Sojoji sun ceto ’yan mata 12 da ISWAP suka sace a Borno
Published: 30th, November 2025 GMT
Sojojin Rundunar Operation Hadin Kai (OPHK), sun samu nasarar ceto ’yan mata 12 da ’yan ta’addan ISWAP suka sace a gundumar Mussa da ke Ƙaramar Hukumar Askira/Uba a Jihar Borno.
An sace su ne ranar 23 ga watan Nuwamba 2025, yayin da suke girbe amfanin gonakin iyayensu.
Yaran ’yan shekaru 15 zuwa 20 ne.
Wannan ya haifar da firgici a yankin, lamarin da ya sa mazauna yankin da dama suka tsere zuwa wasu garuruwa.
Majiyar tsaro ta tabbatar da cewa an ceto su lafiya, duk da cewa ba a bayyana yadda aka ceto su ba.
Har yanzu ba a san ko an biya kuɗin fansa.
Waɗanda aka ceto sun haɗa da Fatima Shaibu (17), Fatima Umaru (15), Hauwa Abubakar (18), Saliha Muhammad (15), Sadiya Umaru (17), Amira Babel (15).
Sauran sun haɗa da Zara Adamu (17), Nana Shaibu (15), Zainab Musa (18), Zainab Muhammad (17), Jamila Saidu (15) da kuma Hauwa Hamidu (17).
An kai su wani waje na musamman domin duba lafiyarsu kafin a sada su da iyayensu.
Wannan na zuwa ne bayan sojoji sun farmaki maɓoyar ISWAP da ke Kudancin Borno.
Iyayen yaran sun bayyana farin cikinsu, inda suka bayyana hakan a matsayin babbar nasara.
উৎস: Aminiya
এছাড়াও পড়ুন:
Yadda aka horar da mata 100 sana’o’in dogaro da kai a Gombe
Cibiyar HANs Centre for Social Justice and Development tare da Kanady Academy, sun kammala horon kwana uku domin koya wa yara marasa galihu da matasa mata sana’o’in dogaro da kai a Jihar Gombe.
Shugabar HANs, Barista Hannatu Dauda Simon, ta ce an shirya horon ne domin ƙarfafa gwiwar mahalarta, tare da koya musu yadda za su iya rayuwa ba tare da dogaro da wasu ba.
Barau ya musanta zargin gwamnatin Kano, ya soki gwamna Abba DSS ta gayyaci Datti Baba-Ahmed kan zargin kalaman tayar da hankaliTa ce halin tattalin arziƙin ƙasar nan ya ƙara nuna muhimmancin sana’ar hannu ga matasa.
Ta bayyana cewa matasa mata 100, ciki har da ɗaliban Kanady Academy ne, suka halarci horon.
Masu horarwa daga fannoni daban-daban sun koya wa matasan sana’o’i kamar:
– Yin takalmi
– Yin burodi
– Kwalliya
– Turaren wuta
– Sarrafa kilishi
– Kula da shagunan kaya
– Da sauran sana’o’in dogaro da kai.
Ta yaba da yadda mahalarta suka dage a lokacin horon, tana mai cewa za su yi baje kolin abin da suka koya nan gaba domin nuna ƙwarewarsu.
Ta kuma ce ilimin da aka ba su zai taimaka musu wajen samun abin dogaro da kai.
Wasu daga cikin mahalartan sun bayyana farin cikinsu, inda suka bayyana cewa horon ya taimaka musu gano sana’ar da ta dace da su.
Haka kuma sun yi godiya kan kayan aikin da aka ba su domin su fara ƙananan sana’o’i.
’Yan Bindiga Sun Sace Fasinjoji 6 A Taraba