Likitoci sun gindaya sabon sharaɗi bayan janye yajin aiki
Published: 30th, November 2025 GMT
Ƙungiyar Likitoci Masu Neman Ƙwarewa ta Najeriya (NARD) ta dakatar da yajin aikin da ta shafe kwanaki 29 tana yi, bayan wani taron gaggawa da Majalisar Koli ta ƙungiyar ta gudanar a ranar Asabar.
Shugaban NARD, Muhammad Suleiman, ya tabbatar da hakan a wata sanarwa da ya wallafa, inda ya bayyana cewa an dakatar da yajin aikin ne na tsawon makonni huɗu, domin bai wa gwamnatin Tarayya damar aiwatar da muhimman buƙatun da suka gabatar.
Ya ce an cimma matsayar ne bayan saka hannu kan yarjejeniyar fahimtar juna (MoU) da ta ƙunshi ci gaban da aka samu kan manyan buƙatu 19 na ƙungiyar, ciki har da biyan bashin albashi da alawus-alawus da sauran haƙƙoƙinsu.
Suleiman ya ce Majalisar Koli ta dakatar da yajin aikin ne a matsayin wata alama ta kyakkyawan fata, domin a ci gaba da sa ido kan yadda gwamnati za ta aiwatar da alƙawuran.
Ya ƙara da cewa ƙungiyar za ta yi amfani da wannan wa’adi na makonni huɗu domin ƙara faɗakar da ’yan Najeriya da kuma ci gaba da tattaunawa da gwamnati.
Yajin aikin ƙungiyar ya bar asibitoci 91 cikin mawuyacin hali, kasancewar likitoci 11,500 — waɗanda su ne manyan ginshiƙai da ke kula da marasa lafiya a ƙasar.
উৎস: Aminiya
কীওয়ার্ড: NARD Yajin aiki yajin aikin
এছাড়াও পড়ুন:
Jonathan ya dawo Najeriya bayan juyin mulki ya ritsa da shi a Guinea-Bissau
Tsohon shugaban kasa Goodluck Jonathan ya dawo Najeriya bayan juyin mulkin sojoji ya ritsa da shi a ƙasar Guinea-Bissau inda ya je sa ido kan zaben ƙasar.
Jonathan ya isa filin jirgin sama na Nnamdi Azikiwe da ke Abuja da yammacin Alhamis, kusan kwana biyu bayan sojoji sun karɓi mulki a ƙasar da ke yammacin Afirka.
Ya kamata ’yan majalisar Najeriya su koma zaman wucin gadi – Ndume An janye ’yan sanda 11,566 daga yi wa manyan mutane rakiya – EgbetokunYa isa filin jirgin sama na Abuja a cikin jirgin gwamnatin Guinea-Bissau, inda tawagar magoya baya da jami’an gwamnati suka tarbe shi.
Tsohon shugaban kasar ya je Guinea-Bissau ne don sa ido kan zaben shugaban kasa da na majalisar dokoki a matsayin shugaban tawagar sa ido ta dattawan Afirka ta Yamma.
Tawagarsa, tare da ta Ƙungiyar Tarayyar Afirka (AU) da Ƙungiyar Raya Tattalin Arzikin Kasashen Yammacin Afirka (ECOWAS), suna ci gaba da aikinsu lokacin da sojoji suka yi juyin mulki a Guinea-Bissau.
Wannan lamari ya bar tsohon shugaban kasar tare da sauran mambobin tawagar masu sa ido cikin rashin tabbas da damuwa kan lafiyar su.
Sai dai ma’aikatar harkokin wajen Najeriya ta bayyana cewa tsohon shugaban kasa yana cikin koshin lafiya kuma ya bar Guinea-Bissau.
“Tsohon shugaban kasa Goodluck Ebele Jonathan yana cikin koshin lafiya kuma ya fita daga Guinea-Bissau,” in ji mai magana da yawun ma’aikatar, Kimiebi Ebienfa.
“Ya tafi ne da jirgi na musamman tare da mambobin tawagarsa, ciki har da Ibn Chambas.”
Sojojin Guinea-Bissau sun ƙwace iko da ƙasar a ranar Laraba, inda suka dakatar da tsarin zaben ƙasar tare da rufe iyakokinta, kwanaki bayan gudanar da zaben shugaban kasa da na majalisar dokoki.
Bayan juyin mulkin, shugaban ofishin soja na fadar shugaban kasa, Janar Denis N’Canha, ya ce kwamitin da ya ƙunshi dukkan sassan sojoji, ya karɓi jagorancin ƙasar har zuwa lokacin da za a bayar da sanarwa ta gaba.
Sojojin sun kuma kama shugaban kasar Umaro Embalo, wanda ake ganin zai iya lashe zaben na ranar Lahadi.
Kwana ɗaya bayan juyin mulkin, sojojin sun nada shugaban hafsoshin rundunar sojoji, Janar Horta N’Tam, a matsayin sabon shugaban ƙasar na na riƙon ƙwarya.
Zai jagoranci ƙasar na tsawon shekara guda.
Tireloli Sun Yi Taho Mu Gama, Mutane 4 Sun Jikkata A Titin Zariya–Kaduna