranci, samun darussa biyar a jarabawar SSCE/NECO, ciki har da Turanci da Lissafi. Masu kwarewa: Mafi ƙaranci, darussa huɗu, ƙwarewar sana’a (shekaru 3 zuwa sama), da takardar amincewar aiki. Mataki na 3: Shirya takardunkaZa ka buƙaci kwafin takardu (soft copy) na:
Takardar kammala makarantar firamare. Sakamakon SSCE/NECO. Takardar haihuwa. Shaidar zama dan asalin karamar hukuma/jiha.Ga maus kwarewa ta musamman kuma:
Takardar shaidar aiki. Lasisin tuƙi (idan aikin direba ne). Mataki na 4: Yi rajista ta yanar gizo Ziyarci shafin: https://npfapplication.psc.gov.ng Ka tabbatar kana da: Lambar Shaida Ƙasa (NIN). Adireshin imel mai aiki. Lambar waya don sadarwa. Loda dukkan takardun da ake buƙata. Mataki na 5: Sanin rukuni Sauran ’yan sanda ’Yan Sandan Constables. Masu kwarewa ta musamman Harkar lafiya: Jami’an lafiya. Sufuri: Direbobi, Kanikawa, masu gyaran mota, masu kai sako. EOD‑CBRN: Masu binciken kwakwaf, sauran ’yan sanda. K9 Section: Masu kula da karnuka. Mounted Troop: Masu hawan doki. Marine: Direbobi, injiniyoyi, kanikawan jirgin ruwa. Artisans: Masu aikin lantarki, masu gyaran famfo, masu walda, masu gyaran AC. Tailoring: Masu dinki. Sadarwa: Kwararru da masu sarrafa na’ura. Band Section: Masu kula da kayan kiɗa. Mataki na 6: Shirin fara gwaje‑gwaje Gwajin jiki da na lafiya. Gwajin basira. Binciken bayanai. Mataki na 7: Bin ƙa’ida Neman aikin kyauta ne, kuma bisa cancanta. Duk wani cin hanci ko ƙoƙarin bayar da kuɗi zai jawo hukunci mai tsanani Mataki na 8: Karin bayani A ziyarci shafukan sada zumunta na Hukumar Aikin ’Yan Sanda ko shafin tambayoyi. Ko a kira: 09060483893, 09135006008, 09135006009.
An Yi Bikin Mu’ammalar Al’Adu Na SCO Na 2025 A Beijing