FBI ta sanya la’adar N15m kan dan Najeriyar da take nema ruwa a jallo
Published: 25th, September 2025 GMT
Hukumar Binciken Manyan Laifuka ta Amurka (FBI) ta sanya la’adar Dala 10,000, kwatankwacin Naira miliyan 15 ga duk wanda ya bayar da bayanin da zai kai ga kama wani ɗan Najeriya mai suna Olumide Adebiyi Adediran.
Ana dai neman Olumide ne a Amurka ruwa a jallo bisa zargin aikata laifukan zamba da dama.
A cewar sanarwa da aka wallafa a shafin FBI a ranar Laraba, ana tuhumar shi da laifukan zamba a banki, zamba da takardun shaida, laifukan da ake zargin ya aikata a jihar Illinois tun shekarar 2001.
Adediran, mai shekaru 56, yana amfani da sunaye daban-daban kamar Kevin Olumide Adediran, Eric O. Williams, Maxo Alexandre, Olumide Adkins, da Edward N. Anderson.
Ana zargin ya yi ƙoƙarin cire kuɗi daga takardun banki na bogi da kuma amfani da bayanan sirri na ’yan ƙasar Amurka da aka sace don buɗe asusun banki da na katin bankin.
FBI ta ce Olumide ya tsere daga jihar Illinois a ƙarshen Disamban 2001, kafin fara shari’arsa.
A ranar 2 ga Janairu 2002, kotun tarayya ta fitar da sammacin kama shi kan karya sharuddan belinsa.
Sanarwar ta ce: “Ana neman Olumide Adebiyi Adediran kan karya sharuddan belinsa. A watan Agusta 2001, an zargi Adediran da shiga wani banki a Champaign, Illinois, inda ya yi ƙoƙarin karɓar kuɗi daga cek na bogi da aka ajiye.
“Haka kuma ana zargin ya yi amfani da bayanan sirri da aka sace na Amurkawa don buɗe asusun banki da na katin banki. Ya tsere daga yankin Central District na Illinois a ƙarshen Disamba 2001, kafin fara shari’arsa kan tuhumar zamba a banki, zamba da takardun shaida, da kuma zamba da katin banki.
“A ranar 2 ga Janairu 2002, kotun tarayya ta fitar da sammacin kama shi a Central District na Illinois, Illinois, bayan an tuhume shi da karya sharuddan belinsa.”
FBI ta bayyana cewa Adediran yana da alaƙa da yankin kudancin Florida kuma har yanzu yana cikin jerin mutanen da ake nema.
FBI ta ce, “FBI za ta bayar da lada har zuwa Dala $10,000 ga duk wanda ya bayar da bayanin da zai kai ga kama da hukunta Olumide Adebiyi Adediran.”
FBI ta bukaci duk wanda ke da bayani kan inda yake da ya tuntubi ofisoshinta a Amurka ko ofishin jakadancin Amurka mafi kusa da shi.
উৎস: Aminiya
কীওয়ার্ড: Dan Najeriya
এছাড়াও পড়ুন:
Uganda: An Kama Fiye Da ‘Yan Hamayyar Siyasa 300 A Lokacin Yakin Neman Zabe
Majiyar ‘yan hamayyar siyasar kasar Uganda sun sanar da cewa, jami’an tsaron kasar sun kama magoya bayan Bobi Wine dake takarar shugabancin kasar 300 a tsawon yakin neman zabe.
Mai magana da yawun Bobi Wine dan takarar shugabancin kasar ya fada a jiya Talata cewa; jami’an tsaron kasar sun kama fiye da mutane 300 da suke goyon bayansa tun da aka fara yakin neman zabe daga watan Janairu zuwa yanzu.
Bob Wine wanda shahararren mawaki ne ya juye zuwa dan siyasa, yana yin takara a karo na biyu da shugaban kasar mai ci, Uweri Musaveni. A zaben 2021 Bob Wine wanda sunansa na yanke shi ne Robert Kyagulanyi,, ya zo na biyu.
Kakakin jam’iyyarsa ta NUP,ya ce, a cikin wannan makon ma an kama mutane da dama, kuma ana tsare da su ne a cikin babban birnin kasar Kamfala.
Majiyar jam’iyyar hamayyar ta kuma ce, a ranar Litinin da aka bude yakin neman zabe kadai na kame mutane sun kai 100, sai kuma wani adadi mai yawa a jiya Talata.
Jami’an tsaron kasar sun sanar da kame mutane 7 bayan da su ka yi jefe-jefe da duwatsu a lokacin yakin neman zabe.
Share
0 0 votes Article Rating Subscribe Login Notify of new follow-up comments new replies to my comments Label Name* Email* Website Label Name* Email* Website 0 Comments Oldest Newest Most Voted Inline Feedbacks View all comments Masu Alaka Reuters: Kungiyar Likitoci Ba Da Iyaka Ba Ta Fice Daga Asibitin Darfur Bayan Bude Wa Ma’aikatanta Wuta November 26, 2025 Shugaban Iran: Kasuwar jarin cikin gida sirrin nasarorin gwamnati na tattalin arziki November 26, 2025 Larijani: Hadin gwiwar Iran da Pakistan na taimaka wa zaman lafiya a yankin November 26, 2025 Al-Houthi ya yi ta’aziyyar shahadar babban kwamanda na Hizbullah November 26, 2025 UNIFIL: Isra’ila tana sabawa wa kudurorin MDD a cikin Lebanon November 26, 2025 Matsalolin Tsaro A Yankunan Bakin Ruwa A Kasar Siriya Ya Kai Ga Zanga-Zangar Lumana November 26, 2025 Aljeriya Ta Bukaci Kasashen Duniya Su Dauki Mataki Don Kawo Karshen Ta’asan HKI A Yankin Asiya Ta Kudu November 26, 2025 Shugaban Majalisar Koli Ta Taron Kasa Iran Ya Yabawa Pakistan Saboda Goyon Bayanta November 26, 2025 EU da AU na taro kan diyya ga laifukan mulkin mallaka da cinikin bayi November 25, 2025 Hizbullah: Isra’ila na kure idan ta na tunanin kashe-kashe zai kawo karshen kungiyarmu November 25, 2025 Categories Afirka Dogayen fina-finai Duniya Gallery IRAN IRAN POLITICS IRAQ Mata MIDDLE EAST Musulunci
Jami’an Tsaron Iran Sun Murkushe ‘Yan Ta’adda Kan Ofishin ‘Yan Sanda A Kudu Maso Gabashin Kasar