Masar Ta Kirayi Taron Kasashen Larabawa Akan Makomar Falasdinu
Published: 9th, February 2025 GMT
Ma’aikatar harkokin wajen kasar Masar ta sanar da kiran taron kasahen larabawa a karshen wannan watan na Febrairu da ake ciki domin tattauna batun tilasta wa Falasdinawa yin hijira daga Gaza a karkashin shirin Amurka da Isra’ila.
Da safiyar yau Lahadi ne dai ma’aikatar harkokin wajen ta Masar ta bayyana cewa za ta karbi bakuncin taron kungiyar kasashen Larabawa a ranar 27 ga watan nan na Febrairu,domin tattauna sabbin batutuwan da su ka taso dangane da Falasdinu.
Har ila yau sanarwar ta ce, Masar din ta yi wannan gayyatar ne bayan tattaunawa da kasar Bahrain wacce a halin yanzu take rike da shugabancin kungiyar kasashen Larabawan, haka nan kuma tuntubar babbar shalkwatar kungiyar.
Bugu da kari Masar din ta sanar da cewa ta tuntunbi sauran kasashen larabawa da kuma gwamnatin Falasdinu, domin tattauna batutuwa masu hatsari da su ka bijiro akan batun Falasdinu.
A gefe daya, Masar din ta sanar da cewa, ministanta na harkokin waje Badar Abdul-Adhi, ya nufi kasar Amurka domin tattaunawa da mahukuntanta.
Shirin yin wannan taron na kungiyar kasashen larabawa ya zo ne bayan wani furuci da shugaban kasar Amurka ya yi na ganin Falasdinawa sun yi hijira daga Gaza, zuwa kasashen Masar da Jordan.
Donald Trump na Amurka ya bayyana aniyarsa ta yin manyan gine-gine a cikin zirin Gaza, bayan ficewar Falasdinawa da kuma karbar yankin da Amurka za ta yi daga hannun HKI.
Tuni dai shugaban na kasar Amurka ya fara fuskantar suka daga bangarori mabanbanta.
উৎস: HausaTv
এছাড়াও পড়ুন:
Manjo Janar Musawi: Ko Kadan Ba Mu Yarda Da Amurka Ba
Babban hafsan hafsoshin sojan Iran Manjo janar Musawi ya ce, ko kadan Iran ba ta yarda ko gaskata alkawullan Amurka,balle kuma zancen ‘yan sahayoniya.
Babban hafsan hafsoshin sojan na Iran ya kuma kara da cewa, sojojin kasar suna cikin Shirin ko-ta-kwana domin kalubalantar duk wan igigi na abokan gaba.
Manjo janar Musawi ya bayyana hakan ne dai a lokacin da ya yi tattaunawa ta wayar tarho da ministan tsaron kasar Tajikistan Manjo janar Imam Ali Sabir Zadeh.
A nashi gefen, ministan tsaron kasar ta Tajikistan, ya fara da yi wa janar Musawi murnar zabarsa sabon hafsan hafsoshin sojan kasar ta Iran, sannan kuma ya nuna bakin cikinsa akan rashin kwamandojin sojan Iran da su ka yi shahada a sanadiyyar harin ta’addancin HKI.
Manjo janar Imam Ali Sabir Zadeh ya kuma kara da cewa, al’ummar kasar Tajikinstan sun yi bakin ciki, don haka suna isar da ta’aziyyarsu ga al’ummar Iran.
Har ila yau minstan tsaron kasar ta Tajikistan ya yi ishara da tarayya akan harshe da al’ada da kasashen biyu su ka yi, haka nan kuma tarihi.
Haka nan kuma manjo janar Musawi ya yi wa Tajikistan godiya akan yadda ta kasance a tare da Iran a lokacin yakin kwanaki 12, lamarin da ya kara karfin alakar kasashen biyu.
Me Yakin Harajin Fito Zai Haifar Wa Amurka?