Fizishkiyan: Kasashen Musulmi Za Su Iya Sake Gina Yankin Gaza
Published: 9th, February 2025 GMT
Shugaban kasar Iran Mas’ud Fizishkiyan ya yi kira da a kafa kawancen duniya da dukkanin kasashen musulmi za su shiga ciki, domin taimakawa mutanen Gaza, da sake gina yanki, tare da cewa, kasashen musulmi kadai za su iya sake gina yankin na Gaza tare da dawo da rayuwa a cikinsa.
A ganawar da ya yi da mambobin majalisar jagoranci ta kungiyar Hamas, anan Tehran ya yi jinjina ga shahidan kawancen gwagwarmaya, ya kuma yi murna akan nasarar da ‘yan gwgawarmaya su ka samu akan ‘yan sahayoniya.
Shugaban kasar ta Iran ya kara da cewa; Nasarorin da mutanen na Gaza su ka samu, sun hana makiya ‘yan sahayoniya cimma manufofin da su ka shata, duk da cewa adadin shahidan da aka samu suna da yawa.
Haka nan kuma ya ce; Abinda ya faru, ya cancanci a yi jinjina a gare shi, tare da kuma da taya dukkanin mayaka da dukkanin mutanen Gaza murnar samun nasara.
A nasu gefen, ‘yan majalisar jagorancin na kungiyar Hamas, sun gode wa jamhuriyar Musulunci ta Iran da dukkanin ‘yan gwgawarmaya, da kuma taya su murnar nasarar da aka samu.
উৎস: HausaTv
এছাড়াও পড়ুন:
Bunkasar Fannin Kirkire-Kirkiren Fasahohi Na Sin Alheri Ne Ga Dukkanin Duniya Ba Barazana Ba
Bugu da kari, shaidu na zahiri sun tabbatar da cewa alakar ci gaban kirkire-kirkiren fasahohin Sin da sauran sassan duniya, ya kunshi kafa tushe na samar da karin daidaito a fannoni da dama, ciki har da hada-hadar cinikayya ta dijital, da ilimi da jagoranci.
Ta hanyar rage gibin dake akwai tsakanin mabanbantan sassan duniya, sashen kirkire-kirkiren fasahohin Sin na kara fadada damar raya masana’antun duniya, da samar da guraben ayyukan yi, musamman a yankunan duniya da aka jima da yin watsi da su, wanda hakan zai yi matukar amfanar da tsarin kasuwancin duniya.
A fannin raya fasahohin cin gajiyar makamashi marar dumama yanayi ma kasar Sin na kara taka rawar gani, inda alal misali Sin ke bayar da babbar gudummawa ga babban burin nahiyar Turai na fadada amfani da nau’o’in makamashi da ake iya sabuntawa, wani mataki da a halin da ake ciki ke kara ingiza aniyar manyan kamfanonin kera batira na kasar Sin, su zuba jari a kamfanonin kirar ababen hawa masu amfani da lantarki na Turai, irin su kamfanonin dake kasashen Jamus, da Faransa da Hungary.
Ta haka, kamfanonin Turai za su ci karin gajiyar fasahohin Sin na kera batiran ababen hawa, da ingiza saurin ci gaban fasahohin da kamfanonin na Turai ke bukata a wannan fage.
Ko shakka babu, ta hanyar samar da kyakkyawan yanayin bude kofa ne kadai, gajiyar kirkire-kirkiren fasahohin kimiyya da fasaha tsakanin sassan kasa da kasa za su amfani duniya baki daya. Musamman duba da cewa, tattalin arzikin duniya ba wai wani abu ne guda daya da wasu za su ci gajiyarsa wasu kuma su rasa ba, maimakon haka, wani tsari ne mai sassauyawa wanda a cikinsa tsarin gudanar kirkire-kirkiren fasahohi ke iya fadada damar dukkanin sassan duniya ta cin gajiya marar iyaka.
ShareTweetSendShare MASU ALAKA
Jami’ar Yobe ta tsunduma yajin aiki